السلام عليكم ابي اعرف عن السياحه لايطاليا و اجمل الاماكن فيها واهم الاسواق والاوتلت لها اين يقع افيدوني جزاكم الله خير

جنيف 4
انترلاكن 4
لوغانو (ميلان) - 4
سرميوني - 2
ريميني - 2
روما ..4
المشكلة ليست في توزيع الايام او البرنامج اليومي
المشكلة اللي لازم تبحث فيها هي مسالة المواصلات
القطارات شبكتها رائعة في سويسرا متواضعة في ايطاليا
لكن فكرة القطارات لها سلبيات كثيرة اهمها حرية الحركة واختيار السكن المناسب والقريب لمحطات القطار
هذا غير مدى تاقلكم مع القطارات وعملية الصعود لها والسيطرة على كل العائلة
بما انه معكم اطفال وعائلة ماشاء الله عددها كبير فخيار السيارة هو الانسب
مشكلة السيارة الفان 9 راكب لا يوجد فيها مكان كافي لحقائبكم هذا غير ان الحصول على سيارة كبيرة ليس سهل
هذا غير ان مصاريف تسليم السيارة الكبيرة في بلد ثاني مرتفعة جدا
في هذي الحالة ممكن اما انتستاجروا سيارة من جنيف وتسليم لوقانو
وقطارات في ايطاليا او تستاجرون سيارة فان ثانية من ميلانو تسليم روما
الخيار الثالث المتاح لكم وللبحث فيه هو استاجار السيارة من القسم الفرنسي من مطار جنيف وتسليمها في روما لان السعر بينخفظ شوي
تقريبا هذا مالدي في هذي المرحلة الهامة من التخطيط لان قرار المواصلات راح يعتمد عليه كلا من
اختيار المدن للنوم
والسكن
تقبل تحيتي

الله يجزاك خير ما قصرت أخوي أبو عزيز ..
لكن وش أفضل خيار للمواصلات تتوقع يناسبنا الله يعافيك ..؟ لأن ما عندنا خلفية عن الوضع هناك ..

hisham 13
اخي الحبيب هشام
اسعد الله صباحك
وضحت لك الخيارات المتاحة
وذكرت لك الخيار الافضل وهو السيارة
وذكرت لك عدة سيناريوهات له
وقلت لك انها تعتمد على التكلفة لكل طريقة
فتوكل على الله ابحث موضوع السيارة من كل جوانبه وطرقه
واستمع الى اراء الخبراء
وانصحك لو تحب انقل لك الموضوع الى بوابة الاستفسارات في سويسرا

ايه والله يا ليت تنقله جزاك الله خير ..

السلام عليكم ..
أخواني واجهتني مشكلة بنموذج تأشيرة الشنغن من موقع سفارة سويسرا بالرياض ..
بخانة الفنادق .. الفراغ لا يكفي لأربع فنادق .. وملف ال pdf مقيدني فقط أعبي النموذج وأطبعه ..
ما الحل ..؟
..
استفسار آخر .. هل الأشخاص بعمر 19 و 18 ملزمون على التوقيع على الجواز إذا كان والدهم معهم ..؟

hisham 13
ممكن تذكر اساميها فقط والباقي في ورقة مرفقة
والجواز لابد من توقيعهم واذا مايعرفون ولي امرهم يوقع النموذج بنفس توقيع جواز السفر

شوف اخوي زي ما ذكر لك ابو عزيز افضل خيار لك استئجار سياره كبيره من جنيف وتسلمها في لوقانو بسويسرا قرب ميلان وتنتقل بالقطار الى ميلان وتستأجر سياره في ايطاليا كذا راح توفر مبلغ التنقلات وكذلك تكون تنقلاتك سهله وحره لا تنسى ان عددكم كبير يعني تذاكر القطار بتاكل عليكم مبالغ وكذلك صعوبه التنقل تحياتي

الله يعطيك العافية ويكثر من أمثالك أخوي أبو عزيز ما قصرت ..
مشكور أخوي دايم .. شكلنا بنسوي كذا .. المشكلة بس بحجم السيارة ..
يعني لو ناخذ سيارتين 4 أشخاص أرخص بكثير من سيارة وحدة 9 أو 7 أشخاص .. فرق نص السعر تقريبًا .. وأسهل للعفش لأن مثل ما قال أخوي أبو عزيز السيارة الكبيرة ما فيها مكان للعفش ..
لكن المشكلة إن عمر أكبر ولد فينا 19 .. مو مسموح له يسوق ..
مدري وش الفايدة من التصريح والرخصة عندنا .. على أساس إن التصريح للقيادة داخل البلد والرخصة داخل وخارج البلد ..
لكن الله ييسر إن شاء الله ..