السلام عليكم ورحمة الله
إليك الرابط التالي وفيه قائمة بفنادق ال 4 نجوم + 3 نجوم منها على البحر ومنها بالصف الخلفي وكلاهما تعطيك إطلالة رائعة على المحيط وهوائه المنعش والبارد.
وبشكل عام أفضل مكان للسكن في الجولد كوست هو منطقة السرفرز بارادايس Surfers Paradise وتحديداً حول منطقة شارع كافل Cacill وشارع أوركيد Orchid المتفرع منه داخل دائرة قطرها 300 متر.
والرابط اللي بأعطيك هو يعطيك موقع كل فندق وبعده عن السرفرز بارادايس قلب جولد كوست النابض وذلك بالضغط على وصة Map أمام إسم كل فندق.
http://www.goldcoastinformation.com.au/accommodation/gold-coast/surfers-paradise-accommodation.html
بالنسبة للميزانية والله صعبة شوية تحديدها لأن العدد كبير ما شاء الله تبارك الله لكن خذ قاعدة ، الأسعار عندهم زي دبي بس اللهم تشيل عملة الدرهم وتضع مكانها الدولار الأسترالي مع زيادة دولارين أو أربع.
مثال : سنتدويتش شاورما أو فلافل ب 7 أو 8 دولار أسترالي = 26 درهم تقريباً
بالتوفيق.

bo7meed
وعليكم السلام ورحمه الله يا بو حميد
4ساعه تشوفها مريحه وخاصه ان عندكم اطفال بيضايقون من طول الرحله وانت بتملل
اشوف افضل يكون في ترانزيت والاماراتيه توقف 6 ساعات او 3 ساعات في سنغافوره او تايلند
مشكلتهم ماشي سكن .. انا رحلت على التايلنديه وكانت التذكره حول 5000 + ترانزيت 23 ساعه
+ سكن في فندق المطار راقي ونظيف وعليهم الغدى والعشا بس مشكله التايلنديه ماشي الاتلفزونات
كبار يعني ماشي لكل شخص شاشه روحه .. هذا عيبهم لكن سمعت ان في اسطول يديد بشاشات
ويمكن يكون على هالصيف .. على العموم انا ارتحت فيها اكثر عن الاماراتيه وخطوط ثانيه ويكفيك تعاملهم
معاك احسن عن الامارات ب 10 مرات وكلهم مبتسمين ويخدمونك ويحطونك على الراس والعين
1- بخصوص الاكل اغلب الاكل اللي نسويه يكون طبخ في البيت عند مكتب لاوند دجاج ذبح اسلامي
والعيش كان عيش امريكي وطبعا ماخذين ويانا بزار وفي المطار مشولنا اياه وماقالو اي شي هذا بخصوص
الغدا اما العشاء كنا ناكل شوارما ب6 او 8 دولار للواحد مع البيبسي وكان ناخذه من عند شخص سوري
ومسلم اسمه ( اسامه ) وعند محل بيتزا وكنا بعد ناخذ من عندهم وهو اول ماتدخل شارع
البراديس على يسارك في طاولات وهو هناك محله للشوارما والجهه الثانيه محله للبيتزا وان بغيت
يساعدك في اي شي مايقصر شخص اخلاقه عاليه و طيب .. وفي مطاعم هنديه وفي مطعم
ناسي اسمه وانته رايح للبراديس تلقاه على يسارك يشوي لك الهمبرغر ويقولون اسلامي
اما ماكدونالدز ماناكل منه لان شبهه ومحد يعرف لو ذبح اسلامي ولالا
وفي تحت الشيفرون محل شاوراما ايراني لو سكنت بيكون اقربلك ..
2 - عليك بشقق ( برتبهم لك بالافضل لكن انا ماسكنت الا في شيفرون وساكن فيه اكثر عن 5 مرات )
1- Chevron Renaissance towers
2 - circle on cavill اجدد عن الشيفرون
3 - Q1
صعب تحصل شقق في الشيفرون لكن انته وحظك جرب ولو مالقيت روح السيركال اون كافيل
وانتوا ماشاء الله عددكم كبير راح تكونون موزعين ع شقتين 2 غرفتين اشوفها تكفي واهم من
كل هذا تطلبون شقق في الادوار العليه ومطله على البحر
3 - بخصوص الحدايق اسعارهم تقريبا ثابته كلهم ونفس الشي الكبير 69$ واللاطفال 46$ بس
روح مكتب lawand هناك طلاب عرب خليجين يدرسون وفي الصيف يشتغلون وبيساعدونك وبيرتبون كل
شي مواصلات وعندهم كم باكج تختار منه اللي يعجبك واسعارهم زينه
4- متوفر ومثل ماسبق وقلت روح مكتب لاوند وهو عنده اغلب الاشياء والرحلات اللي تقدر تروحها وتجربها
في قولد كوست اذا ماكان كلها
5 - كل الاماكن تنفع للعوائل وممكن الحديقه المائيه ماتناسبكم .. ولاتنسى من بعد الساعه 6
تنزل شارع البراديس وتستمع بالاجواء الخليجه وحاول ايام السبت والاحد ماتتاخرون لان الناس تكون
ماجزه وبلاويهم وممكن يتحرشون فيك بس لاترد عليهم طنشهم هم امان والشرطه متواجده لكن مافضل لو الاهل معاك
اما انته بدون الاهل مافي مشاكل وكنت اشوف وانا اتمشى بالليل روحي يهال صغار اماراتين يمشون ولاعليهم من حد
الله يحفظهم

أخوي last chance ما قصر معاك
و ان كنت أفضل أن تقرأ المواضيع المثبته لأنها قليلة نسبيا كما أن وقت السفر لا يزال بعيد
و تفضل هذا الموضوع يمكن أن يساعدك
https://artravelers.com/p/re/142202
تقبل تحياتي

BUSHARAF
شكراً أخوي ... الرابط مفيد جداً,

Last.Chance
أخوي last chance ,,, مشكور أخوي وماقصرت...
نحن نفضل تكون الرحلة دايركت, ونحن عايلة كبيره وحركتنا صعبه أو بطيئة شوي (العدد إرتفع إلى 15), فأريح لنا إن الرحله تكون دايركت, وطبعاً كل شي يتوقف على الحجوزات....
بديت أدور شقق وتقريباً لقيت طلبي, وإستفدت من الموقع ألأخ BUSHARAF , ولفيت على مواقع مشابهه كثيرة...
مكتب لاوند... بتذكر هذا الأسم,.... نحن ناوين ناخذ بشكاره معانا تطبخ وتغسل و....., بس نحن نحسب حساب الرحلات وإنا يمكن نتأخر برع, وزين إن نرد الشقه وحد يوصل لنا الأكل إلي نباه(عيش ولحم) لين البيت...
تحياتي..

eng904
أخوي الخبير شكراً لك على المداخلة, .....
الحمدلله بعد ما لفيت فالبوابة اإستراليه لقيت كثير من الأجوبة إلي كنت أدورها........
وشكراً على الجدول الرائع .......

bo7meed
عزيزي .. bo7meed
يمكنك زيارة الرابط أدناه وأخذ احتياجك منه وهو شامل عن الجولدكوست
http://www.reflections.com.au/GoldCoast/index.html

انا انصحك اخي الكريم وجميع الاخوان الخليجيين الزائرين للقولد كوست بحكم دراستي فيها وخبرتي
ارجو منكم عدم الخروج في ساعات متاخرة من المساء وخاصة يومي السبت والاحد
الشعب الاسترالي طيب جدا وفرندلي
لكن لاشربوا الله يعينك على بعضهم طبعا
اكيد فيه شرطة كثير بالسيرفس خصوصا بس الواحد مايبي المشاكل لنفسه فاسلم لك خل جدولك صباحي

fars808
شكراً أخوي على مررورك وعلى نصيحتك..