فندق ريزدنس عالمي ولكن فئته نازله شوي
الفندق له سمعه كويسه وماجربته وشارع الاستقلال جدا رائع وان شاء الله آمن مثله مثل تقسيم وعثمان بيك

انا وا ابو الشباب ان شاء الله بننزل في هالفندق وسعره مناسب و قريب جدا او مقابل مركز الشرطة هو الي ريحني اكثر ....
مثل ما قرأيت من اراء الزوار بصراحة اراهم عن الفندق طيبة ...
عسى خير

هلا اخوي
من ناحية الامان ماعندك مشكلة الفندق ماعلية خوف بس المشكلة
الازعاج الشارع ما يركد ابد وفيه كزنوات قريبة من موقعك
انا اشوف انك تغيره افضل بما ان معك زوجتك
رحلة سعيده

الازعاج ما علي من الازعاج ... لكن أهم شي الأمان ، هل فيه حراسة والا ممكن ما ادري الا اي واحد يطق علي الباب ( أقصد حرامي )
لأن الفندق معجبني مكانه وسعره ... الله يجزاكم خير

بالنسبة للفندق مادري عنو
لكن شارع الاستقلال انا قبل 3 ايام كنت ساكن فيه لمدة 4 ليالي
بصراحة الشارع جدا روعة تقريبا من الساعة 8 الصبح اليين اخر الليل مايهدا الشارع
ولو طفشت تنزل تاخدلك لفة وترجع
والشارع جدا امان

شوف ياغالي شارع الاستقلال كله سوق وعلى جنباته مقاهي وبارات
يعني ممكن تالي الليل ما تدري وش يصير معاك ويطلعلك سكران من هنا ولا هنا يبهذل بعمرك
اطلع واسكن بالاطراف اريح لك

الله يجزاكم خير ... أنا الآن ولله الحمد بشارع الاستقلال ، لكن بصراحة فيه واحد كان يتابعنا ... واول ما شفته قلت على نياته توقعت انه ما فكر فينا توقعت انه تصادف فقط ، لكن بعد ما تأكدت وتابعته الا متابعنا بشدة وقسم بالله قلبي قرقع ما ادري وش اسوي حاولت اخليه يضيعنا وفعلا لكن بعد ما تابعنا واقلقنا .. فما رأيكم بهذه الحالة ماذا نفعل هل اكلم الشرطة والا ما عندهم سالفة أخاف يكونون حرامية .. ردوا علي الله يجزاكم خير لأني بقعد في شارع الاستقلال 5 ايام .. والقصة هذه حصلت قبل ساعتين من الآن ................. شكرا لكم

redsea88
تقدر تعرف من شكله وتصرفاته مع الناس لاني كلمت واحد من يومين قالي انه يوم نزلوا مطار اسطنبول كان في تركي من اصل سوري ترقبهم من المطار وهالتركي عرف انهم خليجيين لانه شاف الشاشه اللي يكتبون عليها الطيارات الجايه يقولون انه دايم كان يلحقهم ولين باب الفندق بعدين يروح يقول لي انه بدل فندقه لانه كان خايف ويقول انه التركي باين علييه مجرم وراعي عصابات

اليوم زوجي نزل بروحه فيه الساعة 9 لحقوه ناس يعرضون عليه بنات حتى سالته يجيبونهم هوم ديلفري قال لا عرضوا عليه بياخذوه هو لشقة مشبوهة
يعني الي بيعمل شي غلط يستاهل الي يجيه
مشيت فيه انا واختي محد تعرض لنا بعد مابيعرضون لنا بنات
وبياع بمحل قال لنا لاتمشوا بالمكان الفلاني يطلع لكم سكرانين يبهذلونكم وان كان نفسي يطلع لنا سكران نطقه ونطلع فيه حرتنا
الشارع امن لكنه ازعاج والفنادق 3 نجوم بعضها باماكن منزوية مخيفة
والبياعين لصقة والشحاتين من حواليك موظفين بدوام رسمي ويخربطون كلام مانفهمه ويحطون عيال مخدرين لاستدرار المشاعر
مدري وين بلدية اسطنبول عنهم
هو حلو تتطمش على الاوادم والرايح والجاي