Thamer Alghamdi
29-06-2022 - 03:36 pm
السلام عليكم ورحمة الله وبركاته .
اول شيء احب اهني الجميع من اعضاء واداريين على هذا الصرح الاكثر من رائع فعلاً
واللي اعجبني وخلاني اكون واحد من افراد هذي الاسره . الجميع هنا يد وحده والكل يوقف وينصح الثاني
اتمنى تقبلوني اخ بينكم ،،
ندخل في الموضوع . انا بإذن الله مسافر بداية شهر ابريل (سبب اختيار الشهر هذا عشان ما يكون فيه زحمه مثل الصيفيه)
وطبعا احنا 6 شباب كل واحد راح يدفع 5000 ريال شامله السكن والمواصلات والاكل والتمشيه . وراح تكون السفريه بمشيئة الله 14 يوم بحيث نقسمها ما بين جاكرتا وبونشاك وبالي
اللي ابغاه منكم يا أخوان انكم تنصحوني باللي تشوفوه واذا فيه ملاحظات على اللي قلته لا تبخلو علي
ابغى أرائكم من حيث السكن وخطة الرحله كيف تكون بحيث نقدر نحس بالسفريه في كل منطقه وبالأخص بونشاك وبالي
لكم مني فائق التقدير والإحترام ،،
اخوكم/ ثامر
حياك الله أخوي ثامر في بوابتك وبيتك الثاني ونتشرف بوجودك الجميل ..
عندي ملاحظة بالنسبة للميزانية ومن رأيي تزودها شوي وخاصة أنكم 6 شباب الله يحفظكم
وعندكم رحلة لبالي يعني تذاكر داخلية !! طبعاً إذا كانت الرحلة 14 يوم صافية بدون يومي الذهاب والعودة !!
خيارات السكن هي الشقق الفندقية في جاكرتا وبالي أما الجبل فخيارك الفلل وهي كثيرة وهذه تبحث
بها بنفسك من خلال تجولك مع السائق الخاص وتختار المناسب لك ولعددكم ..
جاكرتا وبالي لا أدري هل نختار شقتين أو شقة واحدة !!
جاكرتا شقق باتافيا أو راسونا سعيد مناسبة لكم ..
وبالي هذا الخيار مناسب لكم ..
فندق وشقق سن سيت كونتنتال ( بالي ) https://artravelers.com
وهذه مجموعة خيارات مجربة من الأعضاء يمكنك البحث فيها والتعرف على الأفضل لكم ..
خيارات السكن من فنادق وشقق ومنتجعات في إندونيسيا من خلال تجارب الأعضاء https://artravelers.com
أقترح عليك التوزيع والخطة بالشكل التالي ..
جاكرتا 1 >> بالي 5 >> الجبل&بوقور 6 >> جاكرتا 2 ..