السلام عليكم
كتبت بعض الاسئلة في موضوع قبل فتره وكانت الاسئلة بشكل عام وللأسف ماحصلت تجاوب كبير ولذلك ابحاول اسأل اسئلة محدده واتمنى احصل اجوبه شافيه..
انا بإذن الله زواجي (شهر عسل) في الصيف وتقريبا قررت السفر الى استراليا ونيوزيلاندا وطبعا لا بد استشير اخواني في الموقع جزاهم الله خير
اولا: موعد السفر تقريبا يوم السبت 12 أغسطس 2006 وممكن يكون قريب من هذا التاريخ يعني بين 11 الى 14 اغسطس 2006 يعتمد على امكانية توفر الحجز
ثانيا: بالنسبة لاستراليا فانا اخترت مدينة سيدني (7 ايام) وقولدكوست (9 ايام), اما بالنسبة لنيوزيلاندا فراح اجلس من 3 الى 4 ايام ولكن ماادري وش افضل مدينة
الاسئلة
لا تنس انه شهر عسل
1- هل استراليا ونيوزيلاندا تعتبر اختيار مناسب في نصف شهر 8 ميلادي (اغسطس)؟
2- كم درجات الحرارة في سيدني, قولدكوست, نيوزيلاندا؟
3- بالنسبة لنيوزيلاندا فراح اجلس من 3 الى 4 ايام.. وش المدينة اللي تشوفون انها تناسب لهاذي المده؟
4- وش افضل خطوط طيران مع الاسعر (انا افكر ادور على الاماراتيه او القطريه سواء كانت رحلة مباشره او غير مباشره), وهل الدرجة السياحية جيده خصوصا ان الرحلة تقريبا 16 ساعه؟
5- الفيزة كم تاخذ وقت لاستخراجها وايش الطريقه علشان استخرجها وايش المطلوب بالضبط؟
6- وش افضل فنادق.. انا سألت وقالوا لي
في سدني Crowne Plaza Darling Harbor
في قولد كوست (Meridian او شيراتون ميراج او ووتر مارك) وش الافضل مع سعر الليلة؟
في نيوزيلاندا ماعندي اي خلفيه عنها
اختاروا لي افضل فندق في كل مدينه مع السعر التقريبي بالريال السعودي؟ حط في بالك انه شهر عسل يعني لا تفشلونا
7- وش افضل خط سير؟ يعني هل اروح لسدني ثم قولد كوست ثم نيوزيلاندا
ولا اروح لقولد كوست ثم سدني ثم نيوزيلاندا ولا ايش؟؟
انا قالوا لي رح قولدكوست ثم سدني (علشان تتسوق) ثم نيوزيلاندا والهدف اني مااجلس اشتري في سدني ثم اروح اسحب عفشي لقولدكوست (بتصير شغله متعبه).. وش رايكم؟؟
8- هل العبايه تسبب مشاكل عند اهل استراليا ونيوزيلاندا خصوصا ان زوجتي ولله الحمد تغطي كل شي حتى يدينها؟
ارجو اضافة اي معلومات تشوفون انها مفيده
جزاكم الله خير