Me&I
30-03-2022 - 09:23 am
السلام عليكم ورحمة الله..
عندي استفسارات كثيره والله يعينكم علي.. معليش لأن كل شيء علي وأبي أرضي جميع أذواق العائله..
احترت اكتبها بأي قسم لكن قلت ببدأ من سويسرا لأنها محطتنا الاولى إن شاء الله وإذا نقصت معلومات رحت للأقسام الثانيه..
ان شاء الله تقرر سفرنا السنه هذي وبعد مداولات إلى سويسرا - فرنسا- بريطانيا
مدة الرحله 20 يوم الوصول من الرياض - جنيف ، والمغادره من لندن- الرياض إن شاء الله
ووقع الاختيار على
سويسرا: جنيف+ انترلاكن
فرنسا : انسي + باريس (تتضمن زيارة ديزني لاند ويفضل السكن عندها يوم أو2)
بريطانيا : لندن
1- كيف نقسم الايام؟
الوالده ماتبي الا لندن
الوالد يبي يجلس بقريه وهدوء ولا يحب كثرة الروحات
اخواني يبون مكان فله ووناسه
أنا أبي أشوف لندن وباريس والمتاحف+ المهم لكل البنات الشوبينق
2- التنقلات والمواصلات:
نبي نستخدم القطار بتنقلاتنا للمسافات الطويله زي بين جنيف وباريس.. وطبعا بناخذ القطار من باريس للندن..
هل السفر بالقطار مريح مايتعب مع كثرة الاغراض والحوسه ؟
تنصحون نروح لانترلاكن بسياره من جنيف والا بالقطار ومن هناك نلقى سيارات وهل نلقى سياره ل 7 أشخاص؟
ونلقى سواق مع السياره؟
هذي اسألتي مبدأيا وتحملوني
ترى بخلي موضوعي لاستفساراتي لأنها كثيره.. يعني شيكوا عليه كثير..
ترى باقي الفنادق ماسألت عنها..
وجزاكم الله خير..
لو سمحتوا ابي الجو التقريبي وبالتفصيل بهالمدن والأمطار بعد..
عشان نعمل حسابنا بالملابس الشتويه..
4- سمعت أن هاليومين حوسه بفرنسا ع النقاب.. ف هل لو غطيت راسي بس عادي مايقولون عليه شيء والا بعد يسوون لنا زحمه ؟
5- خطوط الجوال وش أفضل الشركات لأني مالقيت احد متكلم بالتقارير إلا كانها فاتتني..
+ ال bb بعد وش الشرايح الزينه له