1. السؤال الاول:


2. السؤال الثاني:


3. السؤال الثالث:

السلام عليكم ورحمة الله وبركاته
أتمنى مساعدتكم في التخطيط لرحتلي الصيفية إن شاء الله لهذه السنة وبصراحه الفضل الكبير لهذا المنتدى الحبيب لكمية المعلومات التي اكتسبتها عن وجهتي القادمة
بالبداية السفر باذن الله سوف يكون بتاريخ 19-8-2012 الانطلاق من الكويت الى باريس ومن ثم العوده الى الكويت من بروكسل عن طريق الخطوط القطرية بتاريخ 3-9-2012
كان التخطيط للسكن في باريس 10 ايام تسع ليالي وبروكسل 6 ايام خمس ليالي
لكن مكاتب السفريات نصحتني باضافة مدينة اخرى لان مدت الرحلة 16 يوم وفيها مجال للاضافه فوقع الاختيار على امستردام اللي كنت في البداية حاطتها في بالي لكن زياره يوم واحد من بلجيكا والعوده بنفس اليوم
استفساراتي لن تكون عن الاماكن السياحيه او الفنادق لان بصراحه التقارير ماشاء الله كافيه ووافيه وكانني زرتها على ارض الواقع
لكن اسئلتي عن التنقلات واللي شايله همها وايد لانها جديده علي بصراحه ووايد تداخلت الافكار في بالي من كثر ما قريت

السؤال الاول:

هل سعر التنقلات بين المدن بالقطار يكون مساوي لسعر استئجار سياره مع سائق فقط من الفندق الى الفندق علما باننا 3 اشخاص بالغين وطفلين 6 سنوات وسنتين؟؟؟؟ لاني احس ان السياره أحسن من ناحية الراحه لان بكون معانا 5 شنط - محطات القطارات هم فيها صعدات ونزلات مثل المترو والاندر قراوند ولا لا؟
اذا بتقولولي استاجري سياره مع جارمن وزوجي يسوق بقولكم اخاف لانها اول زياره لنا باوروبا.

السؤال الثاني:

هل يسوى اني غيرت خط سير الرحله ونويت السكن في امستردام يعني راح يكون (باريس-ديزني لاند-امستردام-بروكسل) ولا اخليها نفس ما كنت ناويه بروكسل بعد ديزني واروح امستردام زياره يوم وارجع؟؟؟؟ الناس خوفووني من كثرة التنقلات خصوصا مع وجود اطفال

السؤال الثالث:

اذا بنتقل من فندقي في باريس الى ديزني لاند لازم استخدم حسب ما قريت خط الريرa هل هذا الخط يسمح بحمل الحقائب معانا؟؟؟ واذا كان فندقي ماكو يمه محطه للرير لازم استخدم اول شي المترو بعدين ابدل مع الرير شلون بتكون الطريقه مع الحقائب؟؟ ولا بهالحاله استغني عن السكن بدزني واروحلها يومين عن طريق فندقي بدون السكن فيها؟؟؟؟ ولا استاجر سياره توديني وافك عمري انا وامتعتي واسكن بدزني ؟؟؟؟؟
السؤال الرابع:
اذا سكنت في ديزني وبروح بعدها امستردام في محطه قطارات رئيسيه توديني دون الرجوع لباريس؟؟؟؟ وهل سعر التذاكر راح يفرق لاني لاحظت ان كل ما تقل المسافه يقل سعر التذكره..
السؤال الخامس:
بالنسبة لموقع بوكينغ وايد سمعت ناس تمدحه ووايد ناس تشكي اللي تقول حجزها ما كان متاكد واللي راحت وانصدمت ان حجزها انلغى واللي سحب منها الفندق مرتين المبلغ أصدق منو؟؟؟؟
آسفه جدا على الاطاله واتمنى ردودكم لان حجز الفنادق حاليا متوقف على ردودكم الطيبه
شكرا جزيلا مقدما لكل من يرد على استفساراتي