هلا والله بالغالي
ماشاء الله تبارك الله ... عدد الأيام عندكم ( 24 يوم ) ...
وهي مدة كبيرة بصراحة ... وإذا تستطيع تقليلها إلى ( 16 يوم ) يكون أفضل
عموما يالغالي ... أؤشح لك هالبرنامج لمدة ( 24 يوم )
يومين سلانجور ... فندق البيراميد ( ثلاث غرف سوبريور متجاورة )
أربعة أيام لنكاوي ... فندق لنكاوي لاقون ( ثلاث غرف ديلوكس عالبحر )
أربعة أيام بينانغ .. فندق الباي فيو بيتش ( ثلاث غرف ديلوكي عالبحر )
ثلاث أيام الكاميرون ... فندق الأكواتريال ( ثلاث غرف سوبريور )
ثلاث أيام جنتنغ ... فندق الفيرست وورلد ( ثلاث غرف وورلد كلوب )
ثمانية أيام كوالا ... شقق سويس قاردن ريساندس ( شقتين بغرفتي نوم وصالة )

جزاك ربي بالجنة يامشرفنا الغالي والحبيب
ظنك 16 يوم كفايه
ماودنا الجدول يصير مزحوم وكل شي بسررعه
وده الواحد ياخذ راحته بكل مكان ويعطيه حقه
وليش قلت كثيره 24 من أي ناحية تقصد
تكاليف والا طفش والا ايش..؟؟
ان كان هذا رايك بحاول اقللها
لأني فعلاً أثق برايك..
وبالنسبة لسلانجور أيهم أفضل الفندق الي ذكرته
والا إمباير صوبانج
في بوكينق
يشتكون من الافطار في إمباير وصوت إزعاج السيارات والاثاث متهالك
وفي براميد مكتوب هذا الكلامقربه من المول وكذالك المنتجع المائي طاقم الفندق ودودين ومحبوبين وخدومين بشكل كبير .كذالك ادارة الفندق راعت وصولي مبكرا واعطتنى شك ان الساعه 8 صباحا.نضافة الغرفة سئيه للغايه.وجود حشرات ومن اهمها الوزغ مع العلم ان خلال اقامتي لمدة ثلاث ايام لم افتح الشباك ابدا. كيف تدخل هذه الحشرات؟؟؟؟؟؟؟
هل هذا صحيح..؟؟ ولا العالم تبالغ..!!
وهل فعلاً كل ال4 نجوم فيها حشرات..؟؟

بعد سالفة الوزغ والحشرات الله يعينا على الخمس نجوم
فرصه منها ندلع شوي ومنها ماحد يحط رجله من الغرفة بنص الليل
ممكن تفيدونا بالفنادق الخمس نجوم الفخمة الي ( بدون وزغ )
وفيها شطاف بدورات المياه تكرمون
الله يهديهم عن هالحركات
كل مافكرنا ندلع الأهل ونسكن بهالفنادق الأكثر من روعه
تطلع بدون شطاف

ياهلا فيك أخوي الحبيب ...
أنا نصحتك بتقليل المدة لأنها كثيرة بصراحة ... وراح تمل ... وتصرف كثير
من رأيئ ( 16 يوم ) هي أنسب فترة لزيارة ماليزيا ...
وماراح يكون هناك أي ضغط في البرنامج ... أو زحمة ... بالعكس سيكون الجدول مريح ..
أنت عطنا وش قررت .... وأبشر بأجمل جدول ...
وفي سلانجور ( البيراميد ) أفضل بصراحة من ( إمباير ) ...
والبيراميد ( راقي جدآ ) وكل من سكن فيه يمدحه ... ولاصحة أبدآ لوجود الحشرات
99% ممن يسكن في البيراميد ... يثني عليه ... ويتمنى العوده له من جديد
ولو تقرأ ( أراء الزبائن ) تجدها كلها تمدحه ... إلا هذا الشخص اللي كاتب هالكلام
فمن الظلم بصراحة ... أن ننسف كل الأراء الجيدة ... ونتمسك برأي سلبي واحد ...
على مسؤوليتي ... البيراميد هو الأجمل والأنسب والأفضل لك ... ولاحشرات فيه أبد ...
وبالنسبة للأفطار في ( إمباير صوبانج ) ... خذ كلام مجرب
أنا سكنت في ( إمباير ) ... فندق ساحر ... وومييز ... وأفضل مافيه بوفيه الأفطار
بوفيه الأفطار عندهم ( راقي ) ... وتعال هنا بتقريري ... وشوف بنفسك

سؤال سريع لاني بعد العشاء بروح لمكتب الحجز
تقصد 16 يوم مع أيام السفر والا بدون
يعني 18 مع السفر
أو 16 مع السفر
ولي عودة لرؤية الرد بتمعن
وجزاك ربي جنة عرضها السماوات والأرض

هلا والله بالغالي ...
الأفضل ( 16 يوم ) صافية ... بدون يومي الذهاب والعودة ..
يعني كل الرحلة ( 18 يوم ) ... منها يوم للذهاب ويوم للعودة ..
وبعد الحجز ... عطنا التواريخ ... ونقسم لك الأيام

بعد المداولات تم اعتماد الحجز التالي
الذهاب 16 اوقست الساعه 10:45
الوصول 17 اوقست الساعه 2 الظهر
العودة 8 اوقست الساعة 8 مساء
هذا آخر حد قدرت عليه مع الجماعه
شكلهم ناوين استرخاء تام
وربي يسهل الأمورسلانجور بعتمد على الله ثم عليك وبحجز في البراميد ...
بس وش الفرق بينه وبين صنوا لاقون؟؟
بيننق انا سكنت في شانجقريلا واراه مناسب جداً
في افضل وافخم منه..والا لأالله يسعد قلبك يالوافي والله انك ذيب ابن ذيب
وماليزيا بكبرها مالها طعم من دون مشورتك
يكفينا منها تشرفنا بمعرتك يالحبيب..
بإنتظار الجدول...

يامشرفين و يا خبراء
ساعدونا تكفون عطونا رايكم ومشورتكم
مافي الا الوافي ,, ومسكين كل الحمل عليه
ومع هذا مو مقصر ويحرجك بكرمه وأخلاقه
الله يجزاه بالجنه هو وأحبابه أجمعين
والمسلمين

عاد كله إلا البيرميد من وين تجي له الحشرات والوزغ ؟!!
لاحوله أشجار ولا غابات .. فندق من عدة أدوار
الفنادق اللي فيها حشرات هي اللي في الغابات في لنكاوي
حبيبنا وافي كفى ووفى ولا مزيد على ما وجه به ونصح
الآن أنت بعد المداولات صار عندك 22 ليلة
وأيضا والله تعتبر فترة طويلة
ماليزيا حدها من 14 إلى 16 ليلة كحد أقصى
لو تبغى رأيي أضف لها أندونيسيا
خذ لك 5 ليالي في الجبل (بونشاك) ساعتين من جاكرتا شيء خيال
وليلة في جاكرتا
ويتبقى عندك 16 ليلة في ماليزيا أكثر من كافية
ولا تعتقد أن أندونيسيا بعيدة كلها فركة كعب ساعة وأنت في جاكرتا كأنها رحلة داخلية
تمنياتي لك بالتوفيق وبرحلة سعيدة إن شاء الله