1. وبصراحة هاذي أول مره أسافر لها

بسم الله الرحمن الرحيم
السلام عليكم ورحمة الله وبركاته
أنا متزوج جديد وسوف أسافر ماليزيا لقضاء شهر العسل بعد شهر ونصف تقريباً

وبصراحة هاذي أول مره أسافر لها

تم حجز تذاكر السفر قبل شهر على طيران الأمارات وش رايكم فيها طبعاً , وتم حجز تذاكر الطيران الداخلي على الخطوط الماليزية وش رايكم فيها طبعاً , وتم حجز الفنادق مع الأفطار جميعها في جميع المدن كل الحجوزات من مكتب طيران واحد ما عاد الطيران الداخلي عن طريق النت .
المبلغ الذي تم دفعة للتذاكر الطيران والطيران الداخلي والفنادق هو 18000 تقريباً
السفر في تاريخ 4 سبتمبر والعودة في تاريخ 18 سبتمبر
مدة السفرة 14 يوم
والسفر من الرياض ترانزيت إلى دبي 3 ساعات في مطار دبي بعدين إلى كولا
والعودة كذلك من كولا إلى دبي 3 ساعات بعدين الرياض
مخطط الرحلة هو والفنادق أنا ناقلها لكم نفس الفاتورة أبي أحد يكتبها لي بالعربي الفنادق وينها فيه بضبط ورايكم فيها طبعاً .
كولا من 4 إلى 8 سبتمبر traders
بينانق من 8 إلى 12 سبتمبر park royal hotel
لنكاوي من 12 إلى 16 سبتمبر langkawi lagoon resort
كوالا من 16 إلى 18 سبتمبر westin
وش رايكم في تقسيم المدن
أريد برنامج روعة يعني وش الأماكن الحلوة إلي أروحها في هذه المدن مقسهم من يوم أصحى وأفطر إلين الليل في كل الأيام على حسب ألي موضحه فوق لكم .
وبنسبة للطيران الداخلي أنا جميع رحلاتي بعد الظهر يعني 12 وراى وكيف أذهب للمطار وأي مطار في جميع المدن .
أنا جديد على هاذي الأمور وشايل هم السفرة والله ما أدري كيف أبتعامل معهم هناك لأني أنجليزي ما أعرف ألا شيء بسيط جداً .
أنا بس عندي الحين المبلغ هو المصروف هناك لأن كل شيء مدفوع الطيران والطيران الداخلي والفنادق بس باقي المصروف اليومي أريد أعرف كم يكفي في اليوم وكم يعني يكفيني في 14 يوم , أنا ما عندي مشكلة في الصرف لأن متزوج جديد , كم أقل شيء وكم أكثر شيء أخذه من الفلوس , وش رايكم أخذ المبلغ كله كاش والا كيف وهل اطلع فيزا والا كيف تراي ما أعرف لهذه الأمور , وطريقة صرف العملة من الريال السعودي إلى عملتهم .
وبنسبة للسواقين في كل المدن ألي أبروح لها أريد أرقام سواقين كويسيين لأنهم ألي أسمعه من الناس أنه أرخص التكاسي هناك .
وهذا المنتدى شفت فيه أشياء كثيره عن ماليزيا وغيرها من الدول والأعضاء الذين يخدمونك كثيرين وما يقصرون .
أبيكم تدبروني بجميع الأمور هاذي وبتفصيل لأني ما أعرف شيء مره أبي أروح وأرجع وأنا مبسوط مره ولكم مني الدعاء هذا ألي أقدر عليه .