السلام عليكم
صباح الخير مساء الخير
قبل لا اكتب لكم تقرير رحلتي لمصر
راح اقولكم كيف اخذت مقلب قبل السفر بختصار .
اجتمعنا انا وثلاثه من الشباب وجلسنا نتكلم عن السفر قال واحد ايش رايكم نروح لمصر خصوصاً اني اعرفها شبر شبر
ما اخفيكم انا تحمست خصوصاً اني أول مره اروح لمصر
قلت توكل على الله انا اول واحد
جلسنا ناخذ ونعطي بالموضوع واتفقنا على كل حاجه
ومشينا نحجز
السفر يوم الجمعه الصباح
طبعا الرحله من الرياض
الشباب 2 ساكنين في الرياض و2 بالقصيم
المهم مشيت قبل الرحله بيوم واخذت شقه هناك واتصلت على الشباب وقلت يالله انا في الانتضار
قالوا وعدك الفجر خليك عند باب شقتك
وانا من الحماس نمت شوي وصحيت من الساعه 3 لين اذن الفجر
المهم صليت الفجر واجلس انتضر الشباب
تأخرو مره
قلت ياولد وين راحوا واتصل عليهم كلن في جواله ما يرد احد
رحت لأقرب واحد في بيتهم
وطلع ابوه قلت وين ابو احمد ؟
قال ما جاء من القصيم !
قلت بنفسي الله يقصم عمره سواها
وقبل الرحله يرسل واحد من الشباب رساله بالجوال يقول ( رح نم الرحله في الاحلام )
قلت رايح رايح الله لايعوق بشر ....
والله واروح للمطار واركب الطياره على مصر ........
طولت عليكم العذر والسموحه
بس ارتب اوراقي راح اقولك ايش صار وانزل التقرير قريباً
تحياتي لكم .
محبكم أبوهلال
(حاولت انسق النص ماقدرت ياليت حد المشرفين يسوي له توسيط )