1. فبدي أستفسر عن بعض النقاط (وخصوصا اني أول مره رح أسافر للخارج) :

السلام عليكم ورحمة الله وبركاته اخواني(وعليكم السلام ورحمه الله وبركاته )
الصراحه المنتدى كثير فادني وساعدني .. وشجعني على السفر الى اسطنبول وقبول العرض ان شاء الله (عن طريق الكليه .. بدرس سياحه) بتاريخ 1/4 يعني كمان أقل من 3 أسابيع .. ولمدة 5 ليالي و 6 أيام.
خصوصا موضوع الأخت "أغلى الغاليات" الي بعنوان "أيام من عمري لا تنسى"
حتى الآن لم أعرف اسم الفندق .. لكن الي أعرفه انه رح يكون في يومين سياحه منظمه .. يوم للسفر في السفينه في البوسفور ويوم على الجامع الأزرق والمتحف وهاي المنطقة المحيطه.

فبدي أستفسر عن بعض النقاط (وخصوصا اني أول مره رح أسافر للخارج) :

1-أهم المناطق الي الواحد لازم يزورها باسطنبول وشو أجمل الأماكن .. طبعا غير الأماكن الي رح ياخذونا عليها .. أنا من المنتدى عرفت مكانين اضافيين ورائعين حابب كثير أروح عليهن الي هني "قصر دولما بهجا" و "ميني تورك" .. أنا كثير بحب الأماكن التاريخيه الي بتحس فيها غموض وألغاز وأسرار .. وبحب أشوف المعالم وأعرف معلومات عنها زي بميني تورك، وأيضا حابب أطلع بالتلفريك (بحب هاي الأمور .. بتحس بالمغامره فيها ههه وبحب المناظر الرائعه الي الواحد بيشوفها لما يطلع فوق).(انصحك بزياره الجامع الازرق ، ايا صوفيا ، قصر طوب كابي ، منياء تورك ، دولما بهتشه ، يلدز بارك ، مرتفعات بيار لوتي والتلفريك ، جزر الاميرات ساحه سباق الخيل الهيبودروم ، جوله بالقارب في مضيق البوسفور)
2- حابب أعرف كم تكلفة الدخول لهاي الأماكن (والأماكن الأخرى الي بتنصحوني فيها) حتى أعمل حساباتي بالمصروف والمبلغ الي آخذه معي .. وبتنصحوني آخذ بالليره التركيه ولا ليره ودولار أو يورو ( الاماكن السياحيه في اسطنبول دخوليتها تتراوح من 10 الى 20 ليره تركي)
3- أسعار المأكولات هناك نسبيا كم لانه في بالفندق فقط وجبة الفطور .. فالغداء والعشاء رح يكونوا بالخارج .. فحابب أعمل حساباتي .. وبدي أسأل عن المأكولات أو المشروبات الي بتنصحوني أجربها هناك وتركيا متميزه ومختصه فيها، مثلا مثل ما فهمت انه هي متميزه بالشوارما والبوظة، بالنسبه للسمك أنا ما باكل أي شيء بحري.(متوسط سعر الوجبه للشخص في المطاعم من 10 الى 30 ليره تركي واشهر الاكلات التي انصحك بتجربتها اضنا كباب والشيق طاوق والمعجنات التركيه بالاضافه الى البوريك)
4- بدي أسأل عن الطقس كيف بيكون بهاي الفتره .. حتى أعمل حساباتي بالملابس.الاجواء حاليا ممتازه بارده ليلا بعض الشيء انصحك باخذ ملابس شتويه خفيفه للحيطه
5- بدي أسأل عن التسوق أفضل الأماكن للتسوق الي فيها أشياء جيده وحلوه من ناحية الجوده والأسعار .. بحبش الأسواق المختصه بالبهارات والمأكولات أو المجوهرات وحتى الملابس .. بحب أتسوق بأماكن فيها أشياء أثريه ترائيه وتذكارات وهيك كثير (مثلا مجسمات صغيره للمعالم وهيك) .. وأيضا بحب الأمور الحديثه يعني أماكن ممكن الواحد يشتري منها فيديو جيمز وسيديهات للبلاي ستيشن وهيك أمور (اذا هاي الأمور هناك تعتبر رخيصه نسبيا وأسعارها مناسبه).( منطقه عثمان بيه ، بيازيت ، لاليلي ، شارع الاستقلال ، امينونو للالكترونيات )
6- أي نصائح ثانيه أو معلومات أو تنبيهات
وشكرا.
ارجوا ان اكون قد افدت ، بالتوفيق وشكرا

شكرا لك أخي على الرد .. بالنسبه للأسعار أنا من الي شفته ببعض التقارير بالمنتدى انه في بعض الأماكن الدخول الها ب 40 أو 50 ليره يمكن .. فهل الأسعار الآن أصبحت أقل ؟
وكيف بتنصحني أقسم الأيام .. يعني بعرف في يومين سياحه منظمات لالنا رح يكون واحد بالبوسفور والسفينه (أعتقد انه المقصود انه بنروح عجز الأميرات) .. ويوم رح يكون للجامع الأزرق وأيا صوفيا والأماكن الي بهاي المنطقه (على حسب ما عرفت انه في تقريبا 4 أماكن قريبه جدا من بعض هناك الكل بيروح عليهن).
بباقي الأيام أعتقد لازم أروح لوحدي للأماكن الباقيه .. فمش حابب "على سبيل المثال" أخطط يوم (ميني تورك + دولمه بهجه + طوب كابي) ويكونوا بعاد كثير عن بعض، وأذهب الى ميني تورك وبعدها دولمه بهجه ويكون بعيد جدا، وبعدها إلى طوب كابي وهو يكون قريب من ميني تورك، يعني ساعتها يروح اليوم بالتنقل وما ألحق، فكان الأفضل لو رحت على طوب كابي الي بجانب ميني تورك ومن هناك بعدها أذهب الى دولمه بهجه.
وأيضا بالنسبه للتلفريك .. الي عرفته انه في 2 يمكن هناك .. واحد بيطلع لجبل وبعطيك اطاله رائعه على اسطنبول والبحر .. وواحد ثاني ما بعرف بالزبط وين بيوصل لكن الذهاب اليه عن طريق سفينه بالبحر .. فأيهما أفضل وما اسم الأول حتى ما أتخلبط بينهن لاني أفضل الأول .. الا لو بالثاني يوجد أشياء جميله جدا تستحق الزياره.

ميني ترك وتلفريك ايوب و متحف رحمي كلهم قريبين من بعض وتقدر تسويهم بيوم
بالنسبه للزيارات فاكيد قصر توبكابي و مسجد السلطان احمد او الجامع الازرق و اياصوفيا و يارابتان الى هي خزانات المياه تحت الارض و السوق المسقوف التاريخي المشهور قريب عليكم
لايوجد تذاكر 50 ليره و معظمهم من 25 ليره و في اقل و في اكثر شيئ بسيط

عميد العرب المسافرون
شكرا لك أخي على الرد ..
يمكن بجوز أنا حاسبها انه ممكن توصل 40-50 مع جهاز الترجمه وهيك.
ممكن بعض المعلومات عن تلفريك أيوب ومتحف رحمي ؟ لانه التلفريك الي كنت أفكر في هو يمكن (اذا مش غلطان) التلفريك الي بتل العرائس (أعتقد هذا اسمها) الي هو بيخليك تشوف اسطنبول والبحر من الأعلى.
وخبر حلو انه قصر توب كابي بنفس منطقة الجامع الأزرق وآيا صوفيا.
وعندي كمان استفسار .. شفت في كثير أشياء تذكاريه حلوه وسيوف وخناجر مزخرفه .. بشكل عام هالأمور كم ثمنها تقريبا ؟ والسؤال الأهم انه هل ممكن يكون هناك مشكله بالمطار وأنا راجع ومعي هيك أمور !؟