Nas_Mas
هلابك اختي
اولا اعتقد خط سيرك يحتاج الى اعادة ترتيب
ثانيا اذا الرحله هذي ناوين تقطعوها بالسياره فستقطعون اكثر من 2000 كلم لانك تطلعي من فينا الى جنوب المانيا ثم ترجعون لشمال المانيا وهذا متعب
هذا خط السير لرحلتك الي اقترحتيها صعبه
http://maps.google.com/maps?hl=en&tab=wl
اقترح فينا 3 ليالي
سالسبورغ 2 ليالي
زيلامسي والسكن بكابرون ارخص وأهدأ 5 ليالي
قارمش 2 ليالي
ميونخ 3 ليالي ويمكن تكون خمس ليالي وتحذفين قارمش لانه ريف مثل زيلامسي وميونخ مدينه جميله تستاهل
بالنسبه للجو خوذي ملابس صيفيه وجاكيت او بلوفر لو برد الجو تلبسونه
اي استفسار جاهزين
ورحله موفقه

اعتذر من المشرفين عن الرد على هذا الاستفسار
فهذا الموضوع يجب ان يكون في قسم الاستفسارات

اختي nas_mas عسى ربي يوفقج بسفرتج ..
انا مع اخوي abu abdullah من ناحية التوزيع
وبالنسبه للملابس يفضل انج تاخذين ( من باب الاحتياط ) لبس شتوي بس لا تكثرين
لان عموما الجو بعد المغرب فيه هوا بارد

شكرا أخوي ابو عبدالله free_kuw
على المساعدة جعله الله في ميزان حسناتكم وبالنسبة لجارمش اخترتها عشان الشلالات وعشان زي ماقرأت ان فيها قمم ثلجية اذا ماني غلطانة فإذا مافيها كلافة ممكن ترجع ترتب لي الرحلة بس حتى لو ابدأ من ألمانيا وبعدين النمسا بس من غير ماأحذف مدن او ممكن احذف برلين علما اني راح اروح من النمسا لألمانيا او العكس طيران أدري زودته بس مالي بعد الله الا أعضاء المنتدى الله يصبركم علي
وبالمرة كنت أحب تعطيني ولو تصوور قريب عن تكاليف الرحلة بالتذاكر والفنادق والتمشيات يعني شامل عشان احط في بالي ميزانية واذا في نصيحة تقدمها لي أكون من الشاكرين وأسفة ع الإطالة
وعلى فكرة أنا بعد أحب أعتذر للمشرفين وللأعضاء عن طرحي للموضوع في غير مكانه العفو والسموحة بس والله لقلة خبرتي

اختي انشالله بنكون معك لحد ماتوصلي من السفره انشالله
مثل ماساعدونا الاخوان بسفراتنا واجبنا نساعدكم
بالنسبه لقارمش انا زرتها في 2009 قريه حلوه بس اذا على الشلالات والانهار فكل الريف النمساوي شلالات وانهار
واذا على القمه الثلجيه طلعت قمة قارمش في 2009 وطلعت قمة كابرون في 2011 نفس بعض تقريبا على شان كذا اقول ممكن تتنازلين عن قارمش لانه هي وزيلامسي نفس الطبيعه بل ان فعاليات زيلامسي اكثر
والمسافه بينهم اعتقد 150 كلم
بالنسبه لكثرة التنقلات ستكون مرهقه لكم بدل ماتستمتعون بالاماكن وتكتشفون خبايا كل منطقه تضيع بالسفر
ولذلك من تجربتنا العام الماضي انصح كل واحد يحدد له ثلاث مناطق ويستمتع فيهم لان التنقل ارهقنا شوي مع العلم اننا شباب
بعدين لازم تعرفين ان برلين في الشمال الشرقي ودسلدورف في شمال المانيا وميونخ في اقصى الجنوب
وانتي تبين النمسا مع هذولي تكون مرهقه ومكلفه
انزلوا فينا وبعد ماتجلسوا ثلاث ليالي اطلعي منها على القطار الى سالسبورغ واستاجري سياره من اقرب مدينه المانيه فارسيلنج
وعيشوا متعة التمشي بالريف على السياره
وبعده لزيلامسي وكابرون ثم المحطه الاخيره ميونخ
بالنسبه للتكاليف حسب اسلوبكم بالسفر وترتيب الحجوزات بدري والبحث الجيد للفنادق ومقارنة الاسعار
شوفي جزء التجهيز للسفر في تقريري (بروحي تلك الارض مااطيب الربى) وضحت فيه تكاليف الفنادق وايجار السياره والتذاكر والفيز وغيره
وحالياً انا جالس ارتب لاثنين من الاصدقاء مع زوجاتهم
متوقع لهم التكلفه لمدة اسبوعين بحدود 25000 ريال لكل واحد هو وزوجته
حجزت لهم طيران ب 1875 ذهاب وعوده بس من بدري يعني لحقت على الكلاس المخفض
(ليما كلاس)وفيه اللي اغلى منه k كلاس وبعده m كلاس
وكلهم نفس المقعد بس الفرق بالسعر (هنا تبين فرق التكاليف من شخص لشخص)

1. السلام عليكم ورحمة الله وبركاته


2. طلعت بالاتي

السلام عليكم ورحمة الله وبركاته

أخي العزيز أبو عبدالله يعطيك ألف عافية وجزاك الله خير على صبرك وتجاوبك معي ونصحي في تخطيطي للرحلة والصراحة اني استفدت كثير من كلامك وخصوصا من قوقل ماب اللي ارسلت رابطه وخلاني اعرف كيف كنت ناوية اروح شرق غرب جنوب
وتفهمت وجهة نظرك ورجعت سويت بحث ورجعت لبوابة النمسا قلت بما ان المانيا ماراح اقدر الف فيها خليني احلل النمسا مع احترامي لوجهة نظرك اني اختار بس ثلاث اماكن بس بصراحة حلم حياتي كان اني اروح النمسا وتعبت حتى قدرت أقنع زوجي بمحاولة السفر للخارج فأبغى أحلل السفرة زي ماتقول
ومن ناحية ترتيب حجوزات افنادق واحجوزات الطيران أخوي تكفل انه يرتبها لي بشرط اني ارتب له أنا الاماكن اللي ابغاها ومن هنا لجأت لذا المنتدى وانت الله يعطيك العافية ماقصرت ورجعت قرأت الموضوع اللي قلت لي عليه واستفدت منه بطريقة ترتيبك لسير الرحلة بشكل متسلسل وبعد كل هذي المقدمة اللي صارت طويلة وممله

طلعت بالاتي

السفر ان شاءالله طبعا هو لسه مافي حجز بس حسب اللي انا مخططة له حيكون بمشيئة الرحمن من الدمام الى دبي يوم الاربعاء 27/6/2012 ومن دبي الى فيينا اما بنفس اليوم إن أمكن او الخميس 28/6/2012 بعدهاالترتيب بيكون كذا
يومين فيينا خميس وجمعة
يومين سالسبورج سبت وأحد
3 ايام زيلامسي ومنها بمر كابرون بس المبيت في زيلامسي
اثنين وثلاثاء واربعاء
بعدها يومين في تيرول وانسبروك خميس وجمعة
بعدها يومين في ستارنبرج في ألمانيا سبت وأحد
وأخيرا ميونخ 3 ايام اثنين وثلاثاء واربعاء والعودة ان شاءالله الخميس لدبي ومنها لأرض الوطن
ملحوظة ان الخميس خليته كذا ممكن تضيف او تنقص وساعتها يصير اخلي الرجهة الجمعه ان شاءالله ادري بيصير تعب بس بعدها راحة بإذن الله
أرجو من الكل يعطيني رأيه وبالأخص أخوي أبو عبدالله لأني أستنى ردك بفارغ الصبر وراح اقبل اي شي تنصحني فيه لأني بعد كذا خلاص راح ارسل مخطط الرحلة لأحوي عشان يعتمده ويبدأ بإجراءات الحجز والفييز وغيره
أسفه كثير على الإطالة
في انتظار الرد في أسرع وقت

كذا حلو المخطط
بالنسبه ستارنبيرغ مااعرف عنها شي الا انها تبعد عن ميونخ 26 كلم حسب قوقل وبالتالي ارى انه قريبه من ميونخ ماله داعي نفرد له يومين
وزعي اليومين هذولي واحد لفينا
والثاني اما زيلامسي او ميونخ اذا تبي تفرين حولين ميونخ
(فينا مايكفيها يومين لاحظي اول يوم جايه من سفر وتعب يعني رايح)
ثلاثه ايام كويس
بعدين ماادري وش وسيلة النقل؟
انصحك باستاجار سياره
ويالله عجلي بالترتيب والسفر ننتظر الرجعه والتقارير الحلوه

يعطيك ألف مليون عافية والله من اليوم عجزت لا أنام أستنى ردك
خلاص أجل أُعتمد رايك وان شاءالله ببدأ ترتيبات السفر وطبعا بغض النظر ان اخوي تكفل فيها بس راح ارجع لك كثير في الترتيبات لأن بصراحة خبرتك أكثر من أخوي والله يعينيك علي ويبي لك تاخذ نفس طوييل وأول الاستفسارات ايش رايك اخلي الرحلة ع الخطوط الاماراتية او القطرية علما ان الفرق بينهم في السعر مو كثير يمكم 200 او 300 ريال القطرية ارخص
ومشكورة مرة ثانية

كفيت ووفيت يابوعبدالله
توكلي على الله اختي مخطط ابوعبدالله ممتاز