تركيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
زوزوان
06-11-2022 - 05:49 pm
السلام عليكم ورحمة الله وبركاته
لو سمحتو أعضاء المنتدى ناوين مع العائلة نروح تركيا في إجازة عيد الفطر لغاية 9/9
العائلة مكونة من 5 أشخاص (4 كبار وطفلة)
يعني اللي معانا محرم ولدي وعمره 17 سنة
هاذي أول مرة فيها أسافر مع عيالي بروحنا
شو رايكم في السفرة والبلد هل هي مناسبة لنا ولا لا؟
وكيف أقدر أخطط لها من حيث المصاريف-السكن -المشتريات واللوازم الضرورية
وين تنصحوني اسكن أريد مكان قريب من الأسواق والأماكن السياحية المفتوحة
للعلم المشي أكثر من ركوب السيارة
أرجو المساعدة مع التوضيح
ولكم جزيل الشكر والإحترام


التعليقات (9)
ناعوس
ناعوس
السلام عليكم ورحمة الله وبركاته
تركيا بلد إسلامي جميل ومتنوع وفيه من وسائل الجذب الشيء الكثير سواء في أسطنبول أو غيرها من المدن والقرى
لكن الذي تبرأ به الذمة ما دمتي طلبتي النصيحة لا أنصح بسفر العوائل هناك
المناظر المخلة والفاضحة والقبيحة منتشرة بشكل كبير جدا بدأ من مطار أتاتورك وفي جميع أنحاء اسطنبول، وبالأخص منطقة تقسيم التي وللأسف هي مقصد العائلات الخليجية.
تركيا بلد جميل، والناس هناك طيبين ومتعاونين بشكل عام
لكن المناظر المخلة والمنتشرة بكثرة والملابس الفاضحة جدا جدا وبشكل تتقزز منه الحيوانات قبل البشر تجعلني أقول وإبراء للذمة
لا أنصحكم أبدا بالسفر إلى هناك .
ومن ترك شيئا لله عوضه الله خيرا منه .

sakura sama
sakura sama
وعليكم السلام ورحمة الله وبركاته
بصراحه ياختي تركيا بلد جميل ويستاهل الزيارة
بس لاتحطين ببالك انه زي الخليج
لا طبعا الخليج غير
لكن لو اتبعتي بعض القواعد ان شاء الله ماعليك
و القواعد هذي مو بس بتركيا المفروض اي سائح يتبعها في كل مكان
يعني لاتخالطين الشعب كثير
لاتردين على اي احد خصوصا في اسطنبول
ابعدي عن الاماكن المشبوهه و الزحمات
احرصوا كل الحرص ماتغيب الشمس الا و انتي بالفندق
اللي يجون يقولك عرض ومدري ايش او عندي ماعندي ؟
هزي راسك نو سبيك انجلش نو سبيك اربيك اريح شي
والله هذي الاشياء دايم اتبعها ولله الحمد ماقد صادفني موقف سيء بسفراتي
واتوقع السكن بالجزء الاسيوي اكثر امان من الجزء الاوربي لقلة السياح و النصابين اللي يطاردونهم
رايي بصراحه
اذا انتي متعوده على السفر برا و جربتي اوربا و شرق اسيا ماعندك مشكله
اما اذا مالك خبره كافيه ما انصحك
الله يكتب لكم الخيره

Iam mejo
Iam mejo
- بما أنكم ناوين السفر إلى تركيا ،، أنا أنصحكم بالسفر في البداية إلى جنوب تركيا يعني إلى أضنة أو أنطاكيا تروح عليها خطوط " ناس " أما الخطوط السعودية ما تروح إلا إسطنبول ..
  • طبعاً أهل الجنوب أهدىء من أهل إسطنبول يعني لو أخذتوا فيها 4 أيام وبعدها تأخذوا طيران إلى بورصا وبعدها بالباص إلى إسطنبول وتكون العودة من إسطنبول على نفس الخطوط " ناس " .. طبعاً هذا جدول مقترح يخليكم تتعودوا على التعامل في تركيا قبل لا توصلوا إلى إسطنبول وفي نفس الوقت تكونوا شفتوا أنطاكيا لأنها جميلة جداً ..

ويعتمد على إنكم ماقطعتوا تذاكر إلى الآن .. أنا طالع في نفس الإجازة بنفس هذا الجدول .
أتمنى لكم التوفيق ...

بو نعوم
بو نعوم
إذا عزمتو على السفر اسكنوا في منطقة السلطان أحمد أو قريب منها وابتعدوا عن تقسيم

sakura sama
sakura sama
كانكم بتروحون للجنوب انطاكيا وحوليها
اعرف لك واحد ثقه
راح يفيدكم كثير ويريحك
بيستقبلك بالمطار

T U R K I
T U R K I
والله ياوخيتي أنا كبير ومعي زوجتي وحجزت على تركيا وبنفس الوقت تندمت إني حجزت
بعدما قرأت تجارب الأعضاء مع الأتراك وأن الأغلبية عايش على النصب والاحتيال !!
الدول الاَمنة كثيرة مثل ماليزيا وغيرها ..

إحساس هاديء
إحساس هاديء
صرآحه أغلب الردود تحطم ..
يعني انا اللي مسآفره ومالي علاقه بموضوعها تحطمت ..
وهي تبي الاستشاره والخبره من الاعضاء ..
بكل مكان فيه النصب والاحتيال
بكل مكان فيه زحمة الخليجيين والسرقات ..
لكن الواحد ياخذ حذره وينتبه من كل شي .. والله الحافظ في الاخير ..
اللي ينصحها انها ماتروح تركيا عشان النصب .!
انا قبل فتره رحت باريس وانسرقت من اول يووم
مع اني قريت مواضيع كثيره وكنت اخذه حذري لكن نصيب ..!
أهم شي الواحد يتحصن وياخذ حذره ومآيرد ع اي أحد يكلمه وبالاخص اللي يتكلموآ عربي
واللي يقدموا عروض ف الشارع
يعني عندي محل " مساج " عندي " مكتب سياحي " ......
و أنصحك تروحي انطاليا ..
وسفره موفقه لكم يارب ..
بالتوفيق ..

T U R K I
T U R K I
8
8
كلامك صحيح .. لكن شاهدي كم عمر أكبر رجل معهم !!؟

زوزوان
زوزوان
في البداية شكرا أخواني على الردود
بس للأسف الردود محبطة وتخوف في نفس الوقت
كنت متشجعة للسفر بس ألحين؟؟؟؟؟؟؟؟
كنت أريد أسافر ماليزيا بس قالولي إن هالمدة اللي بسير فيها ما تكفي لماليزيا عشان جذيه غيرت لتركيا
أو شو رايكم في لبنان؟
بالنسبة لي أول مرة أسافر مع عيالي
جزاكم الله خير على نصحكم لي
أنا بعدني ما حجزت ولله الحمد نتشاور أي بلاد نروح
وآخذ آرائكم في السفر
يعني شو أسوي ألحين؟ ولا وين أسافر بالضبط مكان يصلح للعوائل ؟
وفي نفس الوقت مثل ما قلتلكم أول مرة أسافر أنا وعيالي بس
بالفعل محتاجين نطلع قبل المدارس وبالمرة أنا ماخذه إجازة وحابين نطلع فيها


خصم يصل إلى 25%