هلا والله اخوي ماعندي خبره لكن بجاوبك على سبيل
المثال كنت مكانك
باختار
ركوب الباص الاحمر
موقعه
امام السفارة القطرية عند قوس النصر
الفائده منه
تشوف المعالم بطريقه مسليه ومريحه مرور بغالبية المعالم
لكن لما تختار معلم او اثنين تكون مقصر في حق مدينة الحب
الباص له مسارات تصل الى أيام متتاليه لكن بحكم قضاءك يوم واحد
استعمل الباص لمدة ساعتين ونصف تتفرج وتتصور مع اجمل معالم باريس
بعد النزهه اللطيفه الجلوس للطعام وإرتشاف كوب قهوه في أرقى شارع ألا وهو الشانز
رأيي
.
.
وبالتوفيق

أشكرك شكراً جزيلاً على المرور والتوجيه الجيد. أنا في الغالب راح أحجز فندق لمدة يوم واحد قريب من الشانزلي، كيف ممكن أصل إلى قوس النصر من هناك؟

اهلين
الباص الاحمريوجد نهاية الشانزقبل قوس النصرعلا امتداد الشانزيعني

أشكركم على الفائدة.
فين ممكن نقضي باقي الوقت؟ وأين أجد مطاعم حلال قريبة من الشانزلي؟

اخوي كما تفضلت الاخت شموخ الباص الاحمر انسب شيء كون ان المده يوم واحد فقط ما يمديك ترتب لك جدول انت اركب الباص الاحمر وانزل في كل مكان يوقف فيه وخذلك جوله واركب اللي بعده راح يمر فيك على اهم الاماكن اللي وسط باريس
يوم حافل في ربوع باريس ودمت بود .

اخوي الشانز شارع كله مطاعم وقهاوي ومحلات لا تحاتي كل طلباتك موجوده هناك ومثل ما اذكروا اخواني لحالتك الباص الاحمر افضل شي بتشوفه بالشانز روح كلم اللي بالباص وقولهم ابي تذكره ليوم واحد وتمتع بالمناظر باسرع وقت ممكن
عندك مطعم بيتزا بينو والانتركوت يم بعض والقهاوي la durri cafe عجبني جربه يشتهر بالماكرون
وقولنا شنو الفندق اللي حجزته ونقولك اذا قريب مشي من الشانز او بالمترو ؟
واي خدمه احنا حاضرين اخوي

أشكر الجميع على ما تفضلوا به من نصائح، وللأسف لم أستطع أن أذهب لباريس بسبب توقف الطيران في ألمانيا ولقد علقت في ميونخ لمدة 3 أيام وبالقوة حصلت حجز على تركيا أمس بالليل والليلة سأعود للسعودية بإذن الله.
دعواتكم بسلامة الوصول.