SHAHER~
27-06-2022 - 07:37 am
.
السلام عليكم
أول شيء أحمد الله الذي وهبني هذا المنتدى الذي استفدت منه الكثير و الكثير
سواء من تقارير أو استفسارات أو معلومات أخرى , و الشكر كله يعود إلى الأعضاء المبدعين ..
الصراحة أخوكم في اللي هو أنا سفرتي إلى بريطانيا ب تاريخ 18 يونيو , و العودة في تاريخ 19 أغسطس
طبعاً بهدف تعلم اللغة الإنجليزية , و بالتحديد في مدينة بورموث
عاد أنتم تخبرون مستحيل قعدتي هناك راح تكون فقط دراسة في دراسة
يعني في أيام ال WEEKEND راح أخليه مخصص للرحلات و السياحة , و أيام الأسبوع للدراسة ..
يعني راح يكون عندي تسع أسابيع , و 3 أسابيع من رمضان ما راح أطلع من بورموث و الأسبوع الأول من لحظة وصولي
يصير باقي 5 أسابيع فيهن WEEKEND أقدر أسافر فيهن
ف إذا ما عليكم أمر عندي كم سؤال
س1- متى تنصحوني أزور لندن ؟ يعني ثاني أسبوع من لحظة وصولي ؟ و كم مرة أجيها ؟
لأني بصراحة حاط في بالي مرتين اجيها مرة أتمشى و مرة أتقضى أغراض .. وش رأيكم ؟
س2- الأماكن اللي تنصحوني أزورها في لندن ؟
تكون أهم الاماكن و التي لابد من زيارتها .. يعني جدول لمدة 3 أيام ..
س3- تخبرون لا بد من الهدايا للأهل و البزارين .. ف وش تنصحوني أجيب معي لهم ؟ و يكون السعر معقول تخبرون بريطانيا
نار و الأنفار اللي بجيب لهم هدايا عددهم ما شاء الله كثير ..
يعني مثلاً للبنات أجيب كذا , و للبزارين أجيب كذا , و للشباب أجيب كذا ..
س4- محل الشماغ < أهم شيء , وين موقعه في لندن أو المكان القريب منه عشان إذا بغيت أسأل أي شخص عنه ؟
س5- شفت تقرير لمنطقة البحيرات Lake District و الصراحة إني رحت وطي معها و حطيتها من الأماكن التي يجب زيارتها .. وش رأيكم ؟
س6- ودي أروح نادي مانشستر .. هل هو مسموح لي ب دخوله أو لا ؟ و كم التكلفة ؟
س7- مدن ثانية تنصحوني أزورها ؟
و تحملوني على كثرة الأسئلة , و شاكر لكم مقدماً
س1- متى تنصحوني أزور لندن ؟ يعني ثاني أسبوع من لحظة وصولي ؟ و كم مرة أجيها ؟
لأني بصراحة حاط في بالي مرتين اجيها مرة أتمشى و مرة أتقضى أغراض .. وش رأيكم ؟
والله زيارة لندن على حسب الوقت الي تبيه انت
اتوقع يكفيك 2 ويك اند
س2- الأماكن اللي تنصحوني أزورها في لندن ؟
تكون أهم الاماكن و التي لابد من زيارتها .. يعني جدول لمدة 3 أيام ..
الباص السياحي في يوم 24 ساعه : متحف الشمع وعيون لندن وجولة في النهر والبيج بن ومبنى البرلمان ولندن بريدج بيكاديلي وترافلجار ,, بيكايلي وترافلجار مب لازم تنزلهم ..
اليوم الثاني ممكن تروح هارودز وقصر باكينجهام واكسفورد ستريت ..
اليوم الثالث اخليه مفتوح لك
س3- تخبرون لا بد من الهدايا للأهل و البزارين .. ف وش تنصحوني أجيب معي لهم ؟ و يكون السعر معقول تخبرون بريطانيا
نار و الأنفار اللي بجيب لهم هدايا عددهم ما شاء الله كثير ..
يعني مثلاً للبنات أجيب كذا , و للبزارين أجيب كذا , و للشباب أجيب كذا ..
في اكسفورد ستريت راح تحصل ميداليات واقلام واكواب ... الخ ومرسوم عليها علم بريبطانيا واسعارهم جميله
س4- محل الشماغ < أهم شيء , وين موقعه في لندن أو المكان القريب منه عشان إذا بغيت أسأل أي شخص عنه ؟
للاسف ما اعرفه , يفيدوك بقية الاعضاء ان شاء الله
س5- شفت تقرير لمنطقة البحيرات Lake District و الصراحة إني رحت وطي معها و حطيتها من الأماكن التي يجب زيارتها .. وش رأيكم ؟
حلو ,, هذي البحيرات خليلها ويك اند خاص بها ..
س6- ودي أروح نادي مانشستر .. هل هو مسموح لي ب دخوله أو لا ؟ و كم التكلفة ؟
نعم مسموح ,, وتقريبا اقل من 20 باوند
وانصحك تزوره
س7- مدن ثانية تنصحوني أزورها ؟
الاماكن هذيلا يروحوها من لندن ,, ولكن تقدر تروح لهم من المكان الي انت موجود فيه .
بورتسموث , وينسر , جرينيش , برايتون , مصنع الشوكلاته كادبوري , بيستر فيلج للتسوق
رحلة يوم كامل من مانشستر الى بلاك بول
رحلات للمبيت ( وجهة نظر )
مانشستر , كارديف , البحيرات , ادنبره
و تحملوني على كثرة الأسئلة , و شاكر لكم مقدماً
وبالتوفيق