أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم ورحمه الله وبركاته
صباحكم ورد
بصراحة أنا جاي للشرقية في مهمة عمل وراجع الليلة أن شاء الله للرياض وودي آخذ هدية للوالدة
وش تنصحوني ودي في شي تشتهر في المنطقة الشرقية حتى لو يكون شي بسيط
أفيدوني
اذا كانت الوالدة فوق الخمسين
مر على سوق الدمام وسط المدينة (( سوق الحب )) وخذ لها من هناك بخور دوسري
خلها تبخر ثيابها والبيت وتنبسط
ولاتاخذ البخور إلا لما تشم ريحته وهو على الجمر
أما اذا تبي شي عادي مر على المحلات النسائية وخذلها جلابية كشخة للمناسبات ولازم تراعي ذوق الوالدة في الالوان وتذكر ايش تحب تلبس من ألوان في المناسبات وخلها جلابية كشخة
وغلف البخور والجلابية واهديها لها
صدقني كل مابخرت البيت بتذكرك وتدعيلك واذا احد سألها من وين البخور الزين بتقول من وليدي ووراها كم دعوة
والجلابية نفس الطريقة
وإذا تبي تزيدها بعد
خذلها قطعة تعليقة لسلسال ذهب أصفر (( العجايز يحبون الذهب الاصفر على الابيض ))
والله الموفق ويرزقك بر والديك
مر سوق الحب او السويكت.. يمكن تلقى شي حلو
الجلابيات والعبي والشيل بحكم موقع المنطقة هو أبرز ماتتميز فيه بس انت ذكرت ان الوالدة عندها كثير منها
اعتقد مرورك بالسوق يمكن يذكرك بأشياء حلوة وشعبية بالإضافة للذهب اذا كنت حاب الذهب.. ومحلات الذهب في سوق الحب متوفرة طب وتخير وتقدر تجيب لها طقم دلة شاهي وقهوة من نفس السوق
انصحك تمر محل اصغر علي موجود بفنيسيا مول و مجمع الظهران
عندهم مخلطات حلوه
وعندك محل باجنيد عندهم عطر حجر مره حلو ومباخرهم فخمه موجود المحل بالسويكت واتوقع بفنيسيا بس مو متاكده وبالراشد الدور الثاني عند النافوره
وفيه محل بفنيسيا مول بعد اسمه القطان اتوقع اسمه كذا بالدور الارضي قريب من زهور الريف خل المحل يمينك ويجي المحل يسار عنده بخاخ مفارش بريحه العود مره روعه
توني شاريه هالاشياء الجدتي
والله يهنيك مثل ماراح تفرح قلب امك
إذا كانت من محبي السمك
أما إذا كنت تريد إهداء الوالدة هدية راقية فأنصحك أن تمر (أجمل) لشراء دهن عود أو عطر نسائي .