تروحي و ترجعي بالسلامة أختنا المها ..
و نوصيكي بالصور .. لا تخلي شي إلا و تصوريه ..

أهلين أختي المها يبدو انها أول مشاركه لك
تروحين وترجعين سالمه غانمه يارب
بس حبيت أسئل هالمبلغ حق كم نفر
وشكرأ
دربك خضر

وعليكم السلام ورحمة الله وبركاته ...
ايوه اختي انا اوصيكِ ..اكتبي عندك :
2 ...قميص من مجمع سوقو .
1 ...عقد لولو من سوريا klcc .
4...طواقي ملايو ...من ويسما يقين .
0كيلو فواكه ...عاد شكلي شوية رامبوتان
على شوية دوريان على ماتا كوشينغ على سالاء
ولا تختارين المستوي ..وخذي اخضر عبال
ماترسلوها لي تكون استوت .
ان شفتم جوالات جديدة نزلت لا اوصيكم .
كرفتة ...فيها ورود ..للمناسبات .
عاد لاتنسين اختي تراني انتظر
امزح معاكِ وهذه دعابة الصباح ...لأنه العصافيرصحيت
موفقة اختي والصلاة الصلاة ...وربي ييسر لكم اموركم
وتروحون وترجعون بالسلامة .
وعاد لا تنسونا ان رجعتم ومثل ماقالت خالتي العربية الصور
لابد منها
هيا اختي في امان الله والسلام عليكم

تروحين وتردين بالسلامه
الشعيبي ما خليت شي الصووغه صارت كلها لك ما خلت لنا شي
اعتقد لوتحجز لك تذكره لماليزيا ارخص لها من طلباتك
اختي المها سلمي علي ماليزيا وقولي لها انه الوعيد راح يوصل الاثنين ا ن شاء الله
رااح الكثر ما بقي الا القليل
ورحله موفقه ولا تنسين طلبات الشعيبي والصوور
اخووكم الوعيد

تمنى لكم سفرا سعيدا وعودة حميده .... لا تبخلين بالصور خاصة من لنكاوي واعجبني اختيار التوقيت اختي الكريمة جدا جيد
واذا عندكم وقت استغلو الوقت الي بجنتغ في كوالا او بياننج ترى جنتغ مالها داعي ولو رحتوا لها الله يعينكم

تروحي وترجعي بالسلامة اختي المها ورحلة سعيدة وموفقة لكن طالما رايحة بالسنغافورية ليش ماتجلسي كم يوم في سنغافورة وتشوفي جزيرة سنتوزا والنايت سفاري وحديقة الطيور وأسواق اورشاد ....

رحلة موفقة ان شاء الله
وياليت تقرين توقيعي تحت
واكيد ما يخفى عليك شئ .. ولكن من باب الذكرى
وعلى فكرة .. سعركم هذا لكم واحد .. وممكن تذكرين اسماء الفنادق
والله الله بالصور ... خاصة من لنكاوي ..... الله يذكرها بالخير

شكرا لكم كلكم على مروركم الكريم بلا استثناء ... الصراحة تعجبوني خلال ساعات كل هالردود أكرر شكري لكم على مشاعركم .
ولكن هل هناك ملاحضات على رحلتي وإليكم إجابات بعض ما سألتم عنه :
أولا / عدد أفراد الرحلة ثلاثة زوجي وأنا وطفلتي ذات الثلاث سنوات ومحتارة بأخذته .
ثانيا / الفنادق هي : شيراتون سوبانج / أكوا توريال في كوالا وفي بينانج/ سيتي بيفيو في لنكاوي /وبرنس في كوالا .
ثالثا / اللي صلح لنا كل أمورنا من حجز وسكن وغيرها هو الأخ خالد الحبابي يعمل في مكتب أنحاء العالم للسفر والسياحة في الرياض شارع العليا مقابل مركز الفيصلية وأحب أسجل له كل الشكر على جهوده .

اتمنى لك رحله ممتعه والاماكن اللي اختارتيها ممتازه وياليت تضيفي يوم او يومين في مرتفعات كاميرون وهي خلاصه سحر الطبيعه الاستوائيه رغم انها بعيده شوي حوالي 4 ساعات بالميني باص او اذا تريدين مرتفعات قريبه عليك بمرتفعات فريزر او مرتفعات ماكسويل وجميع هذه المرتفعات تتميز بجو بارد منعش 22c والامطار شبه يوميه خاصه بعد الظهر والجبال يكسوها الضباب حتى انه يتسلل ويدخل للفندق ويكون منظر جمالي بديع