فندق تشيلسي يصلح للعائلات ويقع على شارع الشيخ زايد

هلا بنت الإمارات
السعر شوي عالي ما فيه قريب وسعر أقل

طيب انته كم حاط سعر عشان نقدر نساعد بطريقه افضل!
لأنه فنادق شارع الشيخ زايد غاليه فما راح تلقى فندق رخيص في هذا المكان

هلا فيك اخوي
السعر اللي أقدر عليه حوالي 500 درهم في اليوم

شوف كراون بلازا شارع الشيخ زايد
وفيه فور بوينت

والله يااخوي ب 500 درهم صعبه جدا في شارع الشيخ زايد
اقل حاجه بتلقى الغرفه بحدود ال700 وشوي
جرب موقع بوكينق اسعارهم ممتازه بس تراها بدون الضريبه عشان تكون عارف
حدد تاريخ قدومك وشوف السعر اللي بيناسبك
https://www.booking.com
وتقدر تشوف عرب لينك عندهم عروض ممتاز وخصم حلو لاعضاء المسافرون العرب
حجوزاتك الى الامارات مع عرب لينك https://artravelers.com/s/231
موفق

انصح بفندق مروج روتانا
العامري

فندق شانغريلا يقع في بداية شارع الشيخ زايد
وهذا الشارع معروف انه غالي .. لأن فيه المركز المالي لدبي .. ومركز المعارض .. فإذا كانت الاسعار غالية في الفترة اللي انت رايح فيها .. فاعرف ان في معرض كبير مقام هناك
إذا كنت تبي تروح مشي .. فأقرب شي هو نمبر ون للشقق الفندقية
وبعده تشيلسي تاور
https://artravelers.com/p/re/252282
وبعده تاورز روتانا
https://artravelers.com/p/re/239270
وبعده شيراتون فور بوينتس شارع الشيخ زايد
https://artravelers.com/p/re/212761
وىخر شي فندق فيرمونت دبي
بس حط في بالك ان المسافة شوي كبيرة .. يعني بين كل فندق والثاني في 3 او 4 ابراج بينهم
وفي الجهة المقابلة لشانغريلا في مجموعة من الفنادق .. بس طبعاً ماتقدر تروح مشي لانك بتكون على خط سريع .. واذا بتروح بسيارة يمكن تاخذ وقت بسبب الزحمة على اللفات
وفي الجهة المقابلة فنادق مثل دوسيت ثاني دبي .. والمروج روتانا (مش على الشارع الرئيسي) .. وباقي الفنادق اغلى منهم
اعتقد ان ارخص فندقين بنلاقيهم هم تاورز روتانا وشيراتون فور بوينتس
اما اذا تبي تبعد شوي عشان تاخذ فندق رخيص .. شوفلك اي فندق في بر دبي .. المسافة مش بعيدة .. بس احيانا تكون زحمة (حوالي نص ساعة بالسيارة) .. والاسعار ارخص

الف شكر لكم أخواني على المساعدة
ما قصرتوا والله يعطيكم العافية
بس فيه سؤال أخير إذا سمحتوا
ماذا عن فندق متروبيلتان هل هو قريب أم بعيد ؟
لأن عندي خصومات فيه