أعظم واجل وأجمل بداية هي تلك البداية التي احب أن ابدأ بها مواضيعي ..
( بسم الله الرحمن الرحيم )
السلام عليكم ورحمة الله وبركاته وتحية معطّره لكل من أطلّ هنا
اللي ماله خلق ومابه حيل يقرأ كثير ينط تراي جاي من ديرة القرق :mf_leia:
بداية التقرير مثل ماهو بالعنوان بيكون عن سفره لمصر وكانت السفره لا ع البآل
ولا ع الخآطر ولكن كانت عندي رغبه بالسفر لمصر خاصة وان سفرتي الأولى لمصر
كانت ما ( بردت التسبد ) ومارحت لأماكن كثير كانت ببالي او بالأصح كانت ملخبطه ..
اتصل بي احد اخوياي وقال فيه فلان وفلان ( شباب رحنا ال 4 لأوروبا بسفرة الحلم )
وقال انه فيه نيه عندهم للسفر لمصر وش رايك ؟قلت ارد لك .. شفت أموري وقلت معكم
وتم الحجز على الخطوط المصريه .. وللأسف رحنا 3 والرابع صار له ظروف ولا راح ..
كانت النيه للحجز السكن شقه عن طريق شخص يسوي عروض تسويقيه لشقق ويحط
لهم صور بموقعه ويكتب الأسعار شامله إيش والفنادق يعطي أسعار حلوه ويجيب عروض
مميزه لفنادق 3 و 4 و5 نجوم ..
كان الإتفاق او الإختيار من خوينا اللي مضبط لنا الحجوزات للطيران ودايم - جزاه الله خير -
يريحنا بالسفر يحجز لنا تذاكر الطيران والسكن وحتى بالرحلات الداخليه يحجز لنا والقطارات
ماشاء الله عليه وربي يسعده < يدري انه يقرأ الرد
كانت السفره قبل اسبوعين تقريبا او 3 .. الخميس الساعه 2.30 ظهرا بتوقيت مطار
الملك خالد الدولي بالرياض وكنا هناك على الساعه 1 تقريبا وقصينا بوردينق وللأسف
حاسوا مقاعدنا .. ركبنا على بركة الله واخذنا كم صوره بالطياره تقل اول مره نسافر :icon_wink
بس للأمانه كنا نشوف اثنين شباب بالكراسي اللي جنبنا وصوروا انفسهم قمنا نصور بالاول
نستهبل يعني نقلدهم لكن حلوه كذكريات :36_6_9:
نبدأ بالصور على بركة الله