السلام عليكم ورحمة الله وبركاته
هنا احبتي توضع جميع تجارب الاعضاء أيجابيات وسلبيات اندونيسيا
حبينا تكون فى موضوع واحد تم دمج اكثر من موضوع هنا
ننتظر مشاركة الجميع...تحياتي لكم
================================================== ====
سالفتي طويلها بس الوضع كله بختصار
رحت من الرياض الى جده الى جاكرتا وعند الوصول مالقيت حقيبة الملابس واخبروني انها ماركبت الطيارة بالقاها في الرياض وصيت الشباب في الرياض قالو مافيه قلبنا المطار مالقينها قلت الوعد والرجعة
رجعت الى الرياض والفاجعة شنطتين مانزلت من الطياره وشناط اهل جده في الرياض يعني خبصة صار المفقود عندي ثلاث شناط الله يفجعني واله بغبسه
الى بسافر بدون شناط الطيران زين ماعليه المكيف شغال بس وترفيه مافيه
ودمتم سالمين
السلام عليكم ورحمته الله وبركاته
مساء الخير
مبروك الشهر يأعضاء المنتدى الرائع
كل عام وأنتم بألف خير
أنا راح أسافر بأذن الله الى العمه في نهاية شهر سبتمبر وتم الحجز على الأتحاد الأمارات
عن طريق النت بقيمة 2330 ريال شاملة الضرائب
في تاريخ sep 23 والعودة oct 07
وكان وقت الأنتظار في مطار أبوظبي تقريبا 8 ساعات في الذهاب وفي العوده 3 ساعات
وجلست أحسبه في راسي قلت ليش مادفع زياده 500 ريال وأفتك من الأنتظار
أي أن قيمة التذاكر 2330 + 500 = 2830 ريال قيمة تذاكر وأشتري على الخطوط السعودية
ماعندي وقت وأدخل على موقع الخطوط السعودية بالنت
وأحصل الصدمة الكبيرة أغلب الرحلات فل والأسعار خيالية
وحصلت حجز بسعر 2995 ريال ( وقلت ياحلاة الأنتظار )
وش الحل ي فّوٍضٍٍوٍيّ/
ويطري ع بالي فكرة وأسم على مسمى فّوٍضٍٍوٍيّ/ وجالس ع النت وفاضي
قلت خلني أجرب الفكرة ،،،
والفكره عباره عن أحجز الذهاب لوحده والعوده لوحدها أي أن كل حجز مستقل عن الثاني وفي هذا اللحظة
وأنا أحجز حصلت الصدمة تم الحجز الذهاب من الرياض الى جاكرتا في تاريخ sep 25
أي بعد يومين من تاريخ رحلتي على الأتحاد الأماراتي
بسعر حلو جداً وهو 1600 ريال سعر التذكرة والضرائب 50 ريال أي أن سعر التذكرة 1600 + 50 = 1650 ريال
طبعا الحين عزيزي العضو / العضوه تقول السعر غالي أقولك أصبر لاتستعجل
قلت بسم الله نبدا نحجز العوده من جاكرتا الى الرياض بتاريخ oct 09
أي بعد يومين من تاريخ رحلتي على الأتحاد الاماراتي
وأنصدمت يوم شفت سعر التذكره وهو 415 ريال والضرائب 00 ريال أي أن سعر التذكره 415 ريال
سعر تذكرة الذهاب ( 1650 ريال ) + سعر تذكرة العوده (415 ريال ) = 2065 ريال
وعلى طول حجز عن طريق النت وادفع عن طريق مكتب المبيعات ووصلني تأكيد ع الايميل وأخر موعد قص التذاكر
وعلى فكرة أنا مأخذت السعر المقيد لأنه أقل من السعر هذا بس المشكلة ماتقدر تبدل موعد الرحلة ولاتسترجع المبلغ
أي أني مستفيد 2995 - 2065 = 930 ريال مبلغ حلو
أعزائي الأعضاء أحد قد جرب الحجز بالطريقة ذي .؟؟؟