السلام عليكم ورحمة الله وبركاته
هذا أول موضوع لي في المسافرون العرب وأول سفره لي في حياتي فأرجوكم افيدوني بأي شي تقدرون تفيدوني فيه
لأنه ماعندي اي خبره في السفر من اي ناحيه
بسم الله
1- أول شي طلعت الفيزا الأمريكيه بكل سلاسه ولله الحمد وكذلك الفيزا الاوروبيه شنغن.
2- رحلتي على الخطوط البريطانيه British Airways : جدول الرحله
الرياض - لندن . لندن - لاس فيغاس
لاس فيغاس - لندن . لندن - مدريد
والعوده برشلونه - لندن . لندن- الرياض
سعر التذكره 7800 ريال أعتقد انها حلوه
راح أجلس في لاس فيغاس 7 ليالي من تاريخ 14 يناير الى 21 يناير
اذا احد يقدر يسوي لي جدول ل 7 ليالي هذي اكون ممنون له
السكن طبعا راح يكون على الستريب ستريت في فندق The Palazzo
تم الحجز ولله الحمد
بس المشكله في الجدول عجزت اعرف كيف ارتب وقتي فيه
الاماكن الي بحثت عنها والي ان شاء الله اروح لها اهي :
نافورة بلاجيو - ومتحف madame tussauds-
وكذالك برج الStratosphere -وفندق New York-
وفندق Paris Las Vegas
وفندق Wynn Las Vegas
وكذالك Dowtown Las Vegas
والعروض الي راح اروح لها اهي :
BlueMan Group
David Copperfield
LE RÊVE - THE DREAM
وعندي كم سوال كمان
1- هل يحتاج اني أطلع فيزا بريطانيه ورحلتي ترانزيت او لا ؟
2- المطار قال لي 23 كيلو شناط وكذا لو زادت كيف راح يتعاملون معي هل ادفع قيمة الكيلوات الزايده في المطار ام ماذا ؟
3- بعض الشباب قالي بالطياره ماتشيل شي سايل مثل العطر والكريمات الا كميه بسيطه ؟
4- خطوط الجوال وخدمة البلاك بيري كيف نظامها هناك ؟ومن وين اخذ لي خط هاتف امريكي ؟
5- المواصلات في لاس فيغاس انا معتمد 80 بالميه على المترو هل بالمترو سهل التنقل ام لا ؟
وادري انو كثرة عليكم بالهرج بس عن جد محتاج مساعدتكم