السلام عليكم ورحمة الله وبركاته
أنا من االمتابعين لمنتداكم الرائع منذ فترة لكن هذي أول مشاركة لي و أتمنى انكم تشيروا علي...
بإذن الله انا ح أسافر ماليزيا انا وحرمي المصون في شهر عسل في الصيفية و أبغاكم تعطوني آرائكم وأقتراحاتكم بالنسبة لبرنامجي هناك خصوصا انه أول مره أروح ماليزيا
البرنامج كالتالي:
1-الاقلاع من جدة على الخطوط الماليزية بإذن الله يوم 11 يوليو ح أوصل كولا ومن هناك أروح للصن واي لاجون في البيراميد تور ح أجلس هناك ليلتين في غرفة سوبيريور سعر الليلة 500 ريال.
2-وبعدها بالطياره أروح لبينانج و ح أجلس أربعة ليالي في فندق باي فيو في غرفة قراند ديلوكس مطله سعر الليلة 650 ريال.
3-وبعدها أروح للنكاوي عن طريق القارب - الفيري- واجلس في لانكاوي لاجون لمدة ثلاث أيام في غرفة ديلوكي مطله سعر الليلة 555 ريال.
4-وبعدها أرجع كوالا بالطياره ومنها أروح بالسيارة لجنتنق و ح أجلس في فندق الفيرست ورلد ليله وحده فقط في غرفة ورلد كلوب -أعرف انه في كثير ح ينصحوني أنه بلاش اقعد ليله كامله في جنتنق لكن انا سمعت انه الطريق لجنتنق يدوخ زي طريق الهدا عندنا :36_1_5: والمادم عندي تدوخ بسرعه من هذي المشاوير فعشان كذا قلت اقعد هناك ليله كامله-.
5-وبعدين ياحبايب أرجع لكوالا و أجلس ليلتين في الوستن في غرفه ديلوكس مطله على البرجين سعر الليله 700 ريال و بعدها أربع ليالي في فندق برجايا تايم سكوير في غرفة سوبيريور سعر الليلة 490 ريال
وبعدها بإذن الله العودة إلى جده.
أرجو انكم تعطوني آرائكم النيره في برنامجي لا عدمناكم وكمان ودي أسألكم عن شركة إيلاف للسفر والسياحه في جده اذا أحد اتعامل معاها ايش رأيكم فيها
عارف اني طولت :102: عليكم لكن أنشالله تاخذوا لكم دعوه حلوه
يعطيكم العافيه