وعليكم السلام
زيلامسي بعيده عن باقي المخطط
لكن ممكن تعدلون تختارون جنيف ثم باريس ثم لندن والعوده منها
او اذا كانت الرحله 15 يوم انصحكم بعمل جدول اخر يكون كالاتي
3 ليالي بفينا مثلها بسالزبورخ و5 ليالي بزيلامسي و4 ليالي بميونخ
التسوق الرائع بميونخ وسالزبورخ الريف بزيلامسي الملاهي بفينا ( ملاهي بارتر ) وبميونخ ملاهي ( ليكون لاند للاطفال ) وهناك عدد من المنتزهات والملاهي والحداق المختلفه بالمخطط
مع تأجير سياره بالريف بيكون خيار جيد جدا
تحياتي

اخ علي مشكور عالرد
انا ادري ان زلامسي بعيدة عنهم عشان جذي قاعدة اسأل هل في مجال؟ وشلون بتكون الخطه هل هي قبل ولا تكون في اخر السفرة والعودة منها؟
والله احترت لان هم عجبتني خطتك
عالعموم اشكرك عالرد
واتمنى القا ردود زيادة واقتراحات من حضراتكم

طيب ليش ماتروح العاب اليورب بارك تغير تنراها حلوه مره واحلى شي تروح لندن اول وبعدين تخلي رحلتك الى فرانكفورت ومنها الى رست اللي فيها الالعاب وبعدين الى ميونخ وبعدين الى زيلامسي ومنها الى ميونخ والعوده الى ارض الوطن
عندك 16 ليله
4ليالي لندن - ليله فرانكفورت - ليلتين رست -
6ليالي زيلامسي - 3ليالي ميونخ
استاجروا السياره من فرانكفورت وترجعونها بميونخ المسافه الطويله من رست الى زيلامسي 560 كلم بس تهون عشان زيلامسي
او انك تستغنين عن العاب اليورب بارك خصوصا انه اولادكم صغار وتروحون للالعاب الموجوده في ميونخ
ويصير مخططكم
لندن - ميونخ - سالزبورغ - زيلامسي- ميونخ

هلا دموع
مشكورة عالاقتراحات
واظن هذا اللي بيصير
لازم اشيل فرنسا من الحسبة
لان اتصلت على سفريات
واقترحت علي ان اشيل فرنسا واسوي خطة مقاربة لخطة علي
وهم فكرتك حلوة صراحة
بس سؤال
هل تقصد ان كل تنقلاتي بين هالدول بالسيارة افضل؟
وبالنسبة ليورب بارك هذي اهي نفسها اللي ببلاك فورست؟؟
وتصلح لاطفال بهالعمر؟
شكرا جزيلا
والله يجعل كل حرف كتبتوه في ميزان اعمالكم

اطفالك صغار وحلو لهم العاب قريبه من ميونخ وثانيه قريبه من زيلامسي اشوف كذا تكفيهم
وقصدي الالعاب اللي في بلاك فورست
لكن الاسهل لكم هالمخطط
لندن - ميونخ - سالزبورغ - زيلامسي- ميونخ
ويصير طيران من لندن الى ميونخ
وبعدها تستلمون السياره من مطار ميونخ وتسملونها في مطار ميونخ بالاخير
طبعا ترى لندن يبغى لها فيزا لوحدها

دموع مشكورة وايد ))
راح اقرا عن المخطط اللي اقترحتيه واقرر ان شالله
شكرا مرة ثانية

اذا لندن بس حق تسوق
فانصحك في ميلانو ولوقانو فيها اسواق مااعتقد بتحصلها في اي دوله
اتمنى لك رحله موفقه

السلام عليكم
عدت بعد غياب
وقراءة وبحث وتفكير
بليز ابي رايكم :::
ميونخ - 4 ليالي
زلامسي - 5 ليالي
سالزبوغ - ليلتين ---- او بدالها انسبورك
ميونخ (نسلم السيارة ونروح بالطيارة الى باريس)
باريس (يورو ديزني ) 3 ليالي
المجموع 14 ليلة يعني 15 يوم
شرايكم بتقسيمة الايام؟؟
ازيد في منطقة عن الاخرى ولا انقص؟ عطوني رايكم

وطبعا العودة الى الكويت من باريس
يعني راح احجز ان شالله كويت ميونخ باريس كويت