بسم الله الرحمن الرحيم
السلام عليكم ورحمة الله وبركاته...
أختكم طالبة فزعتكم يالطيبين...
طبعاً ماعمرنا سافرنا برا الديرة ...غير الى تركيا في 2011
وللأسف مع قروب...بكج...مكون من باصين...
وبصراحة ما أنصح أحد يروح قروبات..
لعدة أسباب..منها التجميع في كل روحة..
ورجة هالبزارين الله يحفظهم لأهلهم..
والواسطة في توزيع الغرف...وغيرة هالحريم والنظرات...الخ
ما أبي أنكد عليكم...المهم...حسيت إني ماسافرة
وقلنا بنروح بعون الله الى تركيا في شهر الحج ..18أوكتوبر ..الى نوفمبر...طبعاً بروحنا..
وأنا أفر في هالمنتدى الروعة ...وأقولها بحق قِمة الكمال..ولا قبل ولا بعد...
لفت نظري النمسا...والتقارير...ودشت الفكرة براسي...
عزمت..وتوكلت على الله...ومابعد كلمت أبو خالد
الين أشوف ردكم يالطيبين...
اللغة الإنجليزية وسط يعني نقدر نفك نفسنا ..وفكر في دورة هالأيام
بقي الخوف..والتردد اللي ذبحني..
وعشان كذي قلت بس هالمرة السفرة الى النمسا...
أو المانيا...أو إيطاليا...يعني دولة واحدة فقط لتكسر حاجز الخوف
أو أخليني ع تركيا وخصوصاً إننا تعرفنا ع سواق قريب لحلاق صاحب أبو خالد
يتجول فينا 10ساعات ب150دولار في اليوم..
أختكم ناخيتكم يا أهل الفزعة ...مترددة وايد...ومحتاسة أكثر..
نوروني الله ينور لكم دربكم..
أختكم/جمانة..