اهلا وسهلا فيك عزيزتي ام ابراهيم ...
اشكرك على ثقتك فيني ... والله يجزاك الف خير
بالنسبة للفندق انا للامانه ماجربته بس دخلت على موقع بوكينج وشفته ... موقعه حلو لانه قريب من الاثار والمتاحف وكذلك البحر وبكذا مابتحتاجون سياره ... وميزته ان فيه مطبخ ودام معك اطفال اكيد بتحتاجين له
وشكله نطيف واطلالته حلوه جدا
واشوف سعره مناسب ل6 اشخاص لانك لو اخذتي فندق 3 غرف نوم مع الفطور بيطلع عليك نفس السعر واكثر بعد
وغير كذا مثل ماقلتي الاطفال يتضايقون من غرف الفنادق ..
واطلعت على تقييم الفندق ... ممتاز خصوصا التقييم على النظافه والموقع وهذا اهم شيين
صراحه لو انا منك بتوكل على الله بحجز فيه ..
اما بالنسبة لاستفسارك الثاني عن تغيير الفندق ... انصحك تغيرون المنطقه لان اسطنبول كبيره وكل منطقة لها طابعها والاحلى تشوفون كل شي فيها يعني بالبدايه سكنتوا بمكان قريب من الاثار ... حلو بالمرة الثانيه تسكنون بمنطقة اكثر حيويه فريبه من الاسواق والمطاعم مثل تقسيم
هذا رأيي ولكي حرية الاختيار طبعا
بالتوفيق اختي الكريمه ... واي استفسار ثاني حنا بالخدمه ... وانتي تامرين امر

ياجعل ربي مايحرمك الاجر ولا يامر عليك ظالم يارب من جد تبردين القلب الله يبرد قلبك دنيا واخره
تبين الصراحه مافكرت بتقسيم ابد لأني ما احب الزحمة والعالم اللي بس شغلها تراقب الناس والسهر والازعاج الا اذا فيها مكان بعيد عن هالاشياء ياليت تعلميني وفكرت بعد بترابيا او مناطق تشبهها فشرايك؟؟

واللد دعاك اللي يبرد القلب ... الله يجزاك الف خير على هالكلام الطيب
ودامك دعيتي لي بخدمك بعيوني : )
صراحه اذا ماتناسبك تقسيم انصحك بترابيا لانه هادئه جدا وبعيده عن زحمة الناس خصوصا بالليل يعني منطقة روقان ,,,
واذا ماعجبتك الفنادق اللي فيها ارجعي على السلطان احمد
وبالتوفيق ياعزيزتي ,,

الله يرحم والديك ووالديهم ويفرجلك كل هم ويرزقك من كل خير يارب
والله انك تستاهلين كل الدعاء واكثر ماشاءالله عليك كل ما افتح المنتدى القى انك افدت الكثير واعطيتي من وقتك وجهدك الكثير الكثير فهنيأَ لك حبك الخير للجميع..
دمتي بود

الله يسلمك ويجزاك الف خير ولك بمثل هالدعاء يارب واكثر
والله انك تريحين البال بكلامك قسم بالله ليت كل الاعضاء مثلك يام ابراهيم .. والله انك جوهره
تكفين ادعي لي دايم كل ماذكرتيني وبصلاتك ... محتاجة لهالدعاء : )
والله يجزاك الف مليون ترليون خير ^_^