السلام عليكم و رحمة الله و بركاته
منتكارلو .. أم كان .. أم نيس ؟؟
نيس أفضل ..
وبما أنهم .. متلاصقتين من بعض ولا تبعد الاخرى عن الاخرى سوى عدة دقائق بالسيارة .. فأحب أعرف .. ماهي الطريقة المناسبة للتنقل فيما بينهم ؟؟
هل بالقطار .. أو بالتاكسي .. أو بتأجير سيارة ؟؟؟
تأجير سياره هو الخيار الأفضل طبعا
وماهي مميزات كل مدينة منهم ؟؟؟؟؟؟؟؟
مونت كارلو أهم ما يميزها وجود كازينو مونت كارلو و المارينا و اليخوت ... كان أهم ما يميزها شارع الكروازيت تقع عليه الفنادق الضخمه و المحلات الراقيه و الكافيهات و كذلك البيلاج ... نيس للناس الراقيه اللي يبون الإستجمام و الهدوء ولا تخلى من الشواطئ النظيفه و المطاعم الراقيه
وكم يوم تكفيني فيها ؟؟؟؟؟؟
إسبوع لهم كلهم كافى

تسلمين أختي ..
بس هل هي أغلى من باريس في المعيشة ؟؟
السكن في نيس ؟؟ كم يكلف حق شخصين ؟؟
وماهو المكان المناسب للسكن او المنطقة المناسبة للسكن هناك ؟؟؟؟؟
وماهو الشقة أو الفندق المناسب .. هناك ؟؟ سعر معقول

ليست أغلى من باريس ، تقريبا نفس الشي ... بس دائما الفنادق الخلفيه أرخص من اللي عالبحر حتى فى كان ... إذا تبى الناس و الزحمه إسكن فى كان في إحدى هالفنادق اللى فى الخلف مثل ما قلتلك ... و إذا تبى الهدوء و تبعد عن العرب إسكن فى نيس ... بس يبيلك تحجز من الحين حق الصيف ..
http://www.all-hotels-in-nice.com/
هذا الرابط فيه كل فنادق نيس إختار اللي يعجبك

من الحين حق الصيف ؟؟؟؟؟؟
مايصير .. لازم احدد جدول رحلاتي .. علشان أقدر أحجز جذية ..
والأخت سفريات تقول تو الناس ..
مشكورة أختي بنت الصقور .. بس هل توجد شقق مجربينها ؟؟؟
والف تحيه لج

نعم توجد شقق فى كان و نيس .. بس لم أجربها شخصيا .. أخى دام انكم شخصين وشوله الشقه .. الفندق أفضل و أريح و نفس التكلفه عادة الناس اللى تصيف فى نيس و كان لما يغادرون المدينه يحجزون للسنه الجايه فى نفس الوقت و المكان .. فى شهر 7 إحتمال انك تلقى بس فى شهر 8 مافى مجال .. كومبليه

بل لهدرجة ... زحمه ؟

http://www.abouthotel.com/data/FR-NICE.htm
عندي استفسارات عن بعض الفنادق في نيس .. أيهم أفضل .. ؟؟
هل أجد فنادق في حدود ال 90 - 150 يورو ؟؟ لليله الواحدة ؟؟ فندق 3 نجوم كفيل بذلك .. لكن اريد أسماء الفنادق ؟؟
اختي بنت الصقور ..
ما الفندق الي سكنتوا فيه في نيس ؟؟؟ وكيف كان مستواه وسعره ؟

بالنسبه لفنادق نيس بتلقى الرخيص و المناسب و تكون جيده و نظيفه .. يجيك الفندق صغير يعنى موتيل بس لا تستهين فيه .. هناك أشهر شي اللى هو فندق نيغريسكو عالبحر مباشرة .. بس فكر زين .. تبى نيس ولا كان ؟ أخاف تعجبك زحمة كان و اللمه و تدعى علي .. لم أسكن فى نيس .. بل قريب لى كان جالس هناك فى فندق صغير بس روعه عالجبل و فيه مسبح لا يتعدى ال20 غرفه بس قمة النظافه .. للأسف ما أعرف إسم الفندق بس بحاول اجيبه اذا قدرت ..

والله يمدحون الزحمة بعض الساعات ..
وأنا ماعندي مانع في السكن في نيس أو كان .. لكن بشرط فندق زين ونظيف .. ولو شقق فندقية نظيفة يكون أفضل واحسن .
وألف تحيه لج اختي