الله يسامحك ..
أنواع الزهق ؟! وفي لبنان ؟!
لا اخوي هذي كبيرة خصوصا إن جلوسك شهر واحد بس !!
انا مستعد أقبل إن العمل يخصمون من راتبي ويخلوني في لبنان 6 شهور
أقترح عليك اقتراح ..
فيه مراكز تدريب حلوة في لبنان في الجماعة الأمريكية ..
لو قدرت تاخذ لك كم دورة في أي مجال سواء يخدم عملك أو يطور من شخصيتك أعتقد سوف تشعر بالفائدة ..
فيه كمان لو استطعت تتدرب على التزلج على الثلج في بعض النوادي كمان كتير حلوة
كذلك فيه نوادي للطيران ..
طبعا هذا تطفل مني لكن يمكن يكون فيه فائدة ..
تروح وترجع بالسلامة

ابن بطوطة
هلا أخوي أبن بطوطه
أسعدتني مشاركتك و شكرا على الأقتراحات و بالعكس لا تطفل و لا شي
اما بالنسبه لموضوع الزهق بصراحه ساعات الواحد يحس بالزهق مو دايم و بعدين أنا بس من بعد الحرب رايح للبنان أكثر من 6 مرات و المشكله أنه كل الوقت يكون شغل و الله ما كنت أطلع من الشغل قبل الساعه 7 مساءا و تطلع تعبان و دايخ ما تدري شنو تسوي فكنت أروح أخذ شاور على السريع و أنزل السويليدير أتعشى و اتسلى مع الشباب الى الساعه 11 او 12 بالكثير و انام بس كنت في الويك اند اروح اشوف الأماكن اللي خارج بيروت مثل بحمدون - عاليه - برمانا - زحله و الى أخره
و بصراحه الشباب اللي معي ما يقصرون كل يوم واحد يمر ياخذني حتى لو كانوا طالعين مع أصحابهم او حتى لو مع عائلاتهم بصراحه فعلا أهل بيروت طيبين و كل اللي نقدر نقوله و الله ونعم فيهم حتى لدرجة أنه أخر مره سافرت في رمضان أستأجرت سياره و كانت تمر أيام ما أحركها .
بس نرجع لموضوع الزهق أنا ما أحب أقعد في أي بلد في العالم غير ديرتي أكثر من اسبوعين ما أدري ياأخي يوحشوني أهلي و ديرتي بس عاد للضروره أحكام
شكرا على مشاركتك و يعطيك العافيه

تروح وترجع بالسلامه

مرحبا أخي العزيز
تروح وترجع بالسلامة ودير بالك ع حالك
وموفق إنشالله
وكل عام وأنت بخير
وتصدق بسفراتي أشتاق حتى لشارع بيتنا
تحياتي