HumenBeing
24-04-2022 - 12:50 pm
السلام تحية الاسلام
بصراحه مدري وش اقول فكرنا نروح اسبانيا
ولكن حطموني اللي في المنتدى اللي يقول غاليه واللي يقول نار وانا مدري احسها معقوله
يعني تخيلوا توي دقيت على مكتب الصرح للسياحه والسفر وقالي سعر التذكره لماليزيا 3600 واسبانيا الى مدريد 3200 ريال يعني تذكرتها ارخص من اسبانيا
دبروني بمخطط حلو مانعرف شئ فيها ابي احد يعطيني برنامج لخمسه اشخاص وسكن محترم فيه عرب لو ابو نجمتين ههه
واحنا 5 انفار
وبس
اولا التذاكر انت عرفتها
ثانيا الفيزا عندنا بالكويت 50 دينار مع التأمين عندكم ما ادري كم
ثالثا السكن ان انصحك في فنخرولا ارخصلك وكذلك فيها عرب وفيها مسجد وفيها ملحمة الحمراء وكل شي تحت ايدك
اذا تتكلم عن فنادق فالغرفه من 120 يورو 150 يورو والشقق المفروشه 1000 يورو بالاسبوع (اليورو 6 ريال تقريبا)
رابع اذا كانت مدينة الوصول مدريد تحتاج الى تذاكر قطار او طائرة للوصول الى ملقا وهي 80 يورو روحه واخرى للرده يعني 160 يورو واذا تقدر تسوق ممكن توفر كثيرا
انا اقترح عليك روح احجز اسبوعين واذا فيه لبرشلونه توكل على الله
وراح تكون الرحله 3 ايام برشلونه و9 ايام ملقا و1 يوم برشلونه ومن ثم العودة
شوف اخوي وردلي الخبر وانا حاضر
وبالتوفيق