emada
اذا تسمح لي راح اعطيك شوية ملاحظات علي برنامجك .....
اولا : ليش تضيع ليله في بانكوك ... انا من رايي تطلع مباشره من مطار بانكوك الي شانغ ماي ... السالفه ما تسوي انك تضيع عليك يوم كامل وتعال شيل الشنط ورد الشنط من والي المطار ... اخوك طلع من الكويت لبانكوك ومنها مباشره الي شانغ ماي ... وتري الوقت بس ساعه وعشر دقائق ... نصيحتي اتعب هالساعه واستفيد انك توفر يوم كامل في البرنامج ... خصوصا انك ما راح تقدر تستفيد من قعدتك هاليوم في بانكوك .....
ثانيا : عملية الحجز سهله وهذا الرابط فيه معلومات راح تفيدك عن عملية الحجوزات :
https://artravelers.com
الفنادق ما اقدر افيدك ... لاني صراحة ما احب اقييم الفنادق لسببين :
1- هناك جهات رسميه تملك حق تقييم الفنادق
2- بعض الفنادق لم اسكن اتعامل معها
اتمني من الخبراء في تايلند ان يساعدوك في بقية البرنامج ....

emada
هلا في منتداك ومنتدى كل العرب
عندي سؤال واحد بس علشان اعطيك برنامج كامل بالسكن ومناطق السياحه لشهر العسل
ممكن اتحدد ميزانية شهر العسل اقصد الصرف ؟ علشان احددلك السكن والمناطق الحلوه للسياحه
الله يجعل سنوات زواجك كلها عسل والمسلمين اجمعين

لله يعطيكم العافية أخوي فيصوله وقطر 999
أخوي قطر الميزانية في حدود 15000 ريال سعودي،،
أنا في إنتظار مقترحاتك ؟؟
تحياتي
عمودي

1. emada


2. الميزانية ممتازه جدا جدا جدا


3. الوصول الى بانكوك وعدم الانتظار والحجز من المطار يعني رحلتك كلاتي

emada

الميزانية ممتازه جدا جدا جدا

اولا بخصوص الاماكن السياحيه في المناطق الي بذكرها لك موجوده وراجع التقارير عن المناطق والاسواق والترفيه في المناطق الي بذكرها لك الان وبتحصل مناطق واسماء مختلفه ولا استطيع ذكرها لانها موجوده اصلا في منتدى تايلند
اولا نصائح سريعه

الوصول الى بانكوك وعدم الانتظار والحجز من المطار يعني رحلتك كلاتي

الوصول بانكوك من ثم + اخذ تذكرة بانكوك بوكيت 5 ايام +بوكيت سمويه 4 ايام هذي 9 ايام + العوده لبانكوك للتسوق وبتحصل المواقع كلها مع الاسماء موجوده في المنتدى
الفنادق في بوكيت هوريزون بيج هوتيل وانا سكنته بترتاح فيه + في السمويه وهذي جزيره لا تحجز الى حين وصولك لها يعني خذ تكسي ومر على الفنادق الي بتكون على البحر بتقول يمكن ماحصل حجز واتوهق مع المدام بقولك انا متعمد اني اقولك لا تحجز الفندق في السمويه الى عند وصولك لانك بتحصل شاليهات
وبكثره وكل شاليه احلى من الثاني واسعارهم رخيصه ارخص من المكاتب وصدقني انه اذا دورت بتشوف العجب مثلا شاليه داخل البحر ونوع ثاني شاليه على البحر ومثلا شاليه بين الاشجار قبل البحر ومثلا شاليه تنزل خطوتين من الدرج والى انت في البحر ولاتنسى انك تذكر لاستقبال اي فندق انك جاي شهر العسل
اما بخصوص فندق بوكيت بتحصل الحجز في المكاتب الي جنب حجز الطيران الداخلي اول ماتوصل المطار الداخلي بتحصل اصحاب المكاتب اتصوت عليك مر عليهم ولا كانك اتشوف حد منهم طنش لهم
لين ماتصول للخطوط التايلنديه وتحجز الحجز الي كتبته لك وتقريبا بيطلع عليك الحجز 4800 بات الى اذا زادت اسعارهم الله واعلم يعني الشخص الواحد 390 ريال وبعد ماتاخذ التذكره فيه مكتب ملاصق لمكتب الحجز بداخل المطار روحله واطلب غرفة سويت وبلغهم باسم الفندق الي هو هوريزون بيج
وكاسرهم في السعر او اسئل عن السعر واسئل في المكاتب الي داخل المطار لين اتحصل السعر الي تبيه طبعا انت الحين اتقول بل خايف من الاسعار بقولك لتخاف سعر الغرفة بيكون 250 ريال الليله
يعني 2800 بات مع الافطار وااكد لك انك اتبلغهم مع الافطار واتبلغهم انك هابي مون يعني شهر العسل
وتدفع لهم وتاخذ فاوشر الحجز وتدخل الصاله والتكاسي حاول انك اتكاسر معاهم داخل الجزر الي بتروح لها ولاكن في بانكوك العاصمة كل تكسي فيه عداد واذا ارتحت مع سواق معين تقدر تتفاهم معاه انه ايتم معاك وسعره باليوم كامل من 500 الى 100 بات بين السعرين وكل شي عليه ليقولك بترول ونادر جدا انه ايقولك واذا طلب منك المبلغ لاتعطيه الى اخر الرحله واذا طلب منك 200 للبترول عطه عادي هذا من المبلغ المتفق بينكم وهم عارفين واي سؤال انا حاظر ودايما للتاكيد والحرص فقط اكدد الحجز قبلها بيومين
والاسواق كاسرهم الى المجمعات فسعرها ثابت عدى بعض الاكشاك الخارجيه بداخل المجمع
ملاحظه هامة سجلها عندك اذا رحت بوكيت ومارحت الفنتازيا كانك مارحت بوكيت مابي اخرب عليك واقولك شنو هلمكان وبعد متروحله تذكرني
اما بخصوص جدول الرحلات او المناطق بداخل الجزر فبتحصل مكتب صغيره بداخل الفندق وتحجز براحتك وكل مكان على انفراد احسن لانهم يجمعون الرحلات بيوم واحد وماانصحك بذلك لانك رايح شهر عسل يعني خل كل يوم لك جدول لمنطقه معينه في بوكيت واسف للاطاله وصدقني بترتاح هذي خبرتي ل 14 مره ذهاب الى بانكوك والاقامه فيها اقل شيئ 15 يوم واكثر شي شهرين
بخصوص اي شخص ايجيك ويقولك عندي الماس او انا مسلم او او او طنش كلهم لصوص
خذ معاك دولارات
وانصح انك اتودي معاك ثياب صيفيه بسيطه يعني لتكثر لانك بتحصل اهناك ملابس جميله جدا ورخيصه لك وللمدام
اول ماتوصل المطار تصرف لك 200 دولار من داخل المطار بعد حاجز الجمارك وبتحصل تقرير مكتوب عن المطار
اولا الوصو الى مطار بانكوك والاتجاه الى المطار الداخلي وهو قريب جدا يعني المطار الداخلي لاصق في المطار العام والمسافه تمشيه 5 دقايق وبتحصل باص برع المطار الذي يوصلك الى المطار الثاني
وهناك مكاتب حجوزات الطيران
مع السلامه

برنامج حلو مره الله يعطيك العافيه

بانكوك
قراند دايموند
شينغ ماي
1- ريدجز شاينغ ماي
او ريدجز هوتيل
بوكت
2- Ambiana Phuket Kabana
======================
حجز الرحلات الداخلية من هناك..
بحدود 400ريال
قبولة

اسيروه
الله ايعافيج

برنامج حلو مره الله يعطيك العافيه