ياخاطري
27-11-2022 - 10:11 am
السلام عليكم و رحمه الله
أسعد الله صباحكم بكل خير .... الصرااحه ودي انط من الفرحه تعرفوون ليش
لي شهرين ابغى اسجل في المنتدي و ما جات معي صح
و اليوم الحمد لله سجلنا ........ اسعد الله امهاتكم جميعا ...
الزبده اخوكم ( ياخاطري ) اول مرة يطلع خارج السعووديه يعني في الكرتون وكاله ^^
و قررت اخربها و اسافر شهر عسل خارج السعووديه تعرفوون لازم الواحد يهايط شويه قدام الخطيبه ... و اللغه لكم عليها بأخذ لي كتاب للتعامل في السفر لا نجيب العيد قدام المدام الله يستر بس .......
المهم اعزائي و الله لكم معزة لاني من زمان اتاابع الموقع ....
انا بأحجز الليوم ان شاء الله تعالي ... و الذهاب بيكوون يوم الاثنين 2 أبريل ... و العووده 12 او 13 او 14 ماادري ما حدد على حسب الميزانيه ...
و حطيت جدول لي من راسي طبعا... و اذا في خطاء او اضافه منكم حلوة بليز لا تبخلوون على اخووكم الصغير...
لقيت الخطووط السريلانكيه ب2300 تقريبا للفرد الواحد ذهاب وعودة طبعا
الاماراتيه غاليه شوي 5400
القطريه ب 3000 و حولها شوي وش رايكم اخوي يقول السيرلانكيه كلها هنود و بنقال
وش رايكم انا قلت باخذ الارخص يعني السيلانكيه بس الطايرات نظيفه و خدمتها حلوه
ما اردي وش السالفه لاني متعود على النقل الجماعي وسيارتي الخاصه او مع كداد
المهم الجدوول طلع معي كذا
2 - سيلانجور .. الفندق ( ruemz )
3- لنكاوي اموت في هالمدينه من الصوور ( ويستن ) او ( المهم ما ابغي اكواخ مثل بيلانجي بيش
2- بياننغ فندق ( فلامنجو بيش ) ...
3- كولالمبور ... ( فندق سنترال بودو) ....
بليز لا هنتم على كل حال و الله المعذريه ان كان طولت عليكم ولو اني حوولكم كان باسلم على صلعت كل واحد فيكم نمزح معكم الله يسعدكم جميعا ....
دمك شربات وكلامك عسل ... ياليت عندي صلعة علشان تبوسها
شوف ياغالي
توقيتك للسفر حلو .. لأن الأسعار حلوة في هذ الفترة لأنها ركود يسمونه الهدوء الذي يسبق العاصفة
بالنسبة للخطوط مالك مال السيرلانكية قل لي من وين مسافر وإن شاء الله تلقى بسعر حلو
إذا من جدة فالخطوط السعودية عندها رحلات مخفضة في شهر أبريل ب 1750 ريال ذهاب وإياب للشخص الواحد
بالنسبة لتوزيعك للأيام ممتاز جداً وبالنسبة للفنادق يبغالها شوية شغل بس قل لنا كم الميزانية اللي مخصصها للفنادق وإن شاء الله نختار لك فنادق تناسب شهر العسل أحلى عسل