السلام عليكم و رحمة الله و بركاته
عندي بعض الإستفسارات بالنسبة للذهاب لأوروبا و أتمنى المساعدة
أول شي مدة الرحلة راح تكون بإذن الله 35 يوم
بنبتديها في البرتغال و بننهيها ب سويسرا
بتكون فيه تنقلات بالسيارة و بالقطار و بالطيران
السؤال الأول و هو السؤال الأهم بالنسبة لنا و هو بخصوص السيارة
نبي نحجز سيارة من البرتغال تحديداً لشبونه مروراً بأسبانيا ( مدريد و برشلونه )
و التسليم في باريس !
لما ندخل على موقع السيارات ما يطلع لنا أقل من 10000 !!!!!
معقوله يعني ؟ هل هذا السعر طبيعي ؟ لمدة 6 أيام !؟
لأننا ممكن نحتاج السيارة ل مدة 20 يوم !
يعني يكلف أكثر من 35000 !
فإذا أحد يعرف مكتب حجز رخيص
أو موقع رخيص
و بالنسبة لموقع السيارات اللي يقارن لي فيها أسعار السيارات
سعره مرتفع جداً بعد !
السؤال الثاني بالنسبة للميزانية
كم تكفي ميزانية بالتذاكر و السكن في فنادق أربع أو ثلاث نجوم و التمشية و التسوق كذلك
للعلم إننا نبي نستانس يعني ما نبي نضغط على روحنا بالصرف
الميزانية ككل كم تكلف تقريباً ؟
و الميزانية اليومية لشخصين كم تكلف أيضاً؟
السؤال الثالث بالنسبة لرسوم دفع الطرق !
ممكن شرح .. محنا فاهمين يعني على سبيل المثال في سويسرا
نشتري الستيكر و نحطه على السيارة
و خلاص ما ندفع شي طول الفترة اللي حنا جالسين فيها بسويسرا ؟
و إلا فيه بعض الطرق لازم يكون الدفع كاش ؟
و جزاكم الله خير جالسين نخطط و محتاسين بهالكم نقطة
و أتمنى ألقى جواب ...
و أدري إن الأسئلة بشكل عام عن أوروبا
و ماعرفت وين أنزلها قلت أنزلها هنا في ( استفسارات فرنسا ).
و شكراً