بإنتظارك أخي الكريم ...

حمدالله علي السلامة
وسجلني اول المتابعين

الحمدالله علي السلامه اخوي
واصل في العمه

بسم الله الرحمن الرحيم
نبدا تقريرنا على بركه الله
اولا الكاميرا المستخدمه
http://www.image-acquire.com/wp-content/
و
http://www.ces-show.com/news_images/00104_jvc-mg330.jpg
والمسافرين على اليمين علي ومصوركم على اليسار حمود
كان موعد الرحله من تاريخ 19/9/ 2010 الى 1/10/2010
الخطوط الناقلة : الخطوط السعودية
وعذرا بصراحه الخطوط كانت سيئه لاخر درجه بما فيها من خدمه ومن طائره والطامه لما رحنا نجلس بالمقاعد قال المظيف اختار لك اي كرسي واجلس > وين النظام
واغلب المسافرين كانو شغالات وانوار السوالف والقلق
مدري وشلون عدت على خير
المهم
وصلنا ولله الحمد وكان موعد الاقلاع 1 الليل بتوقيت الدمام من مطار الملك فهد الدولي
وكان الوصول بمطار جاكرتا الساعه 3 ونص العصر بتوقيت جاكرتا
المهم انا كنت محتري اي واحد يقوول هديه ههه
بس الحمدلله محد قال هديه > مستعد لهم
المهم احنا كنا حاجزين سواق وفله بالجبل من قبل
لقينا السواق بس طلب علينا 500 الف روبيه > انا وعلي مسوين فيها زنااوه وعارفين الشغله قلناله لا غالي ( وبصراحه كان سعره ممتاز)
المهم عصب وراح ولقينا واحد نصاب اسمه عبدالقادر
مدري كيف نصب علينا واخذ علينا 600 الف روبيه
لانه الكل كان يطلب 750 الف
بس هو يومين وكرشناه لانه نصاب وجبنا سواق احسن من من طرف صدييق لنا
المهم نكمل لكم
هنا ماشين من المطار
وهذا الطريق الا الجبل (بونشاك)
واخيرا وصلنا الى الفله الي كنا حاجزينها قبل لا نجي اندونيسيا
وصلنا الفله ع الساعه 8 الليل وعلى طول اخذنا دوش واحلى نومه
واليوم الثاني متفقين مع السواق يجينا ع الساعه 9 الصبح لاننا بغينا نمر مكتب سلطان > افضل المكاتب بصرااحه للتعامل
صرفنا دراهم
ومن بعدها على حديقه الحيوانات - تامان سفاري
وهذا هو مدخلها
قبل الدخول شرينا جزر للحيوانات
اول ما دخلنا بدا الهجووم والحيوانات تجينا من كل صوب
متعودين
هجوم
وهذي المناظر داخل الحديقه بصراحه روعه
وبعد ما تاخذ جوله بالسياره بتنتهي الجوله وبعدها تنزل وتتجول برجولك وتشوف بعض الحيوانات والعروض وتصور معاها
برامج تصميم http://www.alhnuf.com/tags-list/%D8%A8%D8%B1%D8%A7%D9%85%D8%AC-%D8%AA%D8%B5%D9%85%D9%8A%D9%85.html
وهذا شلال داخل الحديقة
برامج تصميم http://www.alhnuf.com/tags-list/%D8%A8%D8%B1%D8%A7%D9%85%D8%AC-%D8%AA%D8%B5%D9%85%D9%8A%D9%85.html
وهنا من فووق التلفرييك
وهناك عندهم عروض مره حلوه
هذا عرض الفيله
وهنا عرض الدلافين
وفيه عرض القراصنه تمثيل ممتاز بصراحه
بس للاسف التصوير كان ممنوع
وهنا خلصنا من تامان سفاري
وكانت الوجهه الثانية الى حديقه شيبوداس
وهذا الطريق اليها مرورا بمزارع الشاهي
مناظر خيااليه
والحين اتسأذنكم بروح اتغدا
ترقبو بقية التقرير

بالهناء والعافيه
تقرير رائع وسرد جميل ومميز
وصور جميله رائعه
واصل أخوي متابعين ومنتظرين جديدك

ملاحظه : تم اضافة بعض الصور

الحمد لله على السلامه
وسجلني متابع معكم

السلام عليكم
اشكر كل من رد على الموضوع
نكمل التقرير
بعد ما طلعنا من تامان سفاري توجهنا الى حديقة شيبوداس
وهذا هو المدخل وبتلاحضون قبل المدخل ناس يبيعون فراوله وتوت بري فريش بأرخص الاسعار
نصيحه جربوها
ولما دخلنا داخل وقفنا السياره بالمواقف
وجانا اندونيسي يقول تبون مرشد؟
قلنا ماهي بشينه وقام يورينا الاماكن داخل
وهذا اول شلال
وبعدها مشينا ونشوف بحيره وفيها نافوره
وكان فيها يوم مدرسي للبزران والكبار برضه
والاجواء كانت روعه
وبعدين كملنا طريقنا ونشوف شلال ثااني
( ملاحظه بهالحديقه موجود 7 شلالات بس احنا من التعب اكتفينا ب 5 شلالات
)
وبعدها كملنا مشي
والطريق كان شبه وعر > اووخس يالتعبير
فوق تحت يمين شمال > من جد تعبنا
الا نشوف اكبر شلال
وفيه اندونيسين لما شافونا قالو نبي نصور معهم ههه مدري ليه > بديت اشوف نفسي ساعتهاا
قال لنا المرشد باقي شلالين قلنا له بعيد؟
قال ايه يمكن 2 كيلو؟
قال نفس الي شفتوه
وطنشناا
وبعدها رجعنا
واحنا راجعين للفله قلنا للسواق يمر على محل والله ناسي اسمه بالجبل نبي نشتري تيس
واخترنا تيس الي يحبه قلبك ب 500 الف روبيه
وسلخه وقطعه لزوم الطبخ والشوي
وجبنا بعد شغاله اصليه ههه
تقول انها اشتغلت بالسعودية شغاله واسمها حليمه
بس بصراحه محترمه والله
وعليها طبخ خصوصا الكبسه تضبطهاا صح
لما جبنا لها التيس قلنا لها نبي الفطور باتسر مقلقل وكبده وشكشوكه
وماشاء الله عليها طبخها ممتاز ونظييف
وبكذا انتهى اليوم الاول
وراح اكمل طلعه اليوم الثاني قريبا
ترقبوني

الحمد لله على السلامة
كيف حجزت الفيلا والسواق من السعودية لأن سفريتي قريبه