أهلا سحر الليل رحلة سعيدة مقدما
نفس السؤال يراودني لاني ناوية السفر لالمانيا شهر 7 بس ما عندي اي فكرة عن اسعار القطارات والتنقلات فيها من المانيا لسويسرا ومن سويسرا لالمانيا
بس اعرف انها مو اسعار ثابتة يعني في الدرجة الاولى والثانية ابي استفسر عن الدرجة الثانية والقطار مو من الفئة السريعة من القطارات العادية كم يكون سعر التذكرة؟
وهل في طريقة نوفر في اسعار القطار مغادرة وعودة
شكرا للاعضاء :36_3_15:
ما يقصرون ابد

**هلا أختي عيون أحمد**
بخصوص سويسرا هناك بطاقة أقتصادية أسمها (لسويس باس ) نستخدمها حق تنقلتنا لسويسرا كلها شاملة القطارات والباصات والبواخر، فياليت حد يدلنا على مثل هذي البطاقة في المانيا بدل كل ساعة نقص تذكرة حق منطقة؟

اهلا مرة أخرى
شكرا على الرد
بس ممكن اعرف شلون اشتري بطاقة (لسويس باس) وبكم سعرها وكم فيها تقريبا وهل توفر او لا؟
:smile106:

صراحة هو الموضع طويل واخاف أكتب التفصيل ويحذفونه لأن يخص بوابة سويسرا(شوفي بوابة سويسرا وهناك موضوع بوعزيز يتكلم عن لسويس باس بتفصيل)
هي تنباع في المحطات القطارات أو ممكن مكاتب الحجز في البحرين (مادري أذا عنكم ولا لأ)دخلي هناك بتوضح الصورة أكثر مثل ماوضحتلي.

في المانيا يوجد بطاقه لتخفيض سعر التذاكر أسمها بان كارته ( Bahnkarte).. او BahnCard
يوجد بطاقه تخفيض 50% وسعرها 225 يورو للدرجه الثانيه أو 440 يورو للدرجه اولى..
ميزاتها يحصل المشترك على تخفيض 50% عند شراء تذاكر القطارات او الباصات او المترو ..ومدة الصلاحيه سنه كامله
لو فرضنا أن أحد افراد العيله اشترى هالبطاقه..وليكن الزوج مثلاً..
الزوجه والأولاد والبنات اللي فوق سن ال 15 كل واحد منهم يحصل على البطاقه بنصف القيمه يعني 115 يورو لكل واحد..
الأطفال تحت سن ال 15سنه يشملهم التخفيض مع الأب أو الأم..
كمان في بطاقة 100% تحوس المانيا طول عرض ليل نهار في كل القطارات والباصات والحنطورات كمان ...بس سعرها 3650 يورو لمدة سنه
للمزيد من المعلومات زوروا هالموقع باللغه الانجليزيه
http://www.bahn.de/international/view/en/bahncard/subhome/en_bahncard_info.shtml
يمكن الحصول على بطاقات التخفيض في أي محطة قطار رئيسيه ....
وسلامتكم
رحله سعيده وسياحه ممتعه للجميع

Germany_prince
تسلم أخوي على هالمعلومات، بس أعتقد وايد غالية لأنها ماتشمل حجز القطارات يمكن انا مافهمت بس أبي أوضح لك اكثر:
بأذن الله أذا رحنا سويسرا راح ناخذ لسويس باس أنا:mf_leia: وأبو العيال:m9: والأطفال مجاناً :gathering وسعرها مايتعدى 300 فرنك حق 15 يوم تقريباً وهي راح تشمل تنقلتنا من منطقة إلي منطقة بالقطارات أو الباصات أو بالبواخر وبعض الأماكن السياحية يعني مارح ندقع شي بعد ماناخذها!!!
وحضرتك تقول(أو أنا فهمت :114أذا أخذنا بان كارته بعد راح ندفع حق القطارات.
ودخلت الموقع مافهمت شي ممكن تقترح علينا أي ألحسن حق 15 يوم لعائلة صغيرة
ويعطيك العافية