ولا تحزني أختي المسافرة
الأحسن راح تلقينها في مشاركة أخوي Al Pacino
https://artravelers.com
هذا من ناحية الأحسن كما طلبتي

أختى المسافرة
بالنسبة للأسواق في تايلند وخاصه اللي فيها بضاعة مقلدة
مجمع M B K وهو نفسة يسمى طوكيو سنتر
وتوجد به الشنط المقلدة في الدور الأرضي والأول فقط
وهناك سوق ليلي يبدأ من حوالي الساعة 9 مساءاً وحتى 1 صباحاً
يسمى باتبونج وهو عبارة عن أكشاك متلاصقة تباع فيها بضائع متنوعه من شنط وساعات وأقلام مقلدة

السلام عليكم ..
جزاك الله خير اخوي كبيان على الوصلة ..
بالنسبة للاسواق فهي كثيرة جداً ..
ومثل ماذكروا الاخوان ( ام بي كي ) هو الافضل والاقرب ..
لكن اذا حصلتي فرصه انصحك تروحين مجمع ضخم جداً اسمه ( سيام سكوير )
كبير وفيه كل شي ، واغلب مرتادينه اهل البلد ( رخيص ) ..
بالنسبة للشنط المقلدة ، فانا ما انصحك نهائياً الذهاب الى السوق الليلي ، وذلك ::
1- لكثرة الفساد فيه علناً ..
2- البضاعة ليست مميزة ..
3 - سوق ضيق جداً ..
4 - كثرة السرقات فيه ..
5 - معاملتهم سيئة .. خصوصا اذا حاولتي تساومين على اي سعر .
6 - غالي وليس رخيص كما يعتقد البعض .
وعشان اريحك .. واريح بالك ..
فانا انصحك وبشدة .. التوجه الى محل ( فريدة علي ) وهو في منطقة ( نانا ) العربية قريب جدا من فندق ( اماري بوليفارد ) + فندق ( رويال بنجا ) + فندق ( زينيث ) ..
وهو في منطقة الافارقة كما تسمى .. ومحلها صغير .. وفيه كل ماتتمننين من ساعات وشنط وشيلات حديثة جدا .. ومعاملتهم راقيه وهادئه .. ومعروف جدا لجميع الخليجين هناك ..
تفتح الساعه 6 المغرب وحتى 4 فجرا ! وهي مسلمه .
طبعا .. لازم تتفاصلين وتتساومين معها في الاسعار .. خصوصا بعد ان تجمعي كل ماتودين شرائه .. وخذي منها فاتورة الشرء في حالة رغبتك في تغييرها .
واذا فيه اي سؤال انا حاضر ..
اتمنى لكم رحلة سعيدة ...

السلام عليكم ورحمة الله وبركاته
أخوي كبيان
الأخت miss_Dubai_2003
أخوي Al Pacino
شكرا لكم جميعا على الرد وعلى المعلومات المفيدة
أما بالنسبة للسوق الليلي أخوي Al Pacino
الصراحة أنا مو ناوية أروح له لأني ما خذه عيالي معاي وما أحب أنهم يشوفون
أشياء مب زينة وعموما شكرا للنصيحة وجزاك الله خير
المسافرة

أخوي Al Pacino
إذا ممكن أعرف وقت الصلاه في بانكوك وفي فوكيت
أرجو الرد بسرعة إن أمكن!!

المسافره !!
طبعاً اوقات الصلاه في تايلند تكون كالتالي :
الفجر : بعد اذان الفجر ب 20 دقيقيه
الظهر : بعد اذان الظهر ب 20 دقيقه ايضاً
العصر : بعد اذان العصر ب 15 دقيقه
المغرب : بعد اذان المغرب ب 10 دقايق فقط انتبهي
العشاء : بعد اذان العشاء ب 15 دقيقة ايضاً - ويمكن تأخير العشاءانا ينطبق علي المثل الكويس اللي يقول : فهم السؤال نصف الاجابه ههه

ما شاء الله عليك يا أخوي سبنتاار
يعني في تايلند بنسمع الاذان الله يهديك بس!!!!!!!
بس على كل حال مشكور على مشاركتك

هلا بإختي مسافره
يا مسافر إنته سلملي على بوكيت و ايد وايد ... ;)
إن شاء الله تروحون وتستانسون بإذن الله ....
و بالنسبة للسوق في بانكوك فأحسن حل وعلشان ما تتفرفرين وايد إسكني فندق بتوموان و هو لاصق بإم بي كي سنتر من اللوبي يعني بترتاحون لا تكاسي ولا غيره . وأيضا المطاعم متوفره فيه خصوصا مطعم بيتزا عندهم أكل حلال و فيه عمال مسلمين ... تنزلين السوق تشترين على الغرفه طوالي و هلم جرا ...
أما في بوكيت فأنصحج خليها وناسه وبس لأنه سوقهم بايخ وغالي و يشبه سوق الليل الي في بانكوك ما عدا بعض الشغلات اذا شفتيهم برحلاتكم البحريه فاشتريهم مثل عقود اللؤلؤ الصناعي و الاشياء المصنوعه من القواقع والمحار لأنهم مو موجودين بهالسعر الا هناك ..وعليج بالمفاصل .
وبالنسبة للشنط المقلده إذا حبيتي ممكن أفيدج عبر الخاص ...
و كل الشكر لأخونا Al Pacino على هالمعلومه
بس حبيت أسأل بالنسبة ل فريده على هل بالإمكان انها تبعث احد بالبضاعه الي الفندق و الا لا ؟؟
تحياتي ..........

مشكورة أختي الباحثة على الرد
بس حاولت ارسلك على الخاص ما قدرت
اذا عندك معلومات عن أماكن فيها شنط مقلدة غير اللي الاماكن اللي انذكرت
دليني عليها ولك جزيل الشكر