يامراحب ياعريسنا ... حياك الله ياغالي ...
ربي يوفقك ياقمر ... في حياتك القادمة ... اللهم آمين
عندك طال عمرك ( 11 يوم صافية ) ... والأفضل يكون التوزيع كذا :
يومين سلانجور - ثلاثة لنكاوي - يومين بينانغ - أربعة كوالا
وتفضل الرد على الأسئلة :

• أنصحك لاتحجز غير مسترد ( إلا إذا كنت متأكد ) ... الأن أفضل تحجز مسترد
• الأفخم في البرجايا هي ( الشالية بريمر عالماء ) وهي أكواخ وسط الماء ... أما المطلة على البحر فهي على الشاطيء
• ماتحتاج تحجز يوم أضافي .. خروجك يوم 21 الساعة ( 12 ظهرا ) خذ لك جولة وداعية على شارع العرب
• بعد الجولة الوداعية ترجع للفندق تأخذ عفشك ... وتتوجه للمطار قبل الرحلة بثلاث ساعات

ياهلا فيك أخوي وافي
وامين الله يوفقك ويسلمك
يعني تشوف بينانغ يكفيها يومين؟
انا ماتفرق عندي الا أن التنقل يصير متعب أتوقع
بالنسبة لبرجايا أنا للحين محتار بينه وبين بلانجي بيتش وش رايك أجزم؟
يهمني يكون ع الشاطيء تماماً وخايف أحجز هذي الي مكتوب انها مطلة ع البحر تطلع بعيدة والبريمر غاليه شوي :$
وكنت أبحث شاليه يكون فيه مسبح خاص ماحصلت صراحه
الله يبارك فيك ويجزاك خير وافي بردودك وتفاعلك الجميل

هلابك ياقلبو ...
والله مادام تبغى شيء عالبحر تماما ... أختار غرفة ديلوكس على البحر في ( البلانجي بيتش )
وبينانغ تكفيها ( يومين ) ... وماعندك تعب في التنقل بأذن الله
من لنكاوي إلى بينانغ ( 40 دقييقة ) طيران ... وهو وقت قصير بصراحة

شكراً لك أخوي وافي بردودك الله يعافيك
وأستقريت فعلاً على
ليلتان في سلانجور في Sunway Resort Hotel & Spa
ثلاث ليالي في لنكاوي في Berjaya ( خوفوني منه بعض الأعضاء وللحين متردد فيه )
ثلاث ليالي في بينانغ في Holiday Inn
أربع ليالي في كوالامبور في Traders Hotel
وتم الحجز عن طريق البوكينق
فيه أستفسار مهم أتمنى أحد يفيدني .. وأنا ابحث تفاجأة أن عطلة المدارس عندهم تتضمن ديسمبر الي تصادف جيتي ف 9ديسمبر إلى 21 ديسمبر هل سأواجه مشاكل ؟؟

حياك ياغالينا ...
كذا الجدول ( حلو ) ومرتب ... والبرجايا لنكاوي مميز وراح يعجبك بأذن الله
أما بخصوص إجازة المدارس في ماليزيا ... مافيها أي مشاكل ... الأمور عادية لاتشيل هم