افضل طريقة في رايي و عن تجربة انكم تنزلون زيورخ و منها ساعتين بالسيارة الي اوروبا بارك او منطقة روشت و تزور المناطق القريبة مثل الغابة السوداء و ستراسبورغ الفرنسية..
ثم الى ميونخ (4:30 ساعات) الى ميونخ
ساعة الى قارمش
2:30 الى زيلامسي
الرجعة من ميونخ

المشاركة الأصلية كتبت بواسطة جواهر-uae







الله يسعدك اختي سعاد دنيا واخرة
يعني خط السير يكون
الوصول زيورخ وعلى روشت على طول ومنها الى ميونخ وبعدين قارمش وثم زيلامسي واخيرا العودة على المطار على طول
طيب لو يكون الوصول فرانكفورت او ميلان مو اقرب لروشت
واش رايك بهذا الخط
ميونخ..قارمش..زيلامسي..روشت..ميونخ
اتمنى من الاعضاء التفاعل

انا هالصيف سافرت نفس هالمخطط يمكن يناسبكم بس لازم تكون مده سفركم اقل شي 20 ليله وكان عددنا 9 اشخاص ماشاء الله
3 ليالي ميونخ - 3 ليالي سالزبورغ - 7 ليالي كابرون - 3 ليالي كونستانس - 3 ليالي رست - ليله فرانكفورت
وانا دخلت كونستانس عشان تختصر المسافه بين كابرون و رست التي تصل الى 570 كلم
والمسافات كلها قليله ماعدا من كابرون الى كونستانس 370 كلم وشوي وبصراحه كونستانس حلوه كثير وانا ممكن اسوي لك جدول للاماكن الحلوه فيها
والطريق من كابرون الى كونستانس من اجمل الطرق اللي مريت فيها طريق رائع جدا ويقطع جبال الالب
وفيها العاب كمان قريبه من سالزبورغ تبعد 20 كلم عنها ممكن تروحون لها بالاضافه الى العاب اليورب بارك
ومن ميونخ تقدر تروح لقارمش يوم كامل

يعطيك العافية اختي بنت حواء..بصراحة جهودك واضحة مع الاعضاء
وانا استفدت من تقريرك عن شقق الدورنت وسكنت فيها الصيف الماضي
طيب الوصول يكون ميونخ والعودة من فرانكفورت او العكس..طبعا المدة محدودة باربعة عشر ليلة فقط
بس ممكن نحذف سالزبورغ وأزورها من كابرون ونقلص ايام من غيرها
يعني يكون البرنامج..
فرانكفورت والذهاب مباشرة الى رست..كم المسافة؟
رست 3 ايام..ياليت برنامج وشقةفي المنطقة
كونستانس ليلتين..ايضا برنامج وفندق
كابرون..5 ليالي ياليت شقة لها اطلالة
ميونخ 4 ليالي..وياليت فندق او شقق فندقية مثل الدورنت
داري مزودها شوي بس العشم فيكم كبير

الحمدالله اني قدرت اساعدك بشي وابشر باللي تبغى باذن الله 14 ليله
من رست الى فرانكفورت 244 كلم ويفضل تكون الرحله وصولها
الصباح بدري الى ميونخ وبالعوده تختارون رحله متاخره من فرانكفورت
عشان تستفيدون من اليوم الاخير
4 ليالي ميونخ - 5 ليالي كابرون -
3 ليالي كونستانس - ليلتين رست - فرانكفورت
فرانكفورت ما يحتاج تسكن فيها لان مافيها شي ابدا ومن رست مباشره
الى مطار فرانكفورت بعد تسليم الشقه اخر يوم في رست
المسافه من كونستانس الى رست 161 كلم فقط يعني تقدرون تروحون للالعاب اول ماتوصلون واليوم الثاني كمان
هل التواريخ كذا عشان ابحث لك عن السكن وراح اعطيك
خيارات للسكن باذن الله ولكن هل مهم عندك وجود المطبخ او لا؟؟

هل من 6 يوليو الى 20يوليو
الافضل يكون البدايه من ميونخ والنهايه في فرانكفورت
6 يوليو الى 10 يوليو ميونخ (4 ليالي)
0يوليو الى 15 يوليو كابرون ( 5 ليالي)
15يوليو -18 يوليو كونستانس (3 ليالي)
8يوليو- 20 يوليو رست (ليلتين)

البرنامج أكثر من ممتاز بس لو نقلب اعتقد يكون أفضل
يعني ميونخ تكون في الأخير.. عشان التسوق
وبالنسبة كونستانس مو كثير عليها 3 ليالي..
عندي برنامج بديل ودي برايك فيه
الوصول فرانكفورت والتوجه مباشرة لرست 3 ليالي
ضواحي زيورخ او لوزيرن 3 ليالي
انترلاكن 5 ليالي
ديفون 3 ليالي
ودي في النمسا وزيلامسي بس القلب متعلق في الحبيبة انترلاكن
احرجتيني بكرمك

انا عارفه انك تبغى ميونخ للتسوق وبما انه معاك سياره ماعندك مشكله
ممكن تخلي الشنطه اللي فيها الاشياء اللي اشتريتها في شنطه السياره
وماتنزلها ابدا وهذا حل ممتاز احنا نسويه لانه احنا تسوقنا حتى من كونستانس
وبعدين انت عندك 4 ليالي وبتروح ليله الى قارمش وبتتمشى يعني
موبس تسوق يعني ما اتوقع راح يكون الشراء بكميات كبيره بحيث تكون متعبه
انا اخترت البدايه من ميونخ عشان ارتب لك وافضل
اما كونستانس احنا رحنا لها هالسنه 5 ليالي وما شبعنا منها
هي مدينه مطله على بحيره كبيره جدا ثالث اكبر بحيره في اوروبا
او ثاني وكمان تقع بالضبط عند مصب شلالات الراين في البحيره يعني
تخيل تكون في مدينه جزء منها يطل على نهر الراين وجزء يطل على
بحيره كونستانس ويربط بين جنبات كونستانس ثلاثه جسور بعضها فوق
البحيره وبعضها فوق نهر الراين وقريبه جدا من بعض وعلى الضفه
الثانيه تقع كونستانس السويسريه
تقدر تحدد يوم لشلالات الراين خرافيه والمسافه 50 كلم وتكمل على
زيورخ لمده 50 كلم كذلك تتمشى فيها وتتسوق وترجع اخر النهار
والمسافه عند العوده 70 كلم فقط
وكمان يوم تخليه لجزيره الزهور Insel Mainau وفيها العاب
خشبيه للاطفال وحديقه للفراشات صغيره وفيها حديقه حيوانات كمان
وهي قريبه من كونستانس فقط 9 كلم وتروح لها بالسياره اذا سكنت في كونستانس
واليوم الثالث تقضيه في كونستانس عند البحيره ويوجد مركز سي لايف
ومول لاغو وبصراحه الحياه حلوه في كونستانس خصوصا لقله الخليجين فيها بس فيها مركز اسلامي ومسجد وسوبرماركت تركي عندهم دجاج اسلامي
وممكن تروح لجزيره ليندوا بالباخره
وممكن تروح لجزيره الخضروات Reichenau وهي جزيره كلها
مزارع وقريبه جدا من كونستانس فقط 10 كلم وبالسياره تروح لها
الطريق من كونستانس الى رست راح تمر ببحيره
Titiseeومدينة فرايبورغ Freiburg
نصيحتي لك غير مو تروح نفس المناطق اللي رحت لها العام وهالسنه
اذا رحت النمسا يمكن راح تنسى سويسرا انا اشوف انها احلى وجوها خرافي
والله قعدنا اسبوع في كابرون وما بغينا نطلع منها
وكمان النمسا والمانيا ارخص من سويسرا بكثير

الف شكر اختي
يعني التصور النهائي للبرنامج
ميونخ.. 4 ليالي
كابرون.. 5 ليالي
كونستانس.. ليلتين
رست.. 3 ليالي
طيب ياليت نشوف السكن..طبعا مهم الموقع والمطبخ
يعطيك الف عافية يارب

6 يوليو الى 10 يوليو ميونخ (4 ليالي)
0يوليو الى 15 يوليو كابرون ( 5 ليالي)
15يوليو -18 يوليو كونستانس (3 ليالي)
8يوليو- 20 يوليو رست (ليلتين)
في ميونخ :
الشقق هذي ممتازه وفيها مطبخ ومكيف وقدامها محطه ترام
https://www.booking.com/hotel/de/citadines-munich-arnulfpark.html?aid=1300939
شقه لاربعه اشخاص بالغين والطفل اللي اقل من سنتين مجانا ويعطونك سرير للطفل
واذا كان اكبر من سنتين تدفع مبلغ 22 يورو ويحطون له سرير اضافي والحلو فيها انه الالغاء مجاني ويوجد ماكينه
للشاي والقهوه مجانا طوال الوقت ويوجد غساله ونشافه ملابس بدفع مبلغ معين بسيط
والمواقف عندهم بفلوس بس ممكن توقف سيارتك خلف المبنى مجانا احنا وقفنا سيارتنا هناك بس مافيها تنظيف يومي بس اسبوعي واذا تبغى تنظيف يومي تدفع مبلغ معين
وهذي شقق ثانيه تفتتح في شهر مارس وفروعها في دول اوروبا حلوه عندهم شقه حقت اربعه اشخاص نفس اللي فوق وفيها مطبخ ومكيف
https://www.booking.com/hotel/de/adagio-muenchen-city-opening-01-feb-2011.html?aid=1300939
الحجز من بوكنج غير مسترد بس ممكن تحجز من موقعهم الرسمي وعندهم خيارات كثيره
http://www.accorhotels.com/gb/hotel-6913-adagio-muenchen-city-open-may-2011/index.shtml

15يوليو -18 يوليو كونستانس (3 ليالي)
في كونستانس :
https://www.booking.com/hotel/de/apartment-konstanz.html?aid=1300939
غرفه عائليه لثلاثه اشخاص بالغين والالغاء مجاني ومع الافطار ويوجد مطبخ و الانترنت والمواقف مجانيه ومافيها مكيف واصلا ما يحتاج احنا يوم كنا هناك درجه الحراره كانت 17 درجه والجو كان رائع في نهايه يوليو
اما الطفلين
يتوجّب دفع EUR 10 لليلة الواحدة والشخص الواحد، لجميع الأشخاص، تحت عمر السنتين، عند استخدام أسرّة الأطفال.
يتوجّب دفع EUR 15 لليلة الواحدة والشخص الواحد، لجميع الأشخاص، بين 6 سنوات و16 سنة، عند استخدام الأسرّة الإضافية.
سكنا فيه مرتين ويفضل تسكن بالدور الثالث الاخير وممكن تطلب هالشي منهم
والحلو فيه انه الشقق تديرها عائله وتعاملهم رائع وخدمتهم مميزه جدا وعندهم دراجات للايجار وكمان يعطونك كوبونات تقدر تستخدم الباصات العامه مجانا وممكن تجرب هالشي اذا حابب

8يوليو- 20 يوليو رست (ليلتين)
عندك هالشقق
https://www.booking.com/hotel/de/gastehaus-am-sonnenplatz.html?aid=1300939
عندهم ثلاثه شقق كل وحده تكفي اربعه اشخاص ويبقى لكم الطفل الصغير على حسب عمره مكتوب بالشروط
فيها مطبخ وطبعا بدون مكيف وكل السكن في رست بدون مكيف بس الجو حلو
وبدون انترنت لكن انا واهلي كنا في شقه ما فيها انترنت بس نلقى شبكات كثيره نشبك عليها
والمواقف مجانيه
الالغاء مجاني وبدون فطور بس فيه مخبز داخل سوبرماركت كبير ممكن شتتري منه اللي تبغى
وممكن تشوف هذي الخيارات كمانhttps://www.booking.com/hotel/de/gastehaus-am-bach-ferienwohnungen.html?aid=1300939"https://www.booking.com/hotel/de/gaestehaus-durst.html?aid=1300939" target="_blank">https://www.booking.com/hotel/de/gaestehaus-durst.html?aid=1300939"https://www.booking.com/hotel/de/fewo-happy-family-c-rinkenauer.html?aid=1300939" target="_blank">https://www.booking.com/hotel/de/fewo-happy-family-c-rinkenauer.html?aid=1300939

والله كرم منك كبير اختي كل هالمجهود والروابط
مع أني مستغرب كثير من عدم تفاعل الاعضاء مع الموضوع
بس الحق ان الاخت بنت حواء كفت ووفت
براجع الروابط والمواقع الاخرى وباخذ لفة طويلة على التقارير وأشوف خياراتي
يعطيك الف عافية اختي

هذا واجب على كل شخص عنده معلومه انه يساعد اخوانه البقيه
اتمنى تلقى شي يناسبك من هالخيارات ورحله سعيده يارب