المتغليه
17-07-2022 - 08:32 pm
السلام عليكم :8888:
حابه أسأل كم سؤال مالقيت لهم أجابه في تقارير الأعضاء
1/ تقريبآ كم بتكون درجة الحراه في زيلامسي في أول جولاي ؟؟
(ولو فيه موقع يوضح لي درجات الحراره للمدن العالميه بأكون شاكره )
2/هل صحيح أن مطاعم الوجبات السريعه في أوربا تستخدم زيت الخنزير في الطبخ ؟؟ :112:
( المشكله كل ماأدخل تقرير لازم ألقى صاحبه مأكل منها وتزداد حيرتي )
3/ الزحليقه الصيفيه أقدر أركب ولدي الصغير ( عمره سنه ) معي في نفس المركبه ؟؟
4/ أفياش الكهرب كيف شكلها في فنادق أوربا ؟؟
(وألي شرى موزع ياليت يورينا صورته ومن وين شراه )
5/ كيف تعرفون أتجاه القبله ؟ ومواقيت الصلاة ؟؟
6/ هل أقدر أقص تذكر طيران أقتصادي من ميونخ لباريس في نفس الوقت ؟؟وألا لازم قبل بوقت ؟؟
( لأن المكتب رفض يحجز لنا وقال أول ما توصلون فينا أن شاء الله أحجزو لباريس )
أتمنى تردون على كل أسألتي لأنها مهمه بالنسبه لي
ولو تذكرت شئ راح أضيفه ومنتو مقصرين
1/ تقريبآ كم بتكون درجة الحراه في زيلامسي في أول جولاي ؟؟
(ولو فيه موقع يوضح لي درجات الحراره للمدن العالميه بأكون شاكره )
في جولاي العظمى 25 و الصغرى 13 بس ماهي مقياس انا لما سافرت زيلامسي كان بمنتصف جولاي ووصلت درجات الحراره الى 41 درجة مئوية بسبب موجة الحر اللي ضربت العالم في ذيك السنه
هذا مواقع حق درجات الحراره هنا و هنا http://www.weather.com/
2/هل صحيح أن مطاعم الوجبات السريعه في أوربا تستخدم زيت الخنزير في الطبخ ؟؟
( المشكله كل ماأدخل تقرير لازم ألقى صاحبه مأكل منها وتزداد حيرتي )
نعم ,,, اعتقد و الله العالم ان جميعها يستخدم زيوت الخنزير و للاسف عفا الله عني وعن جميع المسلمين لم اعلم با المعلومه الا مؤخرا رغم اني غير محبذ للماكولات السريعه حتى وانا في بلدي بس من اصل 22 ليله كلت ثلاث مرات وتحسفت3/ الزحليقه الصيفيه أقدر أركب ولدي الصغير ( عمره سنه ) معي في نفس المركبه ؟؟
نعم تقدرين تركبينه معك بس انتبهي لايصير وراكم فوج شباب طاير وانتي تمشين على هونك وتفسدين متعتهم ,,, وثاني شي انتبهي لان اللعبه فيها خطوره للي غير متعود ونصيحتي تمسكونه ,, مره ابوه يلعب وانتي تمسكينة ومره انتي تلعبين وابوه يمسكه ,,, الله يخليه لكم ان شاءالله
/ أفياش الكهرب كيف شكلها في فنادق أوربا ؟؟
هذي انتي تقولين ماحصلتها با التقارير ,,, تقرير بو عبدالاله بيمو الله يجزاه خير ذاكر النقطة هذي هنا https://artravelers.com/p/re/131495
وهذا شكله
5/ كيف تعرفون أتجاه القبله ؟ ومواقيت الصلاة ؟؟
الباحث الاسلامي هنا https://artravelers.com/p/re/53552
6/ هل أقدر أقص تذكر طيران أقتصادي من ميونخ لباريس في نفس الوقت ؟؟وألا لازم قبل بوقت ؟؟
( لأن المكتب رفض يحجز لنا وقال أول ما توصلون فينا أن شاء الله أحجزو لباريس )
كل ماحجزتو بدري كل ماحصلتو سعر ارخص وافضل ,,, وقولو لراعي المكتب ولا اللي يشتغل فيه ياشين اللي يتفلسف وهو مايدري
سياسة الطيران الاقتصادي عندهم زينا بناس وسما ,,, سعر التذكر يبدأ بسعر وبعدها يبدأ يرتفع ,,, يعني لو حجزتو بدري اكيد بتحصلون سعر افضل
نصيحتي لكم احجزو على خطوط ايربرلين لان لها اكثر من رحله يوميا من مطار ميونخ الى باريس واسعارها مناسبة ,,, تبدأ من 400 ريال للشخص وتوصل الى الالف ريال
موفقين ان شاءالله