مساءكم الله بالخير جميعا
صراحة المنتدى مفيد بجيمع مواضيعه اللي تخليك تعيش أجواء لندن وانت في بيتكم (او في العمل)
واحلى مافي المنتدى إنكم تعطون الواحد وجه وتردون عليه بسرعه..
ولا الموضوع ما يوقف الكل يتفاعل ويشارك ولو بالدعاء..
المهم بعد المقدمة الجميلة اللي كسبت فيها قلوبكم..
أنا يا جماعة قدر الله علي وإني قدمت على دورة تدريب في لندن كتجربة حظ..
وطلع حظي حلو ووافقو عليه العمل!!
لكن على قولتهم الزين ما يكمل حلاه!!
جت الموافقة بعد العيد!! والدورة تبدأ أسبوع الجاي!!!!
وأنا في صراع مع الوقت!!
حجزت الطيارة والفندق، والفيزا نقول إن شاء الله تطلع اليوم!!
ورحلتي يوم الخميس الصبح 2/12 على طيران الإمارات وبقعد الى يوم الأحد 12/12..
فزعتكم يا عيلان ويا صبايا
الدنيا برد هناك أخذ معي بالطو صوف (شريته) ولا بالطو جلد(أشتريه)؟
وكيف وضع التمشي والسياحة هالوقت؟ يعني مع الثلج والبرد الناس نفسها شينه هناك؟
ووش أفضل شي في النتقلات باص ولا الاندرقراوند؟
والسؤال الذهبي هو:
أنا ما أمداني أطلع بطاقة فيزا ولا ماستر هل بطاقة البنك العادية تزبن (سهل إستخدامها) هناك؟
وشوكرن..