السلام عليكم ورحمة الله وبركاته ..
بدايةً، حبّيت المنتدى وايد ولمست فيكم روح التعاون والمساعدة ، لذلك قررت المشاركة وأخذ مشورتكم ..
باختصار . . !
قرر ابويه نسافر لتركيا هذا الصيف ، ونحنا عائلة من 7 أشخاص و سرنا تركيا مرتين !
فاقترحت على أبويه نغير وجهتنا لأن خلاص عرفنا تركيا وعرفنا جوها وكل شي فيها فالتغيير حلو :]
لكنه "أبى" :/ !!
بحجة ان أسعار تركيا مناسبة بالنسبة لنا باعتبار ان عددنا كبير ، فهو مب مقتنع بأن في أماكن ثانية ممكن نستانس فيها وتكون بنفس السعر أو أقل !
ف بغيت مساعدتكم ، بأن تقترحون علينا أماكن ثانية تكون تقريبا بنفس الأسعار ومناسبة لعائلة =)
- اقترحت عليه اندونيسيا رفض لأن فيها براكين و و و .. مع انّي تخبلت يوم شفت التقارير والصور اللي فالمنتدى عن أندونيسيا لأني ماتوقعتها بهالجمال والروعة
- بالنسبة للطيران اخترنا العربية
الاقترحات لأوروبا أو آسيا مب مشكلة
أتمنّى أحصل المساعدة ، وبصراحة ما اتوقع أحد يخذلني لأنكم متعاونين ما شاء الله
في الانتظار
بنسبة للقتراحات فهي وايد ولاكن كل شي يرجع على الميزانية انا ارشح استراليا اكيد لو قررتو اتزيدون الميزانية
وممكن اتروحون الى ماليزيا وهي مثل تركيا بلسعار وحلوة وممكن اتروحون مصر بعد هي حلوة وفيها اماكن وايد ونفس الاسعار
بنسبة لطيران فلعربية تعتبر طيران اقتصادي لهشي ماتودي رحلات بعيده يعني ماراح اتحصلون رحلات لندونيسيا او ماليزيا على العربية
لان نظام الطيران الاقتصادي ماطير الطياره ابعد من 4 ساعات ونص علشان تقدر ترجع بنفس اليوم لانه طيران اقتصادي
واذا ماقدرتو تقننعون الوالد ارضو بتركيا لانها حلوة وممكن اتشوفون لكم اماكن جديده فيها مازرتوها