شوف من غير السكن والاكل ما حد يقدر يحدد لك لانه اهم شي الاكل والسكن غيره مصرفات خاصه ولا حد يعلمها الا انت ،،
ممكن نقول 100$ في اليوم شامل الاكل وممن دبل 3 مرات وممكن اقل يعني العملية تعتمد عليك

مثل ما قال ابوطلال الصرفية تعتمد عليك وكل واحد وصرفيته وتحكمه بالميزانية.
بالنسبة لي اشوف ان 100 دولار باليوم مرة شوي خاصة في مانيلا لان الاشياء الي تقدر تسويها كثير عندك اول شي التنقلات والمولات والسينما والمطاعم والاماكن الترفيهية واكثر شي اقدره المساج.
وطبعاً الصرفية ماهي ثابتة لان فيه ايام تروح وتجي وتصرف كثير لحد 500 دولار باليوم لكن فيه ايام يصير مالك نفس تطلع او تسوي شي وصرفيتك ما تعدى 50 دولار.
ولاتنسى ميزانية الرحلات خاصة اذا كنت ناوي تزور اكثر من مدينة او جزيرة لان اكثر يحجز الطيران الداخلي قبل رحلته بيوم والا يومين عشان كذا تطلع غالية في الايام العادية وفي المواسم تطلع بالدبل لدرجة انها توصل 14000 بيسو او اكثر بعد.
وحاجة ثانية تلخبط الميزانية وهي حجوزات الفنادق عن طريق النت اذا كنت تحجز بالفيزا فلما تحجز الفندق ينحجز المبلغ من الفيزا ولما تطلع من الفندق تسدد المبلغ بالفيزا لكن المبلغ الاول يبقى محجوز لمدة 15 يوم !!!
وآخر وهو الأهم لازم تخلي شي للطوارئ لاقدر الله لان الواحد مايدري وش يصير.
اتمنى لك سفرة موفقة

وحاجة ثانية تلخبط الميزانية وهي حجوزات الفنادق عن طريق النت اذا كنت تحجز بالفيزا فلما تحجز الفندق ينحجز المبلغ من الفيزا ولما تطلع من الفندق تسدد المبلغ بالفيزا لكن المبلغ الاول يبقى محجوز لمدة 15 يوم !!!
ممكن توضح لي ذا النقطه الله لايهينك
ووش احسن موقع احجز منه لاني قاعد ادور فنادق في النت ومتخوف وفيه ناس نصحوني ب agoda وش رايك فيه

abo 3ziz
كل موقع له طريقة وعروضه
اقودا ممتاز بالأضافة
الي أسياترافل وبوكنق اللي غالبآ يستخدم الطريقه بالأعلى الا أذا كان عرض غير مسترد ممكن ينخصم المبلغ على طول.
أما الباقين يخصم على طول من الفيزا ويختلف من فندق لآخر حسب سياسة الخاصة.
وعمومآ هي شركات عالمية مضمونة

الله يعطيك العافية وما قصرت اخوي ( :