تفضل اخوي بو محمد
الفنادق :
الفيصلية - ماريوت - شيراتون - انتركونتننتال - هوليدي إن - الخزامى - حياة ريجنسي
هذولي طبعا من أفضل الفنادق الموجودة.
الشقق :
الخليوي - ومعروفه على مستوى المملكة.
بالنسبة للمطاعم يوجد بها جميع المطاعم الأجنبية بالإضافه إلى المطاعم الهندية والصينية والإيرانية (لا تشيل هم المطاعم بالرياض),,,
الأماكن الترفيهيه:
ملاهي هابي لاند ( جديدة)
ملاهي الروضة - ملاهي الحكير
بالإضافة إلى منطقة الثمامه التي يوجد بها كثير من المنتزهات العائلية.
المجمعات:
الفيصلية - المملكة - العقارية - العروبة - الأندلس - بالإضافة للأسواق العاديه (الحريم ابخص)
بلإضافة إلى سوق البطحاء - وهو شعبي ورخيص وكل شي فيه من اجهزة ملابس وانت ماشي (مثل سوق منجادوا بجاكرتا )
هذا اللي طرى في بالي الحين
تحياتي

جزاك الله خير أخي Awal_7abib
أخوك .. جاسم

لا شكر على واجب

وفيه شقق اسمها بودل امام سوق الفيصلية تمام
والمطاعم عندك طريق الأمير عبد الله قريب من الشيراتون طب وتخير

هلا بومحمد
حياك الله في أرض الحرمين وعرين الأسلام
الفنادق يا الغالي بيوتنا والمطاعم المقلط وياهلا فيك ومرحبا
أما با النسبه للششق المفروشه الجميله ششق (الروشن));)
أما المطاعم ونا أخوك عليك بمطعم التنهات........فنجال وعلوم رجال وعقبها المندي اللي دسم الشوارب
ونت سالم يا الغالي
تحياتي

اخوي ابو محمد كيف حالك ان شا الله بخير...والله اخوي زارتنا البركة ,,مابي اطول عليك بالنسبة للرياض مدينة ماينمل منها حتى انك ممكن تقضي اليوم وانت ماتحس بعمرك,,,اولا بالنسبة للسكن زي ماقالك اخوي من قبل بصراحه انا جربت شقق الرياض او الغالبية منها,,,زي شقق الخليوي ماشفت من عدة نواحي اولا موقعا المتميز وسط العليا ثانيا رخصها بالنسبة للشقق الثانية يعني 2 وصالة ومجلس ب 350, 3 غرف وصاله ومجلس 450, ريال, وشقق بودل تابعة لنفس الشركة وهي جنبها ,, بالنسبة للفنادق بالرياض ماتحمل الا اسمها ما تسوى والله من يسكن فيها قصدي الانتر والماريوت, وغالية نار بالنسبة للفيصليه رائعه لكن فليساتها شوي تحر , احسن فندق عندك بالرياض بالنسبة للعالميه هو فندق الشيرتون, بصراحه يسوى من يسكن بة ,, وفية شقق ناه رهيبة ومميزه وفيها خصوصية اغلى وانظف شوي من الخليوي وتقع مقابل المملكة قطع الشارع,, حلوه بصراحة,, بالنسبة للاسواق بالرياض حدث ولا حرج, خذ عندك اسواق صحارى على طريق الامير عبدالله, الموسى على شارع العليا , العروبة تقاطع الملك فهد مع شارع العروبة جنب المملكة, العثيم مول سوق رهيب بس بعيد شوي عن العليا, بالاضافة الى المحلات الى على الشوارع العمومية مثل طريق الامير عبدالله وطريق العليا العام,,اما فية فندق زين انصحك فية كان رحت للبطحا هو فندق الديرة 3 نجول في وسط السوق تفتح البلكونة تشوف الناس تتسوق قدامك رهيب وحلو خذت فيه جناح انا 350 ريال غرفتين وصالة ,,هو يقع في عماير المعيقلية عماير كبيرة كلها اسواق ,, وجنبك ساحة قصر الحكم ماودك تطلع منها بس عيبها كلها اجانب ,, اما المطاعم انصح بمطعم بعلبك على طريق العروبة قريب من المملكة, والبحصلي جنب الشيرتون على طريق الامير عبدالله ,, وشتورة هذى مطعمي المفضل على طريق العليا ومقابل اسواق الموسى وجنبة حديقه ,, عموما اي استفسار احنا بالخدمة اخوي ,,,نشوفك على خير مع السلاامه

حبيبي بومحمد.........
الله يحييك ولازم تسير علينا
ونقوم بالواجب....
بالنسبة للمطاعم باختصر الكلام واقول لك اسأل مهموم......
لأن المطاعم لعبته.... بس الله يعينك بيمر بك على كل المطاعم الهندية لأنه يقدرها.
وخذ هذا الموقع بيفيدك ان شالله http://www.arriyadh.com

الكاسب ، المسروحي ، naif ، معجب
الصراحة أخجلتوني بردودكم الجميلة جداً . وجزاكم الله خير ، وهذا العشم فيكم . والصراحة أنا طرحت هذا الموضوع للأستفادة . لكن الصراحة شجعتوني أزور الرياض بالسيارة (يومين أو ثلاثه) مع الربع . لأني فعلاً زرت الرياض لمدة ساعتين . وكانت قمة في الجمال وماتوقعتها بهذا الترتيب الممتاز . والي لفت أنتباهي البرجين . برج الفيصلية وبرج المملكة .. لكن مشكلة الرياض زحمة شوي . وسبق أني طرحت هذا الموضوع . الي هو موضوع زيارتي . أو مروري بالرياض .. والواحد بس الله يعيني على أخذ الإجازة ههه
تحياتي لكم جميعاً . ومشكورين على هذا الرد الي أخجلني بكرمكم الصراحة ..
بومحمد

بالنسبة للزحمة فهذا موضوع ثاني........
اتوقع انت مريت المغرب او العشاء في طريق الملك فهد.....
لكن اتمنى تمر عليه في الصباح والظهر (اوقات الدوام) اتوقع راح تندم
لكن هناك بدائل سواء الطريق الدائري الشرقي ..... او الغربي اللي افتتح حديثا.
ولاتنسى فيه امكانية كبيرة لاقامة قطارات (مونورايل ) نفس اللي في سياتل بأمريكا.
واذا صار هذا الشئ انا اتوقع تخف الزحمة باكثر من 40%.
تحياتي.....;)