اهلا اختي معليش بدخل عرض فالجدول
بالنسبة لميونخ 4 ليالي كثير عليها حدها يومين ولو انا في مكانكم ليلة وحده بس عشان ارتاح بعد السفر
واعوض ايامها في زيلامسي وكابرون وسالزبورغ
وكذلك مانشستر ليلة وحده تكفيها الا اذا كنتو بتلفون فالريف الي حولها مافيها الاسوقين وملعب مانشستر لو تعوضون ايامها في لندن افضل
واسف على الازعاج

محمد 56
حياك الله أخوي محمد بالعكس تشرفنا بمداخلتك
معاك حق تسرعنا بحجز ميونيخ 4 ليالي (حجز الفندق غير مرجع) لكن بإذن الله بنرتب برنامجنا لأن معانا سيارة، فراح يكون يوم الوصول صباح السبت ( الشيك إن و التمشي بسنتر ميونيخ والإنجليش جاردن) الأحد ( إستلام السيارة والذهاب لليقو لاند) الأثنين ( الحديقة الأولمبية ومتحف بي أم دبيليو وملعب بايرن ميونيخ ) الثلاثاء ( قارميش والرجوع بنفس اليوم وإذا فيه وقت البحيرات القريبة من ميونيخ) فنكون جذيه إستغلينا الوقت بميونيخ
شرايك؟

وبالنسبة لمانشستر ، راح تكون رحلة العودة للكويت منها
وميزة السكن في مانشستر ، نكون قريبين من: بلاك بول، ألتون تاورز ، سفاري بارك ، ليك ديستريك
شرايك؟

السلام عليكم
شوفي انا ماني خبيره في اوروبا بس سبق ورحت لها مدري ليه حسيت جدوك جدا متعب ترى والله التنقل من فندق لفندق متعب والواحد يروح استرخاء واستمتاع مو تنقل العفش والشناط اكثر من مره
يعني المانيا وسويسرا والنمسا وبريطانيا وفرنسا في سفره وحده في 28 يوم !! *
احنا قبل العام رحنا المانيا وسويسرا والنمسا 35 يوم وابوي مره تعب ويقول التنقل بالسياره متعب لي ولكم مره ثانيه دولتين اكثر شي

sarah41
وعليكم السلام إخت سارة
أحترم رايج بس متعودين مع العيال على هالسفرات، والسفر بشكل عام لازم فيه تعب سواء فيه تنقل ولا ما فيه، وبالنسبة لنا العفش قليل وإذا تجمع عندنا عفش راح على طول نشحنهم الكويت.
أتمنى ما تحرمينا من ملاحظاتج يا الغالية

ماشاء الله عليكم اذا مقسمين الجدول بها الشكل بيكون ممتاز
وسلمي لي على قارمش واهلها

محمد 56
مشكور على كلامك إللي يونس، وبنوصل سلامك لأهل قارميش )

حلو اذا العيال متعودين والعفش مو واجد
يلا حبيبتي رحله موفقه وسعيده وان شاء الله تستانسون =)

sarah41
يسعدج ربي دنيا وآخرة