أسئلة بخصوص موريشيوس

موفنبيك

11-07-2022 - 10:22 pm

السلام عليكم أخواني وأخواتي اعضاء المنتدى
عندي استفسارات بخصوص جزيرة الأحلام " موريشيوس " وحاب اسوي لي برنامج وما أستغني عن اللي سبقني وزارها خصوصاً ان السفره هذي " شهر عسل " وحاب تكون مميزة تاريخ السفر في 20 جولاي إن شاء الله قرأت كثير في المنتدى كذا تقرير بس حبيت الاشياء المميزة في الجزيرة عندي استفسار عن ...
أفضل الفنادق ... وأتمنى وضع رابط او صور عشان اطلع على الفندق ( وياليت يتم ذكر اي منطقة شرق او شمال او جنوب او غرب ) ؟
الأماكن السياحية ؟
المطاعم الراقية ؟
كم المدة اللي تنصحوني اجلس في الجزيرة ؟ ( لاني بعدها راح ارجع واجلس 4 ايام في دبي ) ...
مشكور مقدماً للجميع ...

التعليقات (8)

الــسراب

12-07-2022 - 01:59 am

هلا يا اخوي ...
المده انصحك انها تكون مب اكثر عن 7 ايام ..
انصحك بفندق البراديس في الجنوب الغربي او الشوقر بيتش في الغرب ...
اما افي الشرق انصحك في البيل مار ...
الاماكن السياحية تقدر تشوف الموضوع المثبت لمشرفنا بو عبدالعزيز .. ما قصر حط الاماكن المهمه ...
والله يوفقك و مبروك مقدما

بينانغ

12-07-2022 - 03:00 am

أولاً:: مبروك الزواج........الله يوفقك
ثانياً:: ليش اخترت جزيرة موريسيوش لقضاء شهر العسل..؟؟
ثالثاُ:: قريب زميل لنا بالعمل زار الجزيرة ويمدحها....لكن...!!!!
ترآآآآآآآآآآآآها ....غآآآآآآآآآآآآآآآآلية..وغالية جداً..أكثرمما تستحق ..!!!
مرة أخرى الله يوفقك...

موفنبيك

12-07-2022 - 04:01 am

السراب
أخوي العزيز السراب
الله يبارك فيك ويوفقك إن شاء الله ...
أنا حاط في بالي يا 8 أو 10 أيام في الجزيرة ...
بنسبة للفنادق حاط في بالي (( بيل مار و شوقر بيتش )) كل فندق راح اجلس فيه أربع أيام لكن كنت اسأل اذا فيه أفضل منهم .. وياليت اذا فيه صور للفندقين ..
أطلعة على تقرير أخونا أبو عزيز مشكور كفى ووفى ... ويعطيك العافية أخوي السراب على ردك ..
تحياتي

موفنبيك

12-07-2022 - 05:02 am

بينانغ
أخوي الكريم بينانغ
الله يبارك فيك إن شاء الله ...
أخترتها توصية من راح لها من الأهل والمنتدى اللي الكثير أثناء عليها وأنها فيها نشاطات مختلفة وهادية ورمانسية وطبيعة متنوعة وتعرف بداية الزواج تحتاج لمكان هادي تلاقي وقت تتعرف على شريك حياتك ...
لكن أيش ؟؟
بنسبة انها غالية حاسب حسابي لهشي أهم شي التوفيق من رب العالمين ودعواتكم الصادقة ...
يعطبك ألف عافية ومشكور على تواجدك ..
تحياتي

موفنبيك

12-07-2022 - 06:03 am

السلام عليكم
ممكن أحد يفيدني بسائق يعرف عربي يرسلي رقمه خاص او حسب ماهو متبع في المنتدى من تعليمات ..
حجزت فندقين ( الفور سيزن و شوقر بيتش ) رايكم في الفندقين وماهي أبرز سلبيتهم وايجابياتهم ..
رايكم في مطاعمهم
Acquapazza
Beau Champ
Bambou
Le Club
وياليت أسمع نصائح اللي سبقوني للجزيرة ( سواءً تجهيزات معينة أخذها معاي أو الاحتياط من أشياء هناك ) ..
مشكور مقدماً للجميع

معجب بكم

12-07-2022 - 07:04 am

السلام عليكم ورحمة الله وبركاته
اتمنى أن انفع هذا المنتدى منذ زمن.ولكن عدم معرفتي بتحميل الصور أشكل علي
أمابعد:أخوي موفنبيك
قضيت شهر العسل في ميروشيس7 ليالي ودبي5 ليالي
خمس ليالي بفندق بلمار.وليلتين في برادايس
(فندق بلمار)أربع نجوم ولكن يستحق خمس نجوم بجداره للأسباب التاليه:
الفندق جميل جدا. الخدمه جدا راقيه. البوفيه رائع خاصة قسم الحلويات(الحلويات كل ليله يضيفون أنواع جديده)
ترافقك أحدى العاملات إذا أردت أن تعرف الاكل الحلال من الحرام(ويجب تركيزك على هذا الموضوع)
الإفطار على الجهه المواجه للمسبح فرصة لاتعوض
الغرفة الطابق الأرضي جميله
تعليق زوجتي على هذا الفندق بانه أونس(أي تشعر بارياحيه اكثر) من فندق برادايس
(فندق برادايس)خمس نجوم غالي ولكن غرفته جميله جدا بشرط أن تكون الغرفه بالطابق الثالث (تشوف البحر وانت على سريرك) الغرفة كبيره والجلوس بها متعه. يوجد بالفندق سبا
العيوب:الفندق كبير جدا. غير مريح نفسيا. البوفيه لم يعجبني. المسافات بعيده(يوجد عربات تنقل بين مرافق الفندق). إن زرت ميروشيس مرة أخرى لن يكون هذ الفندق من خياراتي.
وقت زيارتي في 14/7/2008
في مثل هذا الوقت تحتاج الى ملابس أشبه بشتويه
المعيشه غاليه
الشعب ودود جدا ونسبة المسلمين 15%100 سنه وشيعه
لاتنسى البوصله وهذي نصيحه فانا واجهة مشاكل مع القبلة للصلاة
من الجيد استخدام برنامج الوافي للترجمه.
انصح بمقابلة مترجم من أول الرحلة وهو يرافقك عن طريق شركة وايت سنت بقيمة 55 دولار
وجدت مترجم جيد أخذته في رحلتين معي, نصوح مسلم يعجبني أسلوبه محترم ونوعاما كومدي.
هذ رقمه(7422650)اسمه محمد رياض كلمه مباشره ارخص لك. ف55 دولار ليست كلها له, بل للشركه
أتمنى أني أفدتك

موفنبيك

12-07-2022 - 08:05 am

هلا أخوي معجب بكم
أشكرك على ردك ومساعدتك ..
بنسبة لبرنامج وافي مافهمت عليك كيف يعني استخدمه ؟
بنسبة للاخ محمد رياض هل هو سائق ويعرف عربي ؟ ام مترجم فقط ؟
وأتفقت معاه أنت 55 دولار على ايش ( يعني وش راح يقدم لك خدمة مقابل المبلغ هذا ) ...
ومشكور على ردك مقدماً
إذا ممكن أحد يفيدني عن مطاعم تكون راقية ؟
وشكراً للجميع

شاهي أخضر

12-07-2022 - 09:06 am

أنا مثلك ناوي أروح موريشوس مع الزوجة
بس ما أدري كيف أخطط لها.... و كيف أحجز الفنادق
أتمنى واحد يضبط لي كل شئ و أدفع له
هل فيه شركات سياحية كويسة؟
الطيار أسعارهم نار و الليلة ب 1500 ريال!

الجزر السياحية المسافرون العرب

أسئلة بخصوص موريشيوس