الهلالي المسافر
05-02-2022 - 12:47 am
الحمد الله بفضل الله ثم بفضلكم حجزت وضبطت اموري بالنسبة للسكن والبرنامج السياحي وما ننسى مشرفتنا الغالية ما قصرت والأخوان والأخوات الأعضاء ما قصرو
وقررنا السكن في فندق كراون بلازا فستفال إن شاء الله ولمدة 6 ليالي ..
انا محتار بصراحه انا ما شي إلى دبي إن شاء الله يوم 22 فبراير وبعد تفكير استقرينا إنا نروح للامارات عن طريق السيارة (انا والمدام :101
وش تنصحوني فيه بما انني انا وزوجتي بروح خط وش أأمن طريق واحسن ولا يكون يضيق الصدر ويكون سيدين ؟؟؟؟
والله وانا أخوك أعتقد مالك إلا أحد الطريقين الأول عن طريق خريص والثاني عن طريق حرض وبما إنه هاليومين غبار وحوسة أسلك طريق خريص وتوكل على الله ولاتنسى دعاء السفر لأن طريق حرض الرمال فيه هاالأيام تكون فيه زاحفه على الخط وتعيق حركة السير شوي إلا خلك على طريق خريص وريح بالك وادخل جوك مع سواليف المدام شوي إلا الخط منتهي والحدود قدامك ..
وأتمنى منك التكرم بالإطلاع على الموضوع المكتوب في الساحة بعنوان ( الطريق القديم من الرياض لدبي ) ( طريق الأحساء ) الأخوان فيه ماقصروا بالردود حتى حاطين لك المسافات بالتفصيل الممل أتمنى تستفيد ولك خاص تحياتي ..
الله يخليكم لبعض يارب ويرزقكم الذرية الصالحة ..
أبوممدوح
الرياض