ياهلا وغلا فيج اختي الفاضله الريم الله يحفظ بنتج من الشر وحياج
الله بين اخوانج وخواتج تفيدون وتستفيدون بالنسبه الامر عادي جدا
اذا تقدرين تخلينها عن اهلج فهذا الشئ ممتاز
اما ماتقدرين فالوضع عادي انا كانت زوجتي والده هناك وبنتي
الثاينه عمره سنتين تقريبا عندنا عربانه بالعكس ممتازه اخذي
العربانه اللي فيها نايلون يتغطي بالكامل عن البرد ووالمطر الاجواء بارده
فعلن ولكن كل مكان يوجد تدفئه بالتاكسي والباصات وقت الخريف عندهم
وين راح يكون السكن لا قدر الله اذا صارت مريضه في مستشفي
حكومي خلف فندق هلتون متربول اخذي معاج الجواز السفر والدخول مجانا
واي خدمه احنا حاضرين

وعليكم السلام أختي
مافي الا العافيه أن شاء الله
أنا سافرت لندن مع ولدي قبل ثلاث سنوات وكان عمره سنه وثلاث شهور
(بس في الصيف وارجعين نروح هالصيفية ان شاء الله)
والحمدلله كان الوضع مريح
مع أنه ولدي الوحيد وحديثة العهد بالتربيه والعناية بطفل
بس ماحبيت اسافر بدونه
مستحيل
بالنسبة للعربة أنا خليت عربته أللي أستخدمها في البلد وشريت وحده خفيفه مره (تلقينها بالمذركير أو البيبي شوب أو شيكو)
مع أن صديقتي عربة بنتها مثل عربة ولدي وراحت بها تقول كان الوضع عادي
بس أنا أحس الأفضل تكون العربة خفيفه
ولو أنك بتسافرين في الشتاء
يعني يمكن الكبيره أفضل لأنها تتسكر كامل
(فيه عربات حلوه للسفر في محلات ماماز اند باباز)
وخلي اللي معاك (زوجك مثلاً) يتدرب شلون يطويها بسرعة
يعني احياناً يمكن تضطرين تشيلينها بسرعه عشان تركبون الباص او المترو
فلازم أنتي تشيلين البنت وهو يطوي العربة ويشيلها
(اعتقد احياناً تقدرون تشيليون العربة والبنت فيها وتركبون المترو اذا فيه مساحه للعربة)
بس انتبهي لشي
أذا كانت العربة خفيفه ومعلقه فيها أغراض
وشلتين البنت الله يحفظها أنتبهي لا تطيح العربة جهة ثقل الأغراض
أنا ولدي مشى قبل لا نسافر بيوم
ومعظم الوقت كان يبي يمشى ما يبي يجلس في العربة
بس كانت تنفعنا في حمل الاغراض
انا ارتحت من شي هناك
وانتي بكرامه وين ما رحتي تلقين غرف تبديل للطفل
حتى احياناً تكون منفصلة عن مكان الحمامات وانتي بكرامه
فلا تحملي هم من هذي الناحية
بس طبعاً أفضل أنك تعملين حسابك وتطلعين بقارورة مويه ومناديل الأطفال الخاصه تحسباً لأي طارئ
ولا تنسين وقت إللي تطلعين تاخدين معاك سناك
لأن احياناً وقت الخروج يطول ويمكن ما تلقين أكل مناسب لها
واذا تشرب حليب صناعي (رضاعه) لا تنسين تاخدين حافظة الموية الصغيره اللي تحفض الحرارة حق وقت الخروج
وخذي حليب وحفاظ يكفي لفترة تواجدكم
خصوصاً لو متعودين على نوع معين ما تغيرونه
بالنسبة للملابس
خلي لبسها دايماً قطع
يعني جاكيتات تقدرين تشيلينها لو حسيتي اللبس ثقيل
وطبعاً قبعات وقفازات ولفافات والطوق اللي يحفظ الأذن من البروده
نوفمبر أكيد بيكون مره برد
وخلي لها بطانية صغيرة في العربة
وقبل لا تسافرين
مري بها عند دكتورها وقولي له يعطيك الأدوية إللي ممكن تحتاجينها
بالذات المسكن وخافض الحرارة
وانتبهي انتبهي لوقت اللي تحمميها
حاولي تدفيها زين وتلفينها بالفوطه كويس وتلبسينها بسرعه
ربي يحفظكم ويحفظ بنتكم
ورحلة سعيدة أن شاء الله

الريم اشحالج؟ روحي ولا تحاتين بس تراه في نوفمبر الجو برد قارص بالنسبه لليهال ,,, شليلها لبس ثقيل و قفازات لليدين لانه شهر نوفمبر الي فات انا ما استحملت البرد في ايديني و العيال ثقلت عليهم وايد,,
انا كنت شاله ولدي عمره سنه و الثاني عمره تقريبا 5 ,,,

1. السلام عليكم ورحمة الله

السلام عليكم ورحمة الله

الحقيقه شاهدت موضوعج وتذكرت قبل لااسافر لندن كانت نفس الاستفسارات انا والمدام ,, وكنت ماخذ بنتي علاج عمرها سنه ,, اختي لاتحاتين الامور سهله جدا جدا بالنسبه للتنقلات مافي اي مشكله بالعربه وتركبين فيها الباص وداخل الباص تقعدين قدام المكان المخصص لعربات الاطفال وكل باص يقدر يشيل 3 عربات وحطي البريك مالها وامسكيها بايدج احتياط او حطي رجلج من وراها وانتي قاعد على الكرسي بيكون البيبي وجهه عليج والامر سهل جدا جدا من اول ركبه للباص بعدها راح تلقين ان الامر عادي وبالنسبه للمحلات كلها فيها مكان لصعود او نزول العربه واذا مافيه يحطون اصنصير
اما بالنسبه للبرد لاتخافين فماشالله الجو بارد بس نظيف ونادر يمرضون الاطفال في لندن وانا كان وياي ولدي عمره 5 سنوات كان يتعب بصدره بالكويت وهناك ماشالله تبارك الله ,, المهم انا كنت ماخذ عربانه بالطياره للبيبي ولما وصلت هناك شفت شغله جديده من الخليجيين اللي نفس حالتي والاجانب وهي ان العربانه متغطيه بنايلون من فوق مو مكشوفه وفيها فتحه بالنص وتقدرين تفتحينها بعد من عند المسكه ترفعينها بالكامل اذا احتر الجو ,, في محل اسمه اراقوص بالاجوارود تطلبين منه النايلون الغطا لنفس مقاس عربانتج ويمكن ثاني يوم تستلمينه او تشترين عربانه من مذركير بشارع اكسفورد وحاولي تاخذين عربانه خفيفه واطلبي من عندهم الغطا اذا كان مافيها غطا ,,, الامور سهالات جداجدا بس الواحد يحاتي اذا كان اول مره يجي الديره وعلى فكره حتى تكاسيهم تشيل العربانه تكاسيهم واسعه مو مثلنا وبالنسبه للبس ضروري يكون قفازات وقبعه واذا حسين انها دفيانه حطيهم داخل العربه مو تصكرين عليها وذابحتها باللبس ,, والعربانه مفيده انج تحطين اغراضها تحت وكذلك تعلقين عليها اكياس المشتريات بس انتبهي تهدينها اذا الاكياس ثقيله ممكن تقلب جهة الاكياس وبالتوفيق

الوضع عادي بس رتبي نفسك من بدري
روحي باباز اند ماماز واشتري عربية واشتري شنطة الطفل مقسمة تقسيم مريح ولا تخافين