1. وأنت لك سكن أنت وزوجتك بشرم الشيخ فندق خمس نجوم


2. ولك المدة سنة لازم تروح خلال السنة

السلام عليكم ورحمة الله وبركاته
اليوم رحت لمول غرناطة ( الرياض ) وأنا أتسوق ناداني مصري
قال أهلا فيك عاوزك تدخل السحب معانا ( طبعا عارف الاشكال هذي بس قلت بشوف وش عنده )
قال بسألك سؤال وبسأل المدام وكل واحد يجاوب له جائزة قلت تفضل
المهم سأل السؤالين وجاوبنا
قال للمدام تعليقة ذهب

وأنت لك سكن أنت وزوجتك بشرم الشيخ فندق خمس نجوم

ولك المدة سنة لازم تروح خلال السنة

وقال لازم بكرا تجي عندنا بمقر الشركة بالعليا نبي نسوي لك حفلة تليق بمقامك وفيه ناس غيرك بعد بس كل عائلة لها مكان خاص فيها ( خصوصية كاملة ) وبعدين نعرفكم على برامج الشركة السياحية وبعدها نسلمك الذهب و عقد السكن بس لازم تدفع لي 50 ريال الحين
قلت عشان ايش 50 ريال قال عشان الكتاب اللي تبي تأخذه معك عشان تدخل فيه مقرنا بالشركة
وإذا وصلت هناك نرجع لك الخمسين ريال قلت له وش الفائدة تأخذها وترجعها قال عشان اضمن إنك تبي تجي والكتاب مهم عندنا لازم يرجع فأنت كأنك تدفع تأمين على ترجيعه
قلت له فلوس منب دافع قالي ليه عشان 50 ريال وبعدين تبي تأخذ تعليقة ذهب وسكن قلت له ما أبي شي هونت قال ليه قلت متعود على مقالبكم هذي شفتها بدبي وغيره قال لا حنا صادقين ولا نلعب عاد تركته ورحت وزوجتي تقولي مهبول أنت تفرط فيها وبعدين لو أخذو 50 ريال ولا شي قلت أدري ولا شي بس نصابين ومكشوفين للناس و50 مني و50 من غيري يطلعون أثرياء من وراها
وبعدين لو رحت بكرا أكيد يقولون يبي يستحي ويقول لنا وين 50 حقتي
وش رأيكم بتصرفي معهم سليم ولا المفروض أجرب وأشوف نهايتها