افضل شيء استئجر سياره من سالزبورج لمدة يوم بس اهم شيء يكون فيها جهاز الملاحه نفيقشن ورح لميونخ من الصباح وارجع متى ما خلصت والمسافه تقريباً ساعه ونص او اقل وانت هناك

تسلم أخوي الموسيقار على تجاوبك الطيب ولكن مشكلتي ما رخصة دوليه وشوي أخوك جبان من السواقه هناك عشان كذا قلت لعل وعسى فيه جروبات تروح وترد بنفس اليوم.

هلا ابك اخوي
القطارات بتحصلها كل ساعة الى ميونيخ
واول ماتوصل المحطة في ميونيخ
انزل الاندرقراوند ومايردك الا المارين بلاتز
هناك بتحصل كل ميونيخ
تمشي في هالشارع الجميل
وقريب منه شارع الماكسيميلين (شارع الماركات)
ومن محطة ثانية تقدر تنزل في الانجليش بارك وشارع الفيرهايت
هذا اللي اشوفه يستحق الزيارة من رأيي
اما اذا كنت راعي كورة حلاتي
تقدر تحضر لك مباراة للبايرن ميونيخ اذا صادفت مع وقتك
اما معرض البي ام دبليو فكان قبل اسبوعين مغلق للتجديد
وماعندي فكرة متى بيفتحونه
ميونيخ بالاندر جراوند مرة سهلة وحلوة
يعني ماتحتاج لتوور مع جروب من رأيي
واي شي تحتاجه لايردك الا كي بوردك
يابلدياتي

هلا بك بلدياتي عيوس وتسلم لي عى الرد بس ودي يكون بتفصيل خبرك الواحد غشيم أوي (عشان تمشي مع بلدياتي) وكنت سمعت انه فيه باصات مكشوفه تلف على المدينه وعلى العموم عساك على القوه

تقدر تستخدم القطار... لتفاصيل رحلات القطار من سالزبورغ الى ميونخ والعكس يمكنك زيارة الموقع التالي
http://www.oebb.at/vip8/pv/en/Servicebox/Train_schedule_inquiries/index.jsp?S=Salzburg&Z=Munich&start=1&ld=oebb&date=08.08.2007&time=07%3A00×el=depart&image.x=93&image.y=12
انت بس قول لي الساعة كم ودك تروح والساعة كم تبي ترجع وانا اعطيك مواعيد القطار بالضبط

تسلم يا الجار على الرد ودي اروح مثلاً الصباح وارد على 7 مساء الله يلي لك حسن ويصلحه أمين.

من سالزبورغ إلى ميونخ:
في رحلة الساعة 7:09 الصباح والوصول الساعة 9:13 الصباح ومن غير إي تغيير في القطار
في رحلة الساعة 7:53 الصباح والوصول الساعة 9:34 الصباح ومن غير إي تغيير في القطار
في رحلة الساعة 8:17 الصباح والوصول الساعة 10:18 الصباح ومن غير إي تغيير في القطار
يعني تقريباً كل ساعة في قطار
من ميونخ إلى سالزبورغ:في رحلة الساعة 6:46 المساء والوصول الساعة 8:42 المساء ومن غير إي تغيير في القطار
في رحلة الساعة 7:42 المساء والوصول الساعة 9:47 المساء ومن غير إي تغيير في القطار

الخبر مدينتي
ولاتشيل هم انت عزم وانا افصلك
تفصيل يخليك تطفي الجهاز
اما اذا حاب تطلع بتور مع الشركات السياحية فأحسن رتب مع شركة بانوراما
في سالزبورغ مكانهم وراء فندق الكراون بلازا
او بواسطة الريسيبشن في الفندق او زيارة موقعهم على الانترنت
انت بس قرر وابشر

مشكور يا ابو حسن تعبت معي وما قصرت والمثل يقول الجار قبل الدار ريا جار