حياك الله اخوي بومحمد
في مكة عندك فنادق قريبة مرة مرة .. ومنها فندق زهرة مكة
وبالرياض توجد الكثير من الشقق لكن مدري ايش انصحك فيه بالضبط لأني مادري وين تبي تسكن بالضبط .. وخط الرياض - الدمام .. طريق طويل ويمر على عدة أحياء..
تحياتي ،،،

هلا بالغالي أول حبيب ،، مشكور على مرورك الكريم ..
شوف يالغالي
انا أبي سكن نظيف
ورخيص
لأن مكوثي في الرياض إذ الله قدر
ليله وحدة بس ..
أوصل العصر
الصبح أو الظهر أنا ماشي
وتحياتي لك يالغالي ..

اهلا بك اخوي بومحمد
كل عام وانت بخير
بخصوص فندق زهرة مكه فندق قريب جدا من الحرم وفندق نظيف
ولكن لا يوجد عليه امكانيه طيلة فترة الشهر الكريم انا اتصلتلك على الفندق وافاد موظف الاستقبال انه لايوجد امكانيه
ورقم تلفون الفندق 025749522 وسعره اول رمضان 600 ريال ويزيد بعد كذا
ولكن لا يوجد امكانيه ومعظم فنادق مكه حاليا محجوزه في رمضان
لك التحيه
اخوك ابو محمد

السلام عليكم ورحمه الله وبركاته
وأولا : تقبل الله منك مقدما ثانيا : حياك الله في السعوديه ونتشرف بخدمتك
اما ب النسبه ل مكه ,, انا اذا رحت لمكه اسكن في دار التوحيد ( طبعا غير رمضان لان السعر يندبل 4مرات )
لاكن سألت احد الاخوان وقال فيه فندق اسمه فندق فلسطين سعره معقول ونضيف جدا وجديد,, وهذا يبعد عن الحرم يمكن 7_8 دقايق مشي ,, لاكن كل وقت صلاة فيه باص يوصل للحرم.
اما ب النسبه للرياض مثل ما قالو اخوانا طريق الدماام طويل ويمر على عده مناطق ,, لاكن علمني متى بتجي انشالله للرياض عشاان اقدر ادبر لك سكن انشالله..
وتقبل تحياتي
اخوك
the wolf

هلا أخوي الشتيوي
يعطيك العافية يالغالي
وإذا تقدر تشوف لنا فندق نظيف وقريب ، باكون شاكرلك أفضالك
ومبارك عليك الشهر
اخوي the wolf
والله أن شاء الله راح أوصل مكة يوم الجمعة وراح امشي من مكة يوم الأحد الفجر تقريباً .. يعني راح أوصل الرياض تقريباً على الساعة 4 العصر .. أو 5 على أقل تقدير .. وراح امشي ظهر يوم الأثنين ..
يعني الي أبيه سكن نظيف وحق 3 أشخاص .. مايهمني 4 أ و 5 نجوم
اهم شئ يكون سعره مناسب وزين ..
وألف تحيه لك

اخوي بو محمد يبدو انك من هواة السفر بالسيارة و هذا شيء حلو و فعلا السفر بسيارتك الخاصة مع ربعك شيء ممتع , لكن بصراحة تبي نصيحتي , الواحد يسافر بالسيارة اذا راح لبلد بيحتاج فيها السيارة و بتكون افضل له بوايد من التكاسي و يقدر يدور فيها و يروح كل محل على كيفه , بس انت يا خوي بتروح العمرة و يمكن بتقعد يوم و نص بس في مكة و بتسكن يم الحرم بعد فليش تقطع كل هالمسافات و التعب بسيارتك على يوم واحد ؟ برايي انه ما تسوى تروح بسيارتك و روح بباص مثلا مع ربعك باص سابتكو مثلا و يقولون ممتع جدا يعني تاخذ راحتك و مافيه مسؤولية سياقة و نفس الوقت توصل مكة و تعتمر في العشر الاواخر و هي ايام جميلة بلاشك , و ترجع بعدين , و مراح يكلفك شي الباص , يعني لو بتروح الكويت ولا الامارات و البحرين او الخبر او حتى الرياض روح بسيارتك ممتاز , اما مكة و بتقعد يوم واحد انا اشوف انها متعبة وايد سواء لك او للسيارة .
و تحياتي

راشد 2002
الله يسهل أن شاء الله
وفكرة الباص انا شايلها من مخي تماماً
لأني ماداني شئ اسمه باص
وشكراً يالغالي على نصيحتك

بالرياض فيه فندق ماريوت قريب من طريق مكة ( امتداد طريق الدمام مكة ) وبنص الرياض