1. بس شي واحد ماعجبنا


2. تدرون وشو .....جزيرة الاميرات....احلى مافيها اسمها...

في البداية اشكر جميع من شارك وقدم النصح والمعلومات في هذا المنتدى الرائع...لاني استفدت منة. كثير.....
الحمدلله رجعنا يالسلامة من تركيا.....وكانت سفرية روعة...
.رحنا لاسطنبول وبورصة بس..وكل شي فيها حلو....ماشاءالله.
مطاعم......شوارع .....مزارات سياحية...حتى مقابرهم حلوة فيها عشبوخضراء....طبعا مادخلتها شفتها مع الفتحات....
ابقولكم بإختصار.....رحلتنا احنا مرتبينها...ماخسرنا كثير...يعني ماتعاملنا مع مكاتب سياحية....رحلاتنا احنا الي نظمناها....وسيلة المواصلات..الترام والباص....والتكاسي نادرا للضرورة ...
الأماكن الي اعجبتنا :
مضيق البسفور جدا رائع.
تلة العرائس.حلوة جدا ...وشفت العرسان هناكوالتقطت لهم صورة بعد مااستئذنت...والسياح يصورونهم...
المتاحف جدا حلوة...بس فية اشيا اشك بمصداقيتها...مثل السيوف....ملابس العثمانين شكلها جديدة.....الله اعلم ...ماعلينا...
الايس كريم مرة حلو....مطاعمهم كلها حلوة....يعني كل شي في اسطنبول حلو...

بس شي واحد ماعجبنا

تدرون وشو .....جزيرة الاميرات....احلى مافيها اسمها...

انا تخيلت شي وياليتني ماتخيلت ......متخيلتني ابلاقي بحيرات واشجار خضراء وجلسات ومطاعم مرتبة والخيول يمين ويسار ...المشكلة اني محلمة بالجزيرة واتخيل شكلها من قبل موعد السفر.....اول مادخلنا وتجينا ذيك الروائح النتنةريحة مقززة ...يعني اعطيها 5 من 10.....صح فيها مطاعم وخيول بس ماش.....انصدمت فيها.....لفين فيها بالعربة وشرينا منها ايس كريم يجنن طعمة وطلعنا ...
معاملة الاتراك جدا رائعة ومحترمين جدا ..بس الحريم حقوداتكنت في محل شنط وجزم وامسك شنطة عاجبتني ناوية اشتريها وتسحبها من يدي وترجعهالمكانها
وزعلت وطلعت وهي مادرت عني ....وماهمها .....
حريمهم سيئات... طبعا مااعمم...بس والله الرجال مرة محترمين ويساعدون ويعرضون المساعدة من قبل ماتسأل....ويخدمونك بعيونهم....
راحت علي الشنطة...
لايفوتكم منتجع التيرمال في يلوا....احنا مارحنا لة....بس اللي راحو لة يمدحونة...لو كان فية وقت رحنا لة.....