السلام عليكم جميعا
حابه أبارك للجميع بعيد الفطر المبارك قبل الزحمة
وأن الله يجعلنا جميعا من عتقائه من النار في هالشهر الفضيل ,,,,
اللهم أمين
وبعد حابه اشكر كل من أفادنا في هالصرح العظيم وعطانا ولا بخل علينا
من وقته وعلمه وصبره و طولة باله
و أخص بالشكر الإخوان والأخوات
أبو ضرار و جمال و أسير الدوحه و سارونه و بوخلي و السويان و هدواه
وللجميع أدعو وابتهل أن يرزقهم الله من خيري الدنيا والأخره
ويجزاهم بالإحسان إحسانا و بالسيئات عفو وغفرانا
اللهم امين
قبل الأسئلة حابه أوضح ان زيارتي لكوانزو الهدف منها التأثيث
وراح تكون بأذن الله بعد العيد أن شاء الله
إنا ما احتاج أثاث بكميات كبيره بيتي صغنطوط وعلى قدي
بس بحكم آني عايشه حاليا في بلد قريب من الصين وراجعه
ان شاء الله قريب للسعوديه ومالي خلق لا أنا ولا زوجي للف والدوران
وان أحنا نكون تحت رحمه هاالمحلات اللي المعروضات فيها محدودة والأسعار نار ومبالغ فيها
واهم سبب آني أبي أثث من الصين أن في راسي حبا ما طحن,,,,,,,
أحب الزين و ذوقي صعب مره مره مره مره مره مره مره
الله لا يخيب تعبي ولا يخسر علي ولا عليكم وألاقي اللي يعجبني في الصين الشقيقة
اللحين نجي للأسئلة اللي أتمنى تتسع لها صدوركم وألاقي لها اجوبه
1: من خلال قرأتي لتقاريركم ومشاركاتكم ما شفت
أنكم جبتو طاري للسجاد
واقصد بالسجاد السجاد الصيني الراقي اللي يكون مشابه
للأيراني كثير من حيث الرسومات والألوان
انا ما اقصد السجاد العادي زي المكرونه وهالاشياء
2: وين الاقي الابجورات ؟ في سوق الأضاءه ؟؟؟؟ و إذا تعرفون مكان داخل
كوانزوا يا ليت تدلوني عليه لاني أبي كميه بسيطه وما ودي اتعنا و اضيع وقتي في مكان بعيد........
3: حابه أسأل عن سوق المواعين الفخمه من أطقم سفره وتقديم
وين ألاقيهم وهل فيها شي مختلف ولا مستواها عادي .........
4:طبعا تعرفون لازم أمر السوق الله لا يعوقني بشر
وأبي تدلوني الله لا يهينكم على
سوق الملابس النسائيه التقليد وسوق فساتين السهره بعد ولا تهون محلات تقليد اكسسوارات الماركات ,,,,,,,,,,,
5: السؤال اللي يبطح نفسه بطحا مبرحا,,,,,,,,,,,,,,,,,,, واللي مطير عني النوم
هل سهل انك تدخل مشترياتك التقليد لبلدك بسهوله ؟؟؟
مشكلتي خط رجعتي مو مباشر للسعوديه لازم امر دول اسيويه ثانيه
وصراحه اخاف أخذهم معي لان صديقتي كان لها تجربه مريرره
في إحدى مطارات شرق أسيا صادرو كل أغراضها التقليد وغرموهم بعد
وما أبي أحط زوجي في هالموقف ابد ابد
عندي كم حل وقولي وش رايكم حسب خبرتكم
# أحط الأشياء التقليد مع أثاثي في الكونتينر بس أخاف يسبب مشكله ويتعطل كونتينري
# أرسلهم عن طريق شحن للسعوديه بس اخاف يوقفونهم الجمارك ويصادرونهم
# اخزنهم عند المترجمه ويجيبهم لي زوجي لان عنده سفره ثانيه قريبه للصين
ورجعته على السعوديه بس أخاف بعد يمسكونها في مطار السعوديه ولا ما غندكم احد ...... مع ان هالحل
مو أكيد ( زوجها ما عطاها وجه )
انتم يالل أشتريتوا ماركات تقليد من الصين عادي يدخلونهم السعوديه في المطار ولا وشلون الوضع,,,,؟؟؟؟؟؟؟؟؟؟؟؟؟؟
والله محتاره ودي ما اشتري تقليد بس أخاف ما أقاوم و صراحه فرصه ما تتفوت
وفيه ناس عزيزين علي طالبين مني شغلات تقليد وودي ما اكسر خاطرهم,,,,,,,,,,
شاكره لكم مقدما على مساعدتي وما تقصرون